ନୂଆଦିଲ୍ଲୀ୫/୧୧: ମ୍ୟାକ ଡ଼ୋଲାନଡ୍ (McDonald)ର ସିଇଓ ଷ୍ଟିଭ୍ ଇଷ୍ଟରବ୍ରୁକ୍ଙ୍କୁ କମ୍ପାନୀରୁ ବାହାର କରି ଦିଆଯାଇଛି। ଆମେରିକାର ଗଣମାଧ୍ୟମ ସିଏନଏନକୁ ମ୍ୟାକ୍ ଡ଼ୋନାଲଡ୍ ପକ୍ଷରୁ ଏ ବିଷୟରେ ସୂଚନା ଦିଆଯାଇଛି । ଷ୍ଟିଭ୍ ଇଷ୍ଟରବ୍ରୁକ୍ କମ୍ପାନୀ ନିୟମ ଭାଙ୍ଗିଛନ୍ତି। ଷ୍ଟିଭ୍ ଇଷ୍ଟରବ୍ରୁକ୍ ମହିଳା ସହକର୍ମୀଙ୍କ ସହମତିରେ ତାଙ୍କ ସହ ଶାରୀରିକ ସଂପର୍କ ରଖିଥିଲେ। ଏହା କମ୍ପାନୀର ନିୟମ ବିରୋଧ ହୋଇଥିବାରୁ ତାଙ୍କୁ କମ୍ପାନୀରୁ ବାହାର କରି ଦିଆଯାଇଛି ବୋଲି ସୂଚନା ଦିଆଯାଇଛି ।
କମ୍ପାନୀ ପକ୍ଷରୁ ଏହା ବି କୁହାଯାଇଛି କି ଷ୍ଟିଭ୍ ଇଷ୍ଟରବ୍ରୁକ୍ ନିଜକୁ ନିର୍ଦୋଷ ବୋଲି ପ୍ରମାଣିତ କରିବା ଲାଗି ଚେଷ୍ଟା କରିଥିଲେ। ହେଲେ ନିଜ ସପକ୍ଷରେ ବଳିଷ୍ଠ ପ୍ରମାଣ ଉପସ୍ଥାପନ କରି ପାରି ନ ଥିଲେ। ତେଣୁ ତାଙ୍କୁ ହଟାଇ ଦିଆଯାଇ ତାଙ୍କ ବଦଳରେ କ୍ରିସ୍ କେମ୍ପୋସିନ୍ଜକୀ(Chris Kempsinzki)ଙ୍କୁ ନିଯୁକ୍ତି ଦିଆଯାଇଛି।
୨୦୧୫ ମସିହାରେ ଆମେରିକା ମ୍ୟାକ୍ଡ଼ୋଲାନଡ୍ କମ୍ପାନୀରେ କ୍ରିସ୍ କେମ୍ପୋସିନ୍ଜକୀ ଯୋଗ ଦେଇଥିଲେ । ତାଙ୍କୁ ନୂଆ ଦାୟିତ୍ବ ମିଳିଛି। କ୍ରିସ୍ କେମ୍ପୋସିନ୍ଜକୀ କହିଛନ୍ତି ଯେ କମ୍ପାନୀର ଆହୁରି ଉନ୍ନତି ଦିଗରେ ସେ ନିଶ୍ଚିତ କାମ କରିବେ।
ଷ୍ଟିଭ୍ ଇଷ୍ଟରବ୍ରୁକ୍ ଇ-ମେଲ ମାଧ୍ୟରେ ନିଜ ଦୋଷ ପାଇଁ କ୍ଷମା ମାଗିଥିବା କଥା ସୂଚନା ମିଳିଛି। କମ୍ପାନୀ ନିୟମ ବିରୋଧରେ ସହକର୍ମୀଙ୍କ ସହ ଷ୍ଟିଭ୍ ଇଷ୍ଟରବ୍ରୁକ୍ ଶାରୀରିକ ସଂପର୍କ ରଖିଥିଲେ। ତେଣୁ କମ୍ପାନୀରୁ ତାଙ୍କୁ ବାହାର କରି ଦିଆଯାଇଛି।
