Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଯନ୍ତ୍ରପାତି ଜାଳିବୁ ନହେଲେ ନିଜେ ଜଳିବୁ… ଚେତାବନୀ ଦେଲେ ମେଲୋଡି ଗ୍ରୁପ୍

2/11/2020 at 2:47 PM

ଭଦ୍ରକ ୨।୧୧: ହେ ସରକାର ଆମ ଦୁଃଖ ବୁଝ । ନହେଲେ ଆମ ଯନ୍ତ୍ରପାତି ସହ ଆମେ ଜଳିବୁ । ପୂଜା ପାର୍ବଣ, ବିବାହ ବ୍ରତ ଏପରିକି ରାଜନୈତିକ ଦଳର ସଭା ସମିତି ସବୁଠି ଖୋଜା ପଡୁଥିଲା ମେଲୋଡି ଗ୍ରୁପ୍‌କୁ । ହେଲେ କରୋନା ମହାମାରୀ ପାଇଁ ସବୁ ସାଂସ୍କୃତିକ କାର୍ଯ୍ୟ ବନ୍ଦ ହୋଇ ଯାଇଥିବାରୁ ଏବେ ଦୁର୍ବିସହ ଜୀବନ ଯାପନ କରୁଛନ୍ତି ମେଲୋଡି ପାର୍ଟିର ମାଲିକଙ୍କ ସହ ଡ୍ୟାନ୍ସ ଟ୍ରୁପ ଓ ସମସ୍ତ କଳାକାର । ମେଲୋଡିକୁ ରୋଜଗାରର ମାଧ୍ୟମ କରି ଯେଉଁମାନେ ନିଜର ସମସ୍ତ ଅର୍ଥବଳ ଖଟାଇ ବାଦ୍ୟଯନ୍ତ୍ର କିଣି ଦୁଇ ପଇସା ରୋଜଗାର କରି ପେଟ ପୋଷୁଥିଲେ ତାହା ଏବେ ସମ୍ପୂର୍ଣ୍ଣ ଠପ୍ ହୋଇ ଯାଇଛି । ଘରେ ପଡି ପଡି ବାଦ୍ୟଯନ୍ତ୍ର ସବୁ ନଷ୍ଟ ହେବାକୁ ବସିଲାଣି । ବିଦ୍ୟୁତ୍ ସରଞ୍ଜାମ, ମାଇକ୍ ସବୁ ଖତ ଖାଇବାକୁ ଗଲାଣି । ଏବେ କେମିତି ଚଳିବେ ମେଲୋଡି ମାଲିକ ଓ କଳାକାର  ବୋଲି ପ୍ରଶ୍ନ କରିଛନ୍ତି । ତେବେ ଆଜି ଜୀବିକା ଦାବି କରି କଳାକାର ଦଳ ଓ ମେଲୋଡି ମାଲିକମାନେ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି l

ସୂଚନାଯୋଗ୍ୟ ଗାୟକ ଗାୟିକା, ବାଦ୍ୟକାର, ନୃତ୍ୟଶିଳ୍ପୀ, ସାଉଣ୍ଡ ଅପରେଟର, ବିଦ୍ୟୁତ ପରିଚାଳକମାନେ ମଧ୍ୟ ନିଜ ନିଜ ଜୀବିକା ପାଇଁ ମାଲିକଙ୍କ ଉପରେ ନିର୍ଭରଶୀଳ ହୋଇଥିବାରୁ ଏବେ ସେମାନଙ୍କୁ ନିଜ ପାଖରେ ବାନ୍ଧି ରଖିବା ପାଇଁ ମାଲିକମାନେ ସକ୍ଷମ ନୁହନ୍ତି । ଯାହା ଫଳରେ ପାର୍ଟି ସମ୍ପୂର୍ଣ୍ଣ ଦୁର୍ଦ୍ଦିନରେ । କିଛି ମାଲିକ ବ୍ୟାଙ୍କରୁ ଲୋନ୍ ଆଣି ମେଲୋଡି ପାର୍ଟି ଗଠନ କରିଥିବା ବେଳେ ଏବେ ବ୍ୟାଙ୍କ କିସ୍ତି ଦେବାରେ ଅକ୍ଷମ ହୋଇଛନ୍ତି । ଏହିଭଳି ନାନା ସମସ୍ୟା ମଧ୍ୟରେ ମେଲୋଡି ମାଲିକମାନେ ଗତି କରୁଥିବା ସମ୍ମିଳନୀରେ ସୂଚନା ଦିଆ ଯାଇଥିଲା । ବାରମ୍ବାର ଜିଲ୍ଲା ପ୍ରଶାସନ ମାଧ୍ୟମରେ ସରକାରଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ସରକାର ସମ୍ପୂର୍ଣ୍ଣ ନୀରବ ରହିଛନ୍ତି । ଏବେ ମଲ୍ ଠାରୁ ଆରମ୍ଭ କରି ରାଜନୈତିକ ସଭା ସମିତି ସବୁକୁ ସରକାର ଅନୁମତି ଦେଉଥିବା ବେଳେ ପୂଜା ପାର୍ବଣ, ବିବାହ ବ୍ରତରେ କୋଭିଡ୍ କଟକଣାକୁ ମାନି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ପାଇଁ ଅନୁମତି ଦେବାକୁ ସଂଘ ପକ୍ଷରୁ ଅନୁରୋଧ କରାଯାଇଛି । ସରକାର ଏଥିପ୍ରତି ସଦୟ ନ ହେଲେ ସଂଘ ଆଗାମୀ ଦିନରେ ରାଜରାସ୍ତାକୁ ଓହ୍ଲାଇବା ସହ ଆଗାମୀ ଦିନ ରେ ନିଜ ଯନ୍ତ୍ରପାତି ଜାଳିବା ସହ ନିଜେ ମଧ୍ୟ ଜଳିଯାଇପାରନ୍ତି ବୋଲି କହିଛନ୍ତି ।

   Related Posts