ଭୁବନେଶ୍ୱର୧୯/୧୧: ତାଳଚେର, ସୁନ୍ଦରଗଡ଼ ଓ ପୁରୀ ଜିଲ୍ଲାରେ ୩ଟି ମେଡିକାଲ କଲେଜ ପ୍ରତିଷ୍ଠା ହେବ। ୩ଟି ମେଡିକାଲ କଲେଜର ନିର୍ମାଣ ନେଇ ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ । ପ୍ରତି ମେଡିକାଲ କଲେଜରେ ରହିବ ୧୦୦ଟି ଲେଖାଏଁ ସିଟ୍ ।
ତାଳଚେରରେ ଏମସିଏଲ ସହଯୋଗରେ ମେଡିକାଲ କଲେଜ ନିର୍ମାଣ ହେବ। ଟ୍ରଷ୍ଟ ଦ୍ବାରା ତାଳଚେର ମେଡିକାଲ କଲେଜ ପରିଚାଳିତ ହେବ। ଡିସେମ୍ବର ସୁଦ୍ଧା ଭିତ୍ତିଭୂମି ନିର୍ମାଣ କାମ ଶେଷ କରିବାକୁ ନିର୍ଦ୍ଦେଶ ଦିଆଯାଇଛି। ପୁରୀରେ ୨୦୨୧-୨୨ ଶିକ୍ଷା ବର୍ଷରୁ ପାଠପଢ଼ା ଆରମ୍ଭ ହେବ । ଅନ୍ୟପଟେ ସୁନ୍ଦରଗଡ଼ରେ NTPC ସହାୟତାରେ ମେଡିକାଲ କଲେଜ ହେବ । ଆସନ୍ତା ଶିକ୍ଷାବର୍ଷରୁ ପାଠପଢ଼ା ପାଇଁ MCIର ଅନୁମତି ଲୋଡ଼ିବେ ସରକାର।
