Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ବିଶ୍ୱକପରେ ଭାରତର ପରାଜୟ ପାଇଁ ନାରଙ୍ଗୀ ଜର୍ସିକୁ ଦୋଷ ଦେଲେ ମେହବୁବା : କହିଲେ ଅଶୁଭ ରଙ୍ଗ

1/07/2019 at 11:28 AM

ୱାର୍ମିଙ୍ଗହାମ ୧/୭ : ରବିବାର ଦିନ ଭାରତ ଇଂଲଣ୍ଡ ମଧ୍ୟରେ ଥିବା ବିଶ୍ୱକପ ମ୍ୟାଚରେ ଇଂଲଣ୍ଡ ଭାରତକୁ ପରାସ୍ତ କରିଛି । ଜନି ବେୟରସ୍ଟୋଙ୍କ ୧୧୧ ରନ, ବେନ ସ୍ଟୋକ୍ସଙ୍କ ୭୯ ରନ ତଥା ଜେସନ ରୟଙ୍କ ୬୬ ରନ ଭାରତର ବିଜୟ ରଥକୁ ଅଟକାଇ ଦେଇଥିଲା । ଟିମ ଇଣ୍ଡିଆ ବିଶ୍ୱକପରେ ପ୍ରଥମଥର ପାଇଁ ନାରଙ୍ଗୀ ରଙ୍ଗର ଜର୍ସି ପିନ୍ଧି ଖେଳିଥିଲା । ଏହି ମ୍ୟାଚ ହିଁ ଭାରତ ହାରି ଯାଇଥିଲା । ଭାରତର ଏହି ରୋମାଞ୍ଚକ ପରାଜୟକୁ ନେଇ ମଧ୍ୟ ଏବେ ରାଜନୀତି ହେଲାଣି । ନାରଙ୍ଗୀ ରଙ୍ଗର ଜର୍ସି ଟିମ ଇଣ୍ଡିଆର ପରାଜୟର କାରଣ ବୋଲି ସୋସିଆଲ ମିଡ଼ିଆରେ ପ୍ରଶ୍ନ ଉଠିଲାଣି ।

ପିଡିପି ନେତ୍ରୀ ମେହବୁବା ମୁଫତି ଟ୍ୱିଟ କରି କହିଛନ୍ତି, “ଆପଣମାନେ ମୋତେ ଅନ୍ଧବିଶ୍ୱାସୀ କହିଲେ ମଧ୍ୟ ମୁଁ କହିବି ଆଇସିସି ବିଶ୍ୱକପ ଟୁର୍ଣ୍ଣାମେଣ୍ଟରେ ଇଂଲଣ୍ଡ ବିପକ୍ଷରେ ଭାରତର ପରାଜୟ ପାଇଁ ନାରଙ୍ଗୀ ରଙ୍ଗ ଦାୟୀ “।  

ମେହବୁବା ମୁଫତିଙ୍କ ଏହି ଟ୍ୱିଟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏହି ଟ୍ୱିଟକୁ ନେଇ ଲୋକେ ତାଙ୍କୁ ଟ୍ରୋଲ କରିଛନ୍ତି ।

ତେବେ ଜର୍ସିର ରଙ୍ଗ କୌଣସି ମ୍ୟାଚକୁ ପ୍ରଭାବିତ କରିନଥାଏ । କାରଣ ପଡିଆରେ ଖେଳାଳି ଖେଳିଥାନ୍ତି, ଜର୍ସି ନୁହେଁ । ବିରାଟ କୋହଲିଙ୍କୁ ନୀଳ ରଙ୍ଗ ବହୁତ ପସନ୍ଦ । କିନ୍ତୁ ଇଂଲଣ୍ଡ ଟିମର ଜର୍ସିର ରଙ୍ଗ ନୀଳ ହୋଇଥିବା ଯୋଗୁଁ ଟିମ ଇଣ୍ଡିଆକୁ ନାରଙ୍ଗୀ ରଙ୍ଗର ଜର୍ସି ପିନ୍ଧିବାକୁ ପଡିଥିଲା । 

ରବିବାର ଦିନ ଇଂଲଣ୍ଡ ଏବଂ ଭାରତ ମଧ୍ୟରେ କଡା ଟକ୍କର ହୋଇଥିଲା । ଇଂଲଣ୍ଡ ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା । ଇଂଲଣ୍ଡ ୫୦ ଓଭରରେ ୭ ୱିକେଟ ହରାଇ ୩୩୭ ରନ କରିଥିଲା । ଭାରତ ୫୦ ଓଭରରେ ୫ଟି ୱିକେଟ ହରାଇ ୩୦୬ ରନ କରିଥିଲା ।

   Related Posts