ରାଇରଙ୍ଗପୁର ୧୮।୦୨: ମୟୂରଭଞ୍ଜରେ ପୁଣି ଲଜ୍ଜା। ଚିକିତ୍ସିକ ଓ ରୋଗୀଙ୍କ ସମ୍ପର୍କରେ ଲାଗିଲା କଳଙ୍କ । ଗାଁର ବୈଦ୍ୟ ଜଣେ ରୋଗୀଙ୍କୁ ଗର୍ଭବତୀ କରିଥିବାର ଅଭିଯୋଗ ଆସିଛି I ଏଭଳି ଏକ ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା କଳାଟଙ୍ଗ ଗାଁରେ ।
ସୂଚନାଯୋଗ୍ୟ ଯେ, କଳାଟଙ୍ଗ ଗାଁର ଜଣେ ବର୍ଷ ବୟସ୍କ ବୃଦ୍ଧ ବଡରାମ ମୁଣ୍ଡା ଗାଁ ବୈଦ୍ୟ ଭାବେ ବେଶ୍ ପରିଚିତ । ସ୍ଥାନୀୟ ଅଞ୍ଚଳରେ ରୋଗୀଙ୍କୁ ଚିକିତ୍ସା କରୁଥିବା ବେଳେ ଗୁଣିଗାରେଡି କାମ ପାଇଁ ମଧ୍ୟ ଲୋକଙ୍କ ଭିଡ ଜମିଥାଏ । ତେବେ ନିକଟସ୍ଥ ଗାଁର ହେସେଲଗୋଡାର ଜଣେ ଯୁବତୀ ମଧ୍ୟ ବୈଦ୍ୟଙ୍କ ନିକଟରେ ଚିକିତ୍ସା ପାଇଁ ଆସୁଥିଲେ । ଜଡିବୁଟି ଚିକିତ୍ସା ଆଳରେ ଯୁବତୀଙ୍କୁ ବାରମ୍ବାର ଦୁଷ୍କର୍ମ କରିଆସୁଥିଲେ ବୟସ୍କ ବୃଦ୍ଧ ବୈଦ୍ୟ ବଡରାମ ମୁଣ୍ଡା ।
ତେବେ ଘଟଣାଟି ପ୍ରଘଟ କଲେ ଗୁଣିଗାରେଡି କରି ଜୀବନରୁ ମାରିଦେବା ନେଇ ଧମକ ଦେଇଥିବାରୁ ଯୁବତୀ ଜଣକ ଚୁପ୍ ହୋଇ ରହିଥିଲେ । ଯୁବତୀ ଜଣକ ଗର୍ଭବତୀ ହେବା ପରେ ଘଟଣାଟି ପଦାକୁ ଆସିଥିଲା । ସ୍ଥାନୀୟ ଲୋକେ ଜାଣିବା ପରେ ବୈଠକରେ ଆଲୋଚନା କରି ପୋଲିସକୁ ଖବର ଦେଇଥିଲେ । ପୋଲିସ ଅଭିଯୁକ୍ତ ବୃଦ୍ଧଙ୍କର ଡାକ୍ତରୀ ପରୀକ୍ଷା କରିବା ସହ ଦୁଷ୍କର୍ମ ଅଭିଯୋଗରେ ଅଟକ ରଖି ଅଧିକ ତଦନ୍ତ ଜାରି ରଖିଛି ।
