Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

ଭାରତ-ଚୀନ ସେନା ସଂଘର୍ଷରେ ବୈଦେଶିକ ମନ୍ତ୍ରଣାଳୟର ବୟାନ- ଶାନ୍ତି ଦରକାର, କିନ୍ତୁ ସୀମାରେ କୌଣସି ସାଲିସ୍ ଚଳିବ ନାହିଁ

16/06/2020 at 10:15 PM

ନୂଆଦିଲ୍ଲୀ ୧୬।୦୬:  ଲଦାଖର ଗଲଓ୍ଵାନ ଘାଟିରେ ସୋମବାର ରାତିରେ ଚୀନ ସେନା ସହିତ ଭାରତୀୟ ସୈନିକଙ୍କ ବଡ ହିଂସାତ୍ମକ ଘଟଣା ଘଟିଛି। ଏ ପର୍ଯ୍ୟନ୍ତ ଆସିଥିବା ସୂଚନା ଅନୁଯାୟୀ ଏହି ଘଟଣାରେ ଭାରତର ୨୦ ଯବାନ ସହିଦ ହୋଇଛନ୍ତି। ଅନ୍ୟପକ୍ଷେ ଚୀନର ମଧ୍ୟ ବହୁତ କ୍ଷତି ଘଟିଛି। ଡ୍ରାଗନର ୪୩ ସୈନିକ ନିହତ ହୋଇଛନ୍ତି। ଏହାର କିଛି ସମୟ ପୂର୍ବରୁ ବୈଦେଶିକ ମନ୍ତ୍ରଣାଳୟ ନିଜର ବିବୃତ୍ତିରେ କହିଛି ଯେ, ଜୁନ ୧୫ ସନ୍ଧ୍ୟାରେ ଚୀନ ସୈନିକ ପକ୍ଷରୁ ଯଥାସ୍ଥିତି ବଦଳାଇବାକୁ ପ୍ରୟାସ କରାଯାଇଥିଲା। ଏହାକୁ ବିରୋଧ କରିବାକୁ ଦୁଇ ଦେଶର ସୈନିକଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଘଟିଛି। ଏହି ସଂଘର୍ଷରେ ଦୁଇ ପକ୍ଷର କ୍ଷତି ଘଟିଛି। ଯଦି ଚୀନ ସେନା ରାଜିନାମାକୁ ମାନିଥାନ୍ତେ ତେବେ ଏହି ଘଟଣାକୁ ରୋକଯାଇ ପାରିଥାନ୍ତା।

ବୈଦେଶିକ ମନ୍ତ୍ରଣାଳୟ କହିଛି ଯେ, ପୂର୍ବ ଲଦାଖ ସଂଲଗ୍ନ ସୀମାରେ ସ୍ଥିତି ସ୍ଵାଭାବିକ ଲାଗି ଉଦ୍ୟମ ଜାରି ରହିଥିଲା। ଏହାରି ଆଧାରରେ ଭାରତ ଓ ଚୀନ ସୈନ୍ୟ କୂଟନୈତିକ ସ୍ତରରେ ଆଲୋଚନା ଜାରି ରହିଥିଲା। ଜୁନ ୬ରେ ବରିଷ୍ଠ ସୈନ୍ୟ ଅଧିକାରୀଙ୍କ ମଧ୍ୟରେ ହୋଇଥିବା ବୈଠକ ବହୁତ ସକରାତ୍ମକ ରହିଥିଲା। ଏହି ବୈଠକରେ ଉତ୍ତେଜନା କମ କରିବା ଉପରେ ସହମତି ପ୍ରକାଶ ପାଇଥିଲା। ଏହା ପରେ କମାଣ୍ଡରସ୍ତରୀୟ ବୈଠକ ହୋଇଥିଲା ଯଦ୍ଵାରା ଉଚ୍ଚସ୍ତରରେ ସହମତି ହୋଇ ପାରିବ।

ବୈଦେଶିକ ମନ୍ତ୍ରଣାଳୟ କହିଛି, ଭାରତ ସୀମା କ୍ଷେତ୍ରରେ ଶାନ୍ତି ବଜାୟ ରଖିବା ଏବଂ ଆପୋଷ ଆଲୋଚନା ଜରିଆରେ ମତଭେଦର ସମାଧାନ ଲାଗି ପ୍ରସ୍ତୁତ। କିନ୍ତୁ ନିଜର ସାର୍ବଭୌମ ଏବଂ କ୍ଷେତ୍ରୀୟ ଅଖଣ୍ଡତା ପ୍ରତି ସାଲିସ୍ କରାଯାଇ ପାରିବ ନାହିଁ। ଆମେ ଶାନ୍ତି ଚାହୁଁଛୁ ମାତ୍ର ସୀମାରେ କୌଣସି ପ୍ରକାରରେ ପଛଘୁଞ୍ଚା ଦେବୁନାହିଁ କି ସାଲିସ୍ କରି ପାରିବୁ ନାହିଁ।

ଉଲ୍ଲେଖଯୋଗ୍ୟ, ଗତ ପାଞ୍ଚ ସପ୍ତାହରୁ ଗଲଓ୍ଵାନ ଘାଟିରେ ବଡ ସଂଖ୍ୟାରେ ଭାରତୀୟ ଓ ଚୀନ ସୈନିକ ମୁହାଁମୁହିଁ ସ୍ଥିତିରେ ଛିଡା ହୋଇଥିଲେ। ଏହି ଘଟଣା ଭାରତୀୟ ସେନା ପ୍ରମୁଖ ଜେନେରାଲ ଏସଏମ ନରଓ୍ଵାଣେଙ୍କ ସେହି ବୟାନର କିଛି ଦିନ ପରେ ସାମ୍ନାକୁ ଆସିଥିଲା, ଯେବେ ନରଓ୍ଵାଣେ କହିଥିଲେ ଯେ, ଦୁଇ ଦେଶର ସୈନିକ ଗଲଓ୍ଵାନ ଘାଟିରୁ ପଛକୁ ହଟୁଛନ୍ତି।

   Related Posts