Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ଦିଗପହଣ୍ଡିରେ ବଡ଼ଧରଣର ଲୁଟ୍‌, ବିପୁଳ ପରିମାଣର ସୁନା-ରୂପା ସହ ନଗଦ ୧.୨୦ ଲକ୍ଷ ଟଙ୍କା ଲୁଟ୍‌

20/04/2020 at 12:03 PM

ଦିଗପହଣ୍ଡି ୨୦।୦୪: ଦିଗପହଣ୍ଡି ଥାନା ଅନ୍ତର୍ଗତ ରାଧାନଗର ଗ୍ରାମରେ ଗତକାଲି ବିଳମ୍ବିତ ରାତିରେ ଡକାୟତ ଦଳ ଘରେ ପଶି ଲୁଟି ନେଇଛନ୍ତି ସୁନା ଗହଣା, ରୁପା ଓ ନଗଦ ଟଙ୍କା । ସରୋଜ କୁମାର ପାତ୍ରଙ୍କ ଘରେ ପଶି ୧୮ ତୋଳା ସୁନା ଗହଣା, ରୁପା ୩ କିଲୋ ଓ ନଗଦ ୧.୨୦ ଲକ୍ଷ ଟଙ୍କା ଲୁଟ୍‌ କରି ଚମ୍ପଟ୍‌ ମାରିଛନ୍ତି ଦୁର୍ବୃତ୍ତ । ଅଭିଯାଗ ପାଇବା ପରେ ଚିକିଟି ଏସ୍‌ଡିପିଓ ସୁରେନ୍ଦ୍ର ନାଥ ମୁର୍ମୁ, ଦିଗପହଣ୍ଡି ଆଇଆଇସି ବସନ୍ତ କୁମାର ସେଠୀଙ୍କ ନେତୃତ୍ୱରେ ପୋଲିସ ଓ ସନ୍ଧାନୀ କୁକୁର ଘଟଣାସ୍ଥଳରେ ଛାନ୍‌ଭିନ୍‌ ଚଳାଇଛନ୍ତି । ସିସିଟିଭି ଫୁଟେଜ୍‌ ଆଧାରରେ ତଦନ୍ତକୁ ଜୋରଦାର କରିଛି ପୁଲିସ । ଖୁବ୍‌ଶୀଘ୍ର ସମ୍ପୃକ୍ତ ଡକାୟତ ଧରାପଡ଼ିବେ ବୋଲି ଆଇଆଇସି କହିଛନ୍ତି ।

ପୋଲିସ ସୂଚନା ଅନୁସାରେ, ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁଁ ସରୋଜ ପାତ୍ରଙ୍କ ପରିବାର ରାତିରେ ଘରର ସମସ୍ତ କବାଟ ବନ୍ଦ କରି ଦାଣ୍ଡପିଣ୍ଡାରେ ଶୋଇଥିଲେ । ଡକାୟତ ଦଳ ବାରିପଟ କବାଟ ଭାଙ୍ଗି ଘରେ ପଶିଥିଲେ । ଆଲମାରୀ ଭାଙ୍ଗି ସେଥିରେ ଥିବା ବିଭିନ୍ନ ଲୁଗାପଟା ଫିଙ୍ଗା ଫୋପଡ଼ା କରିଥିଲେ । ଶେଷରେ ଆଲମାରୀରେ ଥିବା ସୁନା ଗହଣା ୧୮ ତୋଳା, ରୁପା ଗହଣା ୩ କିଲୋ ସହ ନଗଦ ୧ ଲକ୍ଷ ୨୦ ହଜାର ଟଙ୍କା ଲୁଟ୍‌ କରି ଚମ୍ପଟ ମାରିଥିଲେ । ରାତି ପାହିବା ପରେ ଘରର ଏଭଳି ଅବସ୍ଥା ଦେଖି ପରିବାର ଲୋକ ହତବାକ୍‌ ହୋଇଥିଲେ । ଘଟଣା ସମ୍ପର୍କରେ ସରୋଜ ପାତ୍ର ଦିଗପହଣ୍ଡି ଥାନାରେ ଅଭିଯାଗ କରିଥିଲେ । ଚୋରି ଘଟଣାରେ ସମ୍ପୃକ୍ତି ସନ୍ଦେହରେ ପୋଲିସ ଜଣଙ୍କୁ ଥାନାରେ ଅଟକ ରଖିଛି । ଅଟକ ବ୍ୟକ୍ତିଙ୍କ ସୂଚନା ଆଧାରରେ ତଦନ୍ତ ପ୍ରକ୍ରିୟା ଚୋରଦାର କରିଛି ।

   Related Posts