Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୮ କରୋନା ସଂକ୍ରମିତଙ୍କ ମୃତ୍ୟୁ, ୧୨ଶହ ଅତିକ୍ରମ କଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୭୯୩ କରୋନା ସଂକ୍ରମିତ, ୨୭୭୮୮୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||

ଗୋଟିଏ ଛେଳିର ମୃତ୍ୟୁ ଯୋଗୁଁ ମହାନଦୀ କୋଲ୍‌ ଫିଲ୍ଡର ୨.୬୮ କୋଟି ଟଙ୍କା କ୍ଷତି

1/10/2019 at 4:40 PM

ଭୁବନେଶ୍ୱର – ଗୋଟିଏ ଛେଳିର ମୃତ୍ୟୁ ପାଇଁ ମହାନଦୀ କୋଲ୍‌ ଫିଲ୍ଡ୍‌ ବା ଏମ୍‌ସିଏଲ୍‌ର ୨.୬୮ କୋଟି ଟଙ୍କା କ୍ଷତି ହୋଇଛି । ତାଳଚେରରେ ଥିବା ମହାନଦୀ କୋଲ୍‌ ଫିଲ୍ଡର ଏକ ଖଣି ନିକଟରେ ଟିପର ଧକ୍କାରେ ଗୋଟିଏ ଛେଳିର ମୃତ୍ୟୁ ହୋଇଥିଲା । ସ୍ଥାନୀୟ ବାସିନ୍ଦା ଏକାଠି ହୋଇ ୬୦ ହଜାର ଟଙ୍କା କ୍ଷତି ପୂରଣ ଦାବି କରିଥିଲେ । ଏଥିପାଇଁ ଅନେକ ସମୟ ଧରି କୋଇଲା ଉତ୍ତୋଳନ ଓ ପରିବହନ ବନ୍ଦ ରହିଥିଲା ।
ଜଗନ୍ନାଥ ସାଇଡିଂ ନିକଟରେ ଏହି ଘଟଣା ଘଟିଥିଲା । ସ୍ଥାନୀୟ ବାସିନ୍ଦାଙ୍କ ଆନ୍ଦୋଳନ ଯୋଗୁଁ କୋଇଲା ପରିବହନ ସମ୍ପୂର୍ଣ୍ଣ ଭାବେ ବନ୍ଦ ହୋଇଯାଇଥିଲା । ସୋମବାର ସକାଳ ୧୧ ଟା ସମୟରେ ଏହି ଘଟଣା ଘଟିଥିଲା ।

ଏମ୍‌ସିଏଲ୍‌ର ବରିଷ୍ଠ ଅଧିକାରୀ ଓ ପୁଲିସ ବିକ୍ଷୋଭକାରୀଙ୍କ ସହ କଥାବାର୍ତ୍ତା କରିବା ପରେ ସେମାନେ ଆନ୍ଦୋଳନରୁ ଉଠିଥିଲେ । ଦିନ ୨ଟା ୩୦ ପରେ କାମ ଆରମ୍ଭ ହୋଇଥିଲା । ସାଢେ ତିନି ଘଣ୍ଟା କାମ ବନ୍ଦ ରହିବାରୁ କୋଇଲା ପରିବହନରେ ୧.୪ କୋଟି ଟଙ୍କା କ୍ଷତି ଓ ରେଳ ଡେସ୍‌ପାଚରେ ୧.୨୮ କୋଟି ଟଙ୍କା କ୍ଷତି ହୋଇଥିବା ଆକଳନ କରାଯାଇଛି । ଏମ୍‌ସିଏଲ୍‌ ପକ୍ଷରୁ ଏକ ଇସ୍ତାହାରରେ ଏହି ସୂଚନା ଦିଆଯାଇଛି ।
ସରକାରଙ୍କର ମଧ୍ୟ ୪୬ ଲକ୍ଷ ଟଙ୍କା ରାଜସ୍ୱହାନୀ ହୋଇଛି ।

କମ୍ପାନୀ ପକ୍ଷରୁ ଏପରି ବେଆଇନ ଭାବେ କାର୍ଯ୍ୟବନ୍ଦ କରିଥିବା ଲୋକଙ୍କ ବିରୋଧରେ ଥାନାରେ ଏତଲା ଦିଆଯାଇଛି । ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ କମ୍ପାନୀ ପକ୍ଷରୁ ଦାବି କରାଯାଇଛି ।

ଏହା ଆର୍ଥିକ ଅଭିବୃଦ୍ଧି କ୍ଷେତ୍ରରେ ଏକ ବାଧକବୋଲି କମ୍ପାନୀ ର ମୁଖପାତ୍ର ସୂଚନା ଦେଇଛନ୍ତି । କୋଇଲା ଖଣି ଏକ ପ୍ରତିବନ୍ଧ ଲାଗିଥିବା ଅଞ୍ଚଳ । ଏଠାରେ କେବଳ ଅଧିକୃତ ଶ୍ରମିକ ଓ ଅଧିକାରୀମାନେ ପ୍ରବେଶ କରିଥାଆନ୍ତି । ମାତ୍ର ସେହି ସ୍ଥାନର ଛେଳି ଚରା ସହ ଅନ୍ୟମାନେ ପ୍ରବେଶ କରୁଥିବାରୁ ଏପରି ଘଟଣା ଘଟିଥିବା ସୂଚନା ମିଳିଛି । କିଛି ଲୋକ କୋଇଲା ଚୋରି ପାଇଁ ବେଆଇନ ଭାବେ ଖଣି ଅଞ୍ଚଳରେ ପ୍ରବେଶ କରୁଥିବା କମ୍ପାନୀ ପକ୍ଷରୁ ସୂଚନା ଦିଆଯାଇଛି ।

   Related Posts