ବରଗଡ, ୨୩।୦୧ : ବରଗଡରେ ଚାଷୀମାନେ ଏକତ୍ର ହୋଇ ଏକ ବିଶାଳ ସମାବେଶ କରିଛନ୍ତି । ଅଖିଳ ଭାରତୀୟ କୃଷକ ସଙ୍ଗଠନର ଆହ୍ୱାନ କ୍ରମେ ପଶ୍ଚିମ ଓଡିଶା କୃଷକ ସଙ୍ଗଠନ ଓ ଜୟକିସାନ ଆନ୍ଦୋଳନର ମିଳିତ ପରିଚାଳନାରେ ଶନିବାର ଏକ ସମାବେଶ ଅନୁଷ୍ଠିତ ହୋଇଯାଇଛି।
ଏହି ସମାବେଶରେ ୧୦ ଜିଲ୍ଲାର ପ୍ରାୟ ୫ ହଜାର ଚାଷୀ ଉପସ୍ଥିତ ରହି କେନ୍ଦ୍ରର ତିନି କୃଷି ଆଇନକୁ ବିରୋଧ କରିଥିଲେ। ଲିଙ୍ଗରାଜ ଓ ଅଶୋକ ପ୍ରଧାନଙ୍କ ସମେତ ସବୁ ଜିଲ୍ଲାର ପ୍ରତିନିଧିମାନେ ଉଦବୋଧନ ଦେଇ ଆଇନକୁ ବିରୋଧ କରିଥିଲେ।
ଦିଲ୍ଲୀରେ ଚାଲିଥିବା ଚାଷୀ ଆନ୍ଦୋଳନ ଆଜି ୫୮ ଦିନରେ ପହଞ୍ଚିଥିଲେ ବି କେନ୍ଦ୍ର ସରକାର କୌଣସି ଟୋସ୍ ପଦକ୍ଷେପ ଗ୍ରହଣ କରୁନାହାଁନ୍ତି । ଏନେଇ କୃଷକ ନେତାମାନେ ଅସନ୍ତୋଷ ବ୍ୟକ୍ତ କରି ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ଚେତାବନୀ ଦେଇଥିଲେ।