ନୂଆଦିଲ୍ଲୀ ୨୬/୧୦: ମେଘାଳୟର ରାଜ୍ୟପାଳ ସତ୍ୟପାଲ ମଲିକଙ୍କ ସାଂଘାତିକ ଅଭିଯୋଗ । ସେ କହିଛନ୍ତି ଯେ ଗୋଆରେ ବହୁ ଦୁର୍ନୀତି ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଥିପ୍ରତି ଧ୍ୟାନ ଦେବା ଉଚିତ୍ । ଗଣମାଧ୍ୟମର ସ୍ୱତନ୍ତ୍ର ସାକ୍ଷାତକାରରେ ସେ ଏନେଇ ଅଭିଯୋଗ କରିଛନ୍ତି । ସତ୍ୟପାଲ ମଲିକ ଗୋଆର ରାଜ୍ୟପାଳ ଅଛନ୍ତି ।
ସତ୍ୟପାଲ ମଲିକ କହିଛନ୍ତି, ଗୋଆରେ ବିଜେପି ସରକାର କୋଭିଡରେ ସଠିକ ଭାବେ ମୁକାବିଲା କରିପାରି ନାହିଁ । ମୁଁ ମୋର ନିଷ୍ପତ୍ତିରେ ଅଟଳ ଅଛି । ଗୋଆ ସରକାର ଯାହା ବି କରିଛନ୍ତି ସେ ସବୁରେ ଦ୍ୱନ୍ଦ୍ୱ ରହିଛି । ଗୋଆ ସରକାର ଯାହା ବି କିଛି କରିଛନ୍ତି ସେସବୁ ଦୁର୍ନୀତିଗ୍ରସ୍ତ । ଗୋଆ ସରକାରଙ୍କ ବିରୋଧରେ ହୋଇଥିବା ଦୁର୍ନୀତି ଅଭିଯୋଗ ହେତୁ ମୋତେ ବରଖାସ୍ତ କରାଯାଇଥିଲା ।
ମୁଁ ଜଣେ ଲୋହିଆୱାଡି, ମୁଁ ଚରଣ ସିଂଙ୍କ ସହ ବହୁତ ସମୟ ଅତିବାହିତ କରିଛି । ମୁଁ ଦୁର୍ନୀତିକୁ ସହ୍ୟ କରିପାରିବି ନାହିଁ । ସେ କହିଛନ୍ତି, “ଗୋଆ ସରକାର ଦ୍ୱାରା କରାଯାଇଥିବା ରାସନ ବଣ୍ଟନ ବଣ୍ଟନ ଯୋଜନା ଥିଲା ଅବ୍ୟବହାରିକ । ଗୋଟିଏ କମ୍ପାନୀର ନିର୍ଦ୍ଦେଶରେ ସରକାର ଚାଲୁଛନ୍ତି । ମୋତେ କଂଗ୍ରେସ ସମେତ ଅନେକ ଲୋକ ଅନୁସନ୍ଧାନ କରିବାକୁ କହିଥିଲେ ।
ମୁଁ ଏହି ଘଟଣାର ଅନୁସନ୍ଧାନ କରି ପ୍ରଧାନମନ୍ତ୍ରୀଙ୍କୁ ଜଣାଇଲି । ମଲିକ ଆହୁରି କହିଛନ୍ତି, 'ଏହା ତାଙ୍କ ଦୋଷ ବୋଲି ସେ ବିଶ୍ୱାସ କରିବେ ନାହିଁ । ବିମାନବନ୍ଦର ନିକଟରେ ଏପରି ଏକ ସ୍ଥାନ ଅଛି ଯେଉଁଠାରେ ଖଣି ଖନନ ପାଇଁ ଟ୍ରକର ବିପୁଳ ବ୍ୟବହାର କରାଯାଉଛି । କୋଭିଡକୁ ଦୃଷ୍ଟିରେ ରଖି ଏହାକୁ ବନ୍ଦ କରିବାକୁ ମୁଁ ସରକାରଙ୍କୁ କହିଥିଲି । କିନ୍ତୁ ସରକାର ଏଥିରେ ରାଜି ହୋଇନଥିଲେ ଏବଂ ପରେ ଏହା କୋଭିଡର ହଟସ୍ପଟରେ ପରିଣତ ହୋଇଥିଲା ।
ସେ କହିଛନ୍ତି ଯେ ଆଜି ଦେଶର ଲୋକମାନେ ସତ କହିବାକୁ ଭୟ କରୁଛନ୍ତି । ସତ୍ୟପାଲ ମଲିକ ଆହୁରି କହିଛନ୍ତି ଯେ ସେ କେବଳ ଯାହା ଅନୁଭବ କରନ୍ତି ତାହା କୁହନ୍ତି । ସେ କହିଛନ୍ତି ଯେ ସରକାର ବିଦ୍ୟମାନ ରାଜ୍ୟ ଭବନକୁ ଭାଙ୍ଗି ଏକ ନୂତନ ନିର୍ମାଣ କରିବାକୁ ଚାହୁଁଛନ୍ତି, କିନ୍ତୁ ଏହାର କୌଣସି ଆବଶ୍ୟକତା ନାହିଁ । ସେ କହିଛନ୍ତି ଯେ ସରକାର ଆର୍ଥିକ ଚାପରେ ଥିବାବେଳେ ଏହା ପ୍ରସ୍ତାବ ଦିଆଯାଇଥିଲା ।
