Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ନିଜ ଜୀବନକୁ ବାଜି ଲଗାଇ ଲୋକଙ୍କ ଜୀବନ ରକ୍ଷା କରୁଛନ୍ତି ଡାକ୍ତର, ନର୍ସ: ପିପିଇ କିଟରେ ଭର୍ତ୍ତି ହୋଇଯାଉଛି ପାଣି ଭଳି ଝାଳ

13/08/2020 at 3:30 PM

ବେଜିଙ୍ଗ ୧୩/୦୮ : କରୋନା ସଂକ୍ରମଣ ସାରା ଦୁନିଆକୁ କବଳିତ କରିଛି | ପାଖାପାଖି ୨ କୋଟିରୁ ଅଧିକ ଲୋକ ସଂକ୍ରମଣର ଶିକାର ହୋଇଛନ୍ତି | ୭ ଲକ୍ଷରୁ ଅଧିକ ଲୋକ କରୋନା ଭାଇରସରେ ପ୍ରାଣ ହରାଇ ସାରିଛନ୍ତି | ଏହି ମହାମାରୀ ସମୟରେ ଡାକ୍ତର, ନର୍ସ ଓ ଅନ୍ୟାନ୍ୟ ସ୍ୱାସ୍ଥ୍ୟକର୍ମୀ ନିଜ ଜୀବନକୁ ବାଜି ଲଗାଇ ଲୋକଙ୍କ ଜୀବନ ରକ୍ଷା କରୁଛନ୍ତି | ସ୍ୱାସ୍ଥ୍ୟକର୍ମୀଙ୍କ ଏହି ସେବା ଓ ବଳିଦାନକୁ ବର୍ଣ୍ଣନା କରୁଥିବା ଏକ ଭିଡିଓ ବର୍ତ୍ତମାନ ସୋସିଆଲ ମିଡ଼ିଆରେ ବହୁତ ଭାଇରାଲ ହେଉଛି |

ଡେଲି ମେଲ ଖବର ଅନୁଯାୟୀ, ଚୀନର ଏକ କୋଭିଡ-୧୯ ହସ୍ପିଟାଲର ଏକ ଭିଡିଓ ଭାଇରାଲ ହୋଇଛି | ନିଜର ସିଫ୍ଟ ସାରିବା ପରେ ଜଣେ ଡାକ୍ତର ନିଜର ପିପିଇ କିଟ ଖୋଲିବା ସମୟରେ କିଟରୁ ଲିଟର ଲିଟର ଝାଳ ବାହାରୁଥିବା ଭିଡିଓରେ ଦେଖିବାକୁ ମିଳିଛି | ଏହି ଭିଡିଓକୁ ଚାଇନା ସୋସିଆଲ ମିଡ଼ିଆରେ ଅନେକ ଲୋକ ସେୟାର କରିଛନ୍ତି | ମହାମାରୀ ସମୟରେ ସ୍ୱାସ୍ଥ୍ୟକର୍ମୀଙ୍କ ବଳିଦାନ ପାଇଁ ଲୋକେ ସେମାନଙ୍କୁ ‘ରିୟଲ ହିରୋ’ ବୋଲି କହୁଛନ୍ତି | 

ଚାଇନାର ଶିନଜିଆଙ୍ଗର ଭିଡିଓ ରିପୋର୍ଟ ଅନୁଯାୟୀ ଏହି ଭିଡିଓ ନର୍ଥ-ୱେଷ୍ଟ ଚୀନର ଶିନଜିଆଙ୍ଗ ଅନ୍ତର୍ଗତ ଓରୁମକି ସହରର ଏକ ହସ୍ପିଟାଲର | ଭିଡିଓରେ ଜଣେ ମହିଳା ଡାକ୍ତର ଡ୍ୟୁଟି ସାରି ପିପିଇ କିଟ ବାହାର କରିବା ସମୟରେ କିଟ ଭିତରୁ ପାଣି ଭଳି ଝାଳ ବାହାରୁଥିବା ଦେଖିବାକୁ ମିଳିଛି | 

ଡାକ୍ତରଙ୍କ ପ୍ଲାଷ୍ଟିକ ଜୋତାରେ ଏହି ଝାଳ ଭର୍ତ୍ତି ହୋଇ ରହିଥିଲା | ଗରମ ଦିନରେ ପିପିଇ କିଟ ପିନ୍ଧିବା କୌଣସି ଅଗ୍ନି ପରୀକ୍ଷା ଠାରୁ କମ ନୁହେଁ | ଏହାକୁ ପିନ୍ଧି ଡାକ୍ତର ନର୍ସ ଘଣ୍ଟା ଘଣ୍ଟା ଧରି ପାଣି ମଧ୍ୟ ପିଇ ପାରନ୍ତି ନାହିଁ | ସାରା ଦୁନିଆରେ କରୋନା ମହାମାରୀ ଯୋଗୁଁ ବିଷମ ପରିସ୍ଥିତିରେ ଆଗଧାଡିର ଯୋଦ୍ଧା ସାଜି ନିଜ ଜୀବନକୁ ବାଜି ଲଗାଇ ଲୋକଙ୍କ ଜୀବନ ରକ୍ଷା କରୁଛନ୍ତି |

   Related Posts