ଢେଙ୍କାନାଳ ୨।୧୧: ଢେଙ୍କାନାଳ ମୁଖ୍ୟ ହସ୍ପିଟାଲରେ ଡାକ୍ତର ଓ କର୍ମଚାରୀଙ୍କୁ ଦୁର୍ବ୍ୟବହାର ପ୍ରତିବାଦରେ ଆନ୍ଦୋଳନକୁ ଓହ୍ଲାଇଛି ଓମସାର ଢେଙ୍କାନାଳ ଶାଖା । ଏ ସମ୍ପର୍କରେ ଏକ ମାମଲା ଟାଉନ ଥାନାରେ ରୁଜୁ ହୋଇଛି । ଏପରିକି ସୋମବାର ଢେଙ୍କାନାଳ ମୁଖ୍ୟ ଡାକ୍ତରଖାନାର ଡାକ୍ତର ଓ କର୍ମଚାରୀମାନେ ଡାକ୍ତରଖାନା ସମ୍ମୁଖରେ ଧାରଣା ଦେଇଥିଲେ । ତେବେ ଟାଉନ ପୋଲିସ ଓ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ପ୍ରତିଶ୍ରୁତି ଦେବାପରେ ଧରଣାରୁ ଓହରିଛନ୍ତି ।
{"id":354809,"sizeSlug":"large"}ତେବେ ଡାକ୍ତର ଓ କର୍ମଚାରୀଙ୍କୁ ଦୁର୍ବ୍ୟବହାର କରିଥିବା ଅଭିଯୁକ୍ତମାନଙ୍କୁ ୨୪ଘଣ୍ଟା ମଧ୍ୟରେ ଗିରଫ, ହସ୍ପିଟାଲ ପରିସରରେ ସ୍ଥାୟୀ ପୋଲିସ ଫାଣ୍ଡି ଓ ବେଆଇନ ପାର୍କିଂ ହଟାଇବା ଆଦି ତିନି ଦଫା ଦାବି କରିଛନ୍ତି । ୨୪ ଘଣ୍ଟା ମଧ୍ୟରେ ଏହା ପୂରଣ ନହେଲେ ଆସନ୍ତାକାଲିଠାରୁ ଡାକ୍ତର ଓ କର୍ମଚାରୀମାନେ ଅନିର୍ଦ୍ଧିଷ୍ଟ ସମୟ ପାଇଁ କାର୍ଯ୍ୟବନ୍ଦ କରିବେ ବୋଲି ଓମସାର ଢେଙ୍କାନାଳ ଜିଲ୍ଲା ସମ୍ପାଦକ ଚେତାବନୀ ଦେଇଛନ୍ତି ।