ମଧ୍ୟପ୍ରଦେଶ୨୬/୧୨: ଆପଣ ସାଧାରଣତଃ ମଣିଷ ମାନଙ୍କ ମାଟ୍ରି ମୋନିଆଲ ସାଇଟ୍ ଦେଖିଥିବେ । ହେଲେ କେବେ ପଶୁ ମାନଙ୍କ ମାଟ୍ରି ମୋନିଆଲ ସାଇଟ୍ ଦେଖିଛନ୍ତି କି ? ହେଲେ ଏବେ ଏମିତି ଏକ ନିଆରା ମାଟ୍ରି ମୋନିଆଲ ସାଇଟ୍ ଆରମ୍ଭ କରିଛନ୍ତି ମଧ୍ୟ ପ୍ରଦେଶ ପ୍ରାଣୀ ସମ୍ପଦ ବିଭାଗ ।

ସାଧାରଣତ ଷଣ୍ଢଙ୍କ ପାଇଁ ଆରମ୍ଭ ହୋଇଛି ଏହି ମାଟ୍ରି ମୋନିଆଲ ସାଇଟ୍ । ଏହି ମାଟ୍ରି ମୋନିଆଲ ରେକର୍ଡରେ ପ୍ରାୟ ୧୬ ପ୍ରଜାତିର ୨ ଶହ ଷଣ୍ଢଙ୍କୁ ସ୍ଥାନ ଦିଆଯାଇଛି । ଯେଉଁଥିରେ ଚାଷୀ ମାନେ ସେମାନଙ୍କ ଗାଈ ପାଇଁ ଉପଯୁକ୍ତ ଷଣ୍ଢକୁ ଚିହ୍ନଟ କରିପାରିବେ । ତେବେ ଏହି ରେକର୍ଡର ନାଁ Sire Directory ରଖାଯାଇଛି ।

ଏଥିରେ ଷଣ୍ଢ ମାନଙ୍କର ତିନୋଟି ବିଭାଗ କରି ତଥ୍ୟ ମାନ ଉପସ୍ଥାପନ କରାଯାଇଛି । ପ୍ରଥମଟି ସାଧାରଣ ତଥ୍ୟ, ଦ୍ବିତୀୟଟିରେ ଷଣ୍ଢ ମାନଙ୍କର ବିଶେଷତା ଏବଂ ତୃତୀୟଟିରେ ଷଣ୍ଢଙ୍କର ବଂଶାନୁକ୍ରମିକ ତଥ୍ୟ ପ୍ରଦାନ କରାଯାଇଛି । ଏହି ସବୁଥିରେ ଷଣ୍ଢଙ୍କର ଜନ୍ମ ତାରିଖ ,ପ୍ରଜାତି , ମୋଟାପଣ, ପ୍ରୋଟିନ ମାତ୍ରା, ଉଚ୍ଚତା, ସ୍ବାସ୍ଥ୍ୟ, ୟୁଆରଡି ଇତ୍ୟାଦି ସ୍ଥାନ ପାଇଛି । ଏମିତି କରିବା ପଛରେ ଚାଷୀ ମାନେ ବିଶେଷ ଲାଭ ବାନ ହୋଇପାରିବେ ବୋଲି ପ୍ରାଣୀ ସମ୍ପଦ ବିଭାଗର ଅଧିକାରୀ କହିଛନ୍ତି