Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ସମୁଦ୍ର ପାଣିରେ ଭାସୁଛି ୪ ହଜାର ଟନ୍ ତେଲ, ମରିସସ୍ ରେ ଜରୁରୀକାଳୀନ ସ୍ଥିତି, ଜନବସତି ପାଇଁ ବିପଦ, ଫ୍ରାନ୍ସକୁ ସାହାଯ୍ୟ ମାଗିଲେ ସରକାର

8/08/2020 at 8:56 PM

ମରିସସ ୦୮/୦୮ : ମରିଶସ୍ ରେ ଫସି ରହିଥିବା ଜାପାନର ଏକ ଜାହାଜରୁ ଟନ ଟନ ଇନ୍ଧନ ନିର୍ଗତ ହୋଇଛି | ଇନ୍ଧନ ନିର୍ଗତ ହେବାପରେ ଶୁକ୍ରବାର ବିଳମ୍ବିତ ରାତିରେ ପରିବେଶଜନିତ ଜରୁରୀକାଳୀନ ସ୍ଥିତି ଘୋଷଣା କରାଯାଇଛି | ପ୍ରଧାନମନ୍ତ୍ରୀ ପ୍ରବିନ୍ଦ ଜଗନ୍ନାଥ ଜରୁରୀ ପରିସ୍ଥିତି ଘୋଷଣା କରିଛନ୍ତି । ଉପଗ୍ରହରୁ ନିଆଯାଇଥିବା ଫଟୋରେ ସମୁଦ୍ରର ନୀଳ ଜଳରାଶିରେ କଳା ରଙ୍ଗର ତେଲିଆ ପଦାର୍ଥ ଚାରିଆଡେ ବ୍ୟାପିଯାଇଥିବା ଦେଖାଦେଇଥିଲା | ସରକାର ଏହାକୁ ଅତ୍ୟନ୍ତ ସମ୍ବେଦନଶୀଳ ବୋଲି କହିଛନ୍ତି |

ରିପୋର୍ଟ ଅନୁଯାୟୀ, ଏହି ଜାହାଜରେ ପାଖାପାଖି ୪ ହଜାର ଟନ ଇନ୍ଧନ ଥିଲା |କିନ୍ତୁ ଜାହାଜ ନିମ୍ନ ଭାଗରେ ଫାଟ ସୃଷ୍ଟି ହୋଇଥିଲା |ସେହି ଫାଟରୁ ଇନ୍ଧନ ସମୁଦ୍ର ପାଣିରେ ମିଶିଥିଲା । ମରିସସ୍ ସରକାର ଏଭଳି ପରିବେଶଗତ ବିପଦ ଆଶଙ୍କାର ସଙ୍କଟରେ ସାହାଯ୍ୟ ପାଇଁ ଫ୍ରାନ୍ସକୁ ନିବେଦନ କରିଛନ୍ତି | ଏହାସହ ସେ କହିଛନ୍ତି ଯେ ଜାହାଜରୁ ଇନ୍ଧନ ନିର୍ଗତ ହେବା ଫଳରେ ୧୩ ଲକ୍ଷ ଜନସଂଖ୍ୟା ବିଶିଷ୍ଟ ତାଙ୍କ ଦେଶ ପାଇଁ ଭୟଙ୍କର ବିପଦ ସୃଷ୍ଟି ହେଉଛି | କାରଣ ତାଙ୍କ ଦେଶ ବିଶେଷ ଭାବେ ପର୍ଯ୍ୟଟନ ଉପରେ ନିର୍ଭରଶୀଳ ଏବଂ ବର୍ତ୍ତମାନ କରୋନା ମହାମାରୀ ଯୋଗୁଁ ସମ୍ପୂର୍ଣ ପ୍ରଭାବିତ ହୋଇଛି |

ପ୍ରଧାନମନ୍ତ୍ରୀ ଜଗନ୍ନାଥ କହିଛନ୍ତି ଯେ, ତାଙ୍କ ଦେଶରେ ଫସି ରହିଥିବା ଜାହାଜଗୁଡିକୁ ପୁଣିଥରେ କାର୍ଯ୍ୟକ୍ଷମ କରିବାକୁ ତାଙ୍କ ଦେଶ ପାଖରେ କୌଶଳ ଓ ଅଭିଜ୍ଞତା ନାହିଁ | ସେଥିପାଇଁ ସେ ଫ୍ରାନ୍ସ ଓ ରାଷ୍ଟ୍ରପତିଙ୍କୁ ସାହାଯ୍ୟ ମାଗିଛନ୍ତି | ତେବେ ପ୍ରତିକୂଳ ପାଣିପାଗ ଯୋଗୁଁ କାମ କରିବା ଅସମ୍ଭବ ହୋଇଯାଇଛି ବୋଲି ସେ କହିଛନ୍ତି |

ଫ୍ରାନ୍ସର ରିୟୁନିଅନ୍ ଦ୍ୱୀପ ମରିସସ୍ ର ନିକଟତମ ତଥା ଘନିଷ୍ଠ ପଡୋଶୀ । ଏହାସହ ଫ୍ରାନ୍ସର ବୈଦେଶିକ ମନ୍ତ୍ରାଳୟ କହିବା ଅନୁୟାୟୀ, ଫ୍ରାନ୍ସ ମରିସସ୍ ର ପ୍ରମୁଖ ନିବେଶକ ଏବଂ ତାହାର ବଡ ବ୍ୟବସାୟିକ ଭାଗିଦାର | ପ୍ରଧାନମନ୍ତ୍ରୀ ଜଗନ୍ନାଥ ଜାହାଜର ଏକ ଚିତ୍ର ‘MV Vakashio’ ର ଫଟୋ ପୋଷ୍ଟ କରିଛନ୍ତି  | ମରିସସ୍ ପାଣିପାଗ ବିଭାଗ କହିଛି ଯେ, ସମୁଦ୍ରରେ ଟନଟନ୍ ତୈଳ ଭାସିବା ଫଳରେ ଅତ୍ୟଧିକ ବିପଦ ରହିଛି । ସାମୁଦ୍ରିକ ଜୀବ ସହଉପକୂଳବର୍ତ୍ତୀ ଜନବସତି ପାଇଁ ଏହା ଭୟଙ୍କର ବିପଦ ଆଶଙ୍କା ସୃଷ୍ଟି କରିଛି । ସେଥିପାଇଁ ଏହିଭଳି ପରିସ୍ଥିତିରେ ସମୁଦ୍ରକୁ ନ ଯିବାକୁ ଜନ ସାଧାରଣଙ୍କୁ ମରିସସ୍ ସରକାର ପରାମର୍ଶ ଦେଇଛନ୍ତି | 

   Related Posts