ବ୍ରହ୍ମପୁର ୧୦|୮: ବିଦ୍ୟାଳୟ ପରିସରରେ ଥିବା ଏକ ପରିତ୍ୟକ୍ତ ପାଣି ଟାଙ୍କିରେ ପଡିଛି ଗଦା ଗଦା ସରକାରୀ ଔଷଧ । କୃମି ନାଶକ ଖାଇବା ପରେ ବିଦ୍ୟାଳୟରେ ୮ଜଣ ପିଲା ଅସୁସ୍ଥ ହୋଇପଡିଥିଲେ । ଶେଷରେ ପିଲାଙ୍କୁ ଅକ୍ସିଜେନ ଦେବାକୁ ପଡିଥିଲା। ଏ ଘଟଣା ପରେ ଖୋଦ୍ ବିଇଓ ଅଫିସ ପରିସରରେ ଥିବା ଗୌଡ଼ ସାହି ପ୍ରାଥମିକ ବିଦ୍ୟାଳୟର ଏକ ପରିତ୍ୟକ୍ତ ପାଣିଟାଙ୍କିରେ ପଡିଛି ପିଲାଙ୍କ ପାଇଁ ଆସିଥିବା ଔଷଧ । ଏହାକୁ ନେଇ ଏବେ ଅଂଚଳରେ ଚହଳ ପଡିଛି । ବିଦ୍ୟାଳୟରେ କାର୍ଯ୍ୟରତ ଭାରପ୍ରାପ୍ତ ପ୍ରଧାନଶିକ୍ଷକ କମ୍ ଦିନ ହେଲା ଦାୟିତ୍ବ ନେଇଥିବାରୁ ସେ ଏ ବିଷୟରେ ଜାଣି ନଥିବା କହିଛନ୍ତି ।
{"id":142858}ପ୍ରଶ୍ନ ଉଠୁଛି କିଏ ଫିଙ୍ଗିଛି ଏସବୁ ସରକାରୀ ଔଷଧ ? କୋଉଠୁ ଆସିଲା ଏହି ଔଷଧ ? ସ୍ବାସ୍ଥ୍ୟ ବିଭାଗ ବା ଶିକ୍ଷା ବିଭାଗ କର୍ମଚାରୀ ଙ୍କ ବିନା ଜ୍ଞାତସାରରେ କିଭଳି ପଡିଲା ଏତେ ଔଷଧ ? ବଣ୍ଟା ଗଲାନି କାହିଁକି ? ଏହାର ତଦନ୍ତ କରାଯିବାକୁ ଦାବି ହୋଇଛି ।
{"id":142860}ଖବର ପାଇ କବିସୂର୍ଯ୍ୟନଗର ସରକାରୀ ଡାକ୍ତର ବିଦ୍ୟାଳରେ ପହଂଚି ପଡ଼ିଥିବା ଔଷଧ ସଂଗ୍ରହ କରି ଥିଲେ । ଏସବୁ ଏକ୍ସପାୟରି ଔଷଧ ଓ ସ୍କୁଲ କ୍ଲଷ୍ଟରଗୁଡିକୁ ଦିଆଯାଇଥିବା କହିଥିଲେ । ସପ୍ତାହରେ ଥରେ ପିଲାଙ୍କୁ ଦିଆଯିବାକୁ ସ୍ବାସ୍ଥ୍ୟ ବିଭାଗ ଦେଇଥାଏ । ଏସବୁ ଶିକ୍ଷା ବିଭାଗର କାମ ବୋଲି ଡାକ୍ତର ପ୍ରତିକ୍ରିୟାରେ କହିଛନ୍ତି ।