Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବେଙ୍ଗଲ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ
  • ||
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||

ଚଳିତ ସପ୍ତାହରେ ଗଠନ ହେବ ଶିବରାଜ ସିଂହଙ୍କ ମନ୍ତ୍ରୀମଣ୍ଡଳ : ସିନ୍ଧିଆଙ୍କ ଗୋଷ୍ଠୀରେ ପୂର୍ବତନ ମନ୍ତ୍ରୀ ତୁଲସୀ ସିଲାଭାଟ ଓ ଗୋବିନ୍ଦ ସିଂହ ରାଜପୁତ !

16/04/2020 at 11:04 AM

ଭୋପାଳ ୧୬/୦୪ : ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଖୁବ ଶୀଘ୍ର ନିଜ ମନ୍ତ୍ରୀମଣ୍ଡଳ ଗଠନ କରିବାକୁ ଯାଉଛନ୍ତି | କୋଭିଡ-୧୯ ସ୍ଥିତିକୁ ଦୃଷ୍ଟିରେ ରଖି ମନ୍ତ୍ରୀମଣ୍ଡଳକୁ ଛୋଟ ରଖିବାକୁ ବିଚାର କରାଯାଉଛି | ଏଥିରେ ୬ ରୁ ୧୦ ଜଣ ବରିଷ୍ଠ ନେତାଙ୍କୁ ମନ୍ତ୍ରୀ କରାଯିବ | କେନ୍ଦ୍ର ବିଜେପିରୁ ଏହା ସମ୍ବନ୍ଧରେ ଦିନେ ଦୁଇଦିନ ମଧ୍ୟରେ ଚର୍ଚ୍ଚା ହେବାର ସମ୍ଭାବନା ରହିଛି | ନିଷ୍ପତ୍ତି ନେବା ପରେ ଶପଥ ଗ୍ରହଣ କରାଯିବ | ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଏ ସମ୍ପର୍କରେ ମଧ୍ୟପ୍ରଦେଶର ବରିଷ୍ଠ ନେତାଙ୍କ ସହ ଅଲଗା ଅଲଗା ଆଲୋଚନା କରିଛନ୍ତି | କିଛି ପ୍ରସଙ୍ଗରେ କେନ୍ଦ୍ରୀୟ ସଂଗଠନ ସହ ଆଲୋଚନା କରିବେ | ଦିଲ୍ଲୀରୁ ସବୁଜ ସଂକେତ ମିଳିବା କ୍ଷଣି ମନ୍ତ୍ରୀମଣ୍ଡଳ ଗଠନ ହେବ |

କୋଭିଡ-୧୯ ଯୋଗୁଁ ସମାନ୍ତରାଳ ଭାବରେ କିଛି କାର୍ଯ୍ୟକଳାପ ଆରମ୍ଭ ହୋଇଛି, ଯେପରିକି ଗହମ କ୍ରୟ ଆଦି | ସ୍ୱାସ୍ଥ୍ୟ ଏବଂ ଚିକିତ୍ସା ଶିକ୍ଷା, ଖାଦ୍ୟ ଏବଂ ଖାଦ୍ୟ ଏବଂ ନାଗରିକ ଯୋଗାଣ, କୃଷି ଏବଂ ସହଯୋଗ, ପଞ୍ଚାୟତ, ଅର୍ଥ ଏବଂ ବାଣିଜ୍ୟିକ ଟ୍ୟାକ୍ସ ବିଭାଗରେ କାର୍ଯ୍ୟକଳାପ ବୃଦ୍ଧି ପାଇଛି | ଏହାକୁ ଦୃଷ୍ଟିରେ ରଖି ମନ୍ତ୍ରୀମଣ୍ଡଳରେ ବରିଷ୍ଠ ନେତା ରହିବେ ଯେଉଁମାନଙ୍କର ପୂର୍ବରୁ ଅଭିଜ୍ଞତା ଥିବ | ସେଥିପାଇଁ ଛୋଟ ମନ୍ତ୍ରୀମଣ୍ଡଳ ଗଠନ ଉପରେ ଆଲୋଚନା ହେଉଛି | ଜ୍ୟୋତିରାଦିତ୍ୟ ସିନ୍ଧିଆଙ୍କ ଗୋଷ୍ଠୀରେ ପୂର୍ବତ୍ତନ ମନ୍ତ୍ରୀ ତୁଳସୀ ସିଲାବଟ ଓ ଗୋବିନ୍ଦ ସିଂହ ରାଜପୁତଙ୍କୁ ସାମିଲ କରାଯାଇପାରେ ବୋଲି ଆଲୋଚନା ହେଉଛି |

ଅପରପକ୍ଷରେ ବିଜେପିର ବରିଷ୍ଠ ନେତାଙ୍କ ମଧ୍ୟରେ ଗୋପାଳ ଭାର୍ଗଭ, ନରୋତ୍ତମ ମିଶ୍ରା, ରାମପାଲ ସିଂହ, ବିଜୟ ଶାହ, ଗୌରୀ ଶଙ୍କର ବିସେନ ଏବଂ ମୀନା ସିଂହଙ୍କ ନାଁ ରେ ଚର୍ଚ୍ଚା ହେଉଛି | ତା’ଛଡା କଂଗ୍ରେସ ଛାଡି ବିଜେପିରେ ସାମିଲ ହୋଇଥିବା ବରିଷ୍ଠ ନେତା ବିସାହୁଲାଲଙ୍କୁ ମଧ୍ୟ ମନ୍ତ୍ରୀମଣ୍ଡଳରେ ସାମିଲ କରାଯାଇପାରେ ବୋଲି ଚର୍ଚ୍ଚା ହେଉଛି | ଛୋଟ ମନ୍ତ୍ରୀମଣ୍ଡଳରେ ଦଳିତ କୋଟରେ ତୁଳସୀ ସିଲାବଟ ରହିବେ ଏବଂ ଆଦିବାସୀ କୋଟରୁ ବିସାହୁଲାଲଙ୍କୁ ମଉକା ମିଳିପାରେ |

   Related Posts