ନୂଆଦିଲ୍ଲୀ ୧୫/୧୧: ଅଷ୍ଟ୍ରେଲିଆ ପ୍ରଥମ ଥର ପାଇଁ ଟି-୨୦ ବିଶ୍ୱକପ ଟାଇଟଲ ଜିତିବା ସହ ରେକର୍ଡ କରିଛି ଦଳ । ଅନ୍ତିମ ମ୍ୟାଚରେ ନ୍ୟୁଜିଲାଣ୍ଡ ବିପକ୍ଷରେ ଆଠ ୱିକେଟ୍ ବିଜୟ କରିବା ପରେ ଅଷ୍ଟ୍ରେଲୀୟ ଡ୍ରେସିଂ ରୁମରେ ଉତ୍ସବ ପାଳନ କରାଯାଇଥିଲା ।
ଖେଳାଳିମାନେ ଉତ୍ସବରେ ଏତେ ମଜ୍ଜି ଯାଇଥିଲେ ଯେ ସେମାନେ ଜୋତାରେ ମଦ ପିଇବାରେ ଲାଗିଥିଲେ । ଅଷ୍ଟ୍ରେଲୀୟ ଡ୍ରେସିଂ ରୁମର ଉତ୍ସବର ଏକ ଭିଡିଓ ଆଇସିସି ଏହାର ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରୁ ସେୟାର କରିଛି । ଏହି ଭିଡିଓରେ, ମାଥ୍ୟୁ ୱେଡ୍ ତାଙ୍କ ଜୋତାରେ ଟେକିବା ସହ ସେଥିରେ ମଦ ଢାଳିଥିଲେ । କେବଳ ଢାଳିନଥିଲେ ଜୋତା ଟେକି ମଦ ପାନ ବି କରିଥିଲେ ।
wp:html/wp:html
ପରେ ମାର୍କସ୍ ଷ୍ଟୋଇନିସ୍ ତାଙ୍କଠାରୁ ଜୋତା ନେଇ ସେଥିରେ ମଦ ଢାଳି ପିଇଲେ । ଏହି ଟି-୨୦ ବିଶ୍ୱକପ ପୂର୍ବରୁ ଅଷ୍ଟ୍ରେଲିଆ ଟାଇଟଲ ପ୍ରତିଯୋଗୀମାନଙ୍କ ମଧ୍ୟରେ ଅନ୍ତର୍ଭୁକ୍ତ ହୋଇନଥିଲା । ଏଥି ସହିତ ଟୁର୍ଣ୍ଣାମେଣ୍ଟର ଠିକ୍ ପୂର୍ବରୁ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ସମୟରେ ଦଳର ଓପନର୍ ଡେଭିଡ୍ ୱାର୍ଣ୍ଣର ସନରାଇଜର୍ସ ହାଇଦ୍ରାବାଦ ଦଳରୁ ଓହରି ଯାଇଥିଲେ ।
