Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

୫୦ବର୍ଷ ପୁର୍ତ୍ତି ଅବସରରରେ ମନେପଡିଲେ ୧୯୭୧ ମସିହା ଯୋଦ୍ଧା, ଢେଙ୍କାନାଳ ରାଜପ୍ରାସାଦରେ ପହଞ୍ଚିଲା ଭାରତୀୟ ସୈନ୍ୟ ବାହିନୀର ମଶାଲ

4/11/2021 at 2:41 PM

ଢେଙ୍କାନାଳ,୦୪। ୧୧: ୧୯୭୧ ମସିହା ପାକିସ୍ତାନ ସହ ଯୁଦ୍ଧରେ ସଫଳତାର ସହ ବିଜୟ ଲାଭ କରି ବାଂଲାଦେଶକୁ ସ୍ୱାଧୀନତା ଦେଇଥିବା ଭାରତୀୟ ସୈନ୍ୟ ବାହିନୀର ବିଜୟର ୫୦ ବର୍ଷ ପୁର୍ତ୍ତି ପାଳନ କରୁଛି ଭାରତ । ତେବେ ଏହି ଯୁଦ୍ଧରେ ସାମିଲ ହୋଇଥିବା ବୀର ସୈନିକମାନଙ୍କୁ ମନେ ପକାଇ ସ୍ୱତନ୍ତ୍ର ବିଜୟ ମଶାଲ ସେମାନଙ୍କ ପାଖରେ ପହଂଚି ଭାରତର ଏହି ବୀର ଯୋଦ୍ଧାମାନଙ୍କୁ ସମ୍ବର୍ଦ୍ଧିତ କରାଯାଇଛି । ୧୯୭୧ ମସିହା ଯୁଦ୍ଧରେ ସାମିଲ ହୋଇଥିବା ଭାରତୀୟ ସୈନ୍ୟବାହିନୀର ପୂର୍ବତନ ବ୍ରିଗେଡିୟର ତଥା ପୂର୍ବତନ କେନ୍ଦ୍ରମନ୍ତ୍ରୀ କାମାକ୍ଷା ପ୍ରସାଦ ସିଂହଦେଓ ଓ ତାଙ୍କ ସାନଭାଇ ଭାରତୀୟ ଆକାଶ ବାହିନୀର ଉଇଙ୍ଗ କମାଣ୍ଡର ବିରଜା ଶଙ୍କର ସିଂହଦେଓଙ୍କୁ ଭାରତୀୟ ପ୍ରତିରକ୍ଷା ବିଭାଗ ପକ୍ଷରୁ ସମ୍ବର୍ଦ୍ଧିତ କରାଯାଇଛି ।

ଏହି ମର୍ମରେ ଭାରତୀୟ ସୈନ୍ୟ ବାହିନୀ ପକ୍ଷରୁ ଏକ ସ୍ୱତନ୍ତ୍ର ବିଜୟ ମଶାଲ ଆସି ବ୍ରିଗେଡିୟର କେପି ସିଂହଦେଓଙ୍କ ବାସଭବନ ଢେଙ୍କାନାଳ ରାଜପ୍ରାସାଦରେ ପହଞ୍ଚିଥିଲା । ୧୨୦ ବଟାଲିୟନର ଷ୍ଟେସନ ହେଡ କ୍ୱାର୍ଟର କମାଣ୍ଡାଣ୍ଟ ରିଷି ୟାହିଙ୍କ ନେତୃତ୍ୱରେ ୧୨୦ ବାଟାଲିୟନ, ପଞ୍ଜାବ ରେଜିମେଣ୍ଟ ଓ ବିହାର ରେଜିମେଣ୍ଟର ସାମରିକ ଅଧିକାରୀମାନେ ବ୍ରିଗେଡିୟର କେପି ସିଂହଦେଓଙ୍କୁ ଏହି ବିଜୟ ମଶାଲ ପ୍ରଦାନ କରିବା ସହ ତାଙ୍କୁ ଗାର୍ଡ ଅଫ ଅନର ଦିଆଯାଇ ସମ୍ବର୍ଦ୍ଧିତ କରିଥିଲେ ।

ପରେ ପରେ ପୂର୍ବତନ ଉଇଙ୍ଗ କମାଣ୍ଡର ବିରଜା ଶଙ୍କର ସିଂଦେଓଙ୍କ ବାସଭବନକୁ ଯାଇ ମଶାଲ ପ୍ରଦାନ ଓ ସମ୍ବର୍ଦ୍ଧନା ଦିଆଯାଇଥିଲା । ଏହି ଅବସରରେ ଢେଙ୍କାନାଳ ରାଜପ୍ରାସାଦରେ ରାଜପରିବାରର ସଦସ୍ୟ ଓ ଶୁଭେଚ୍ଛୁମାନେ ଉପସ୍ଥିତ ଥିବାବେଳେ ଭାରତ ସରକାର ପୂର୍ବତନ ସୈନିକମାନଙ୍କୁ ମନେ ପକାଇଥିବାରୁ ବେଶ ଗର୍ବିତ ଅନୁଭବ କରି  ଯୁବକମାନଙ୍କୁ ସୈନ୍ୟବାହିନୀରେ ସାମିଲ ହୋଇ ଭାରତ ମାତାର ସୁରକ୍ଷା ଦିଗରେ ଚିନ୍ତା କରିବାକୁ ଆହ୍ୱାନ ଦେଇଛନ୍ତି ବ୍ରିଗେଡିୟର କେପି ସିଂହଦେଓ ।

   Related Posts