ମୁଜାଫରବାଦ ୧୯/୧- ମୁଜାଫରବାଦ ଜିଲ୍ଲା ଫିରୋଦାବାଦରେ ଘଟିଛି ଅଭାବନୀୟ ଘଟଣା । ଘରେ କେହି ନଥିବା ବେଳେ ଯୁବତୀଙ୍କୁ ଏକାଦେଖି କରିଛନ୍ତି ଗଣଦୁଷ୍କର୍ମ । ଅଭିଯୁକ୍ତମାନେ ସେହି ଗାଁର ଯୁବକ ବୋଲି ଜଣାପଡ଼ିଛି ।
ଫିରୋଜାବାଦରେ ରେବା ନାମକ ଜଣେ ଯୁବତୀ ପରିବାର ସହ ରହୁଥିଲେ । ଘଟଣା ଘଟିବାଦିନ ପରିବାର ଲୋକ ପାଖ ଗାଁରେ ବିବାହ ଭୋଜିକୁ ଯୋଗଦେବାକୁ ଯାଇଥିଲେ । ଏହି ଅବସରରେ ସେହି ଗାଁର ଗୌରବ ଓ ରବି ନାମକ ଦୁଇ ଯୁବକ ଘରେ ପଶି ଯୁବତୀଙ୍କୁ ଅସଦାଚରଣ କରିବା ସହ ଦୁଷ୍କର୍ମ କରିବା ଅଭିଯୋଗ ହୋଇଛି ।
ଯୁବତୀଙ୍କୁ ଏକା ପାଇ ଯୁବକମାନେ ଭିତର ପଟୁ କବାଟ ବନ୍ଧ କରିଦେଇଥିଲେ । ଏହି କାରଣକୁ କେହି ଗାଁ ଲୋକ ଜାଣିପାରି ନଥିଲେ । ଯୁବତୀ ଯେତେ ଚିତ୍କାର କଲେ ବି ବାହାରକୁ ଶୁଣାଯାଇ ନଥିଲା । ଅନେକ ସମୟପରେ ଯୁବକମାନେ ଘରେ ରେବାକୁ ସଂଜ୍ଞାହୀନ ଅବସ୍ଥାରେ ଛାଡ଼ି ଚାଲିଯାଇଥିଲେ ।
ପରିବାର ଲୋକ ବିବାହ ଭୋଜିରୁ ଆସି ରେବାକୁ ସ୍ଥାନୀୟ ମେଡ଼ିକାଲକୁ ନେଇଥିଲେ । ଅବସ୍ଥା ଗୁରୁତର ହେବାରୁ ସିଟି ହସପିଟାଲକୁ ସ୍ଥାନାନ୍ତର କରାଯାଇଥିଲା । ଅଭିଯୁକ୍ତ ଗୌରବ ଓ ରବିକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।