Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଇମ୍ରାନ୍ ସରକାରକୁ ଲାଗିବ ବଡ ଝଟକା ! ପାକିସ୍ତାନ ସଂସଦରୁ ଇସ୍ତଫା ଦେବେ ଅନେକ ସଦସ୍ୟ-ମରିୟମ୍ ନଓ୍ବାଜ

8/12/2020 at 5:43 PM

ନୂଆଦିଲ୍ଲୀ ୦୮/୧୨ : ପାକିସ୍ତାନ ମୁସଲିମ ଲିଗ-ନଓ୍ବାଜ (PML-N)ର ଉପାଧ୍ୟକ୍ଷା ତଥା ପାକିସ୍ତାନର ପୁର୍ବତନ ପ୍ରଧାନମନ୍ତ୍ରୀ ନଓ୍ବାଜ ସରିଫଙ୍କ ଝିଅ ମରିୟମ୍ ନଓ୍ବାଜ କହିଛନ୍ତି ଯେ, ୧୧ଟି ଦଳକୁ ନେଇ ଗଠିତ ବିରୋଧି ମେଣ୍ଟ ପାକିସ୍ତାନ ଡୋମୋକ୍ରେଟିକ ମୁଭମେଣ୍ଟ (ପିଡିଏମ୍) କିଛି ବଡ ନିଷ୍ପତ୍ତି ନେବାକୁ ଯାଉଛି । ବିଧାନସଭାରୁ ସହଯୋଗୀ ସଦସ୍ୟଙ୍କ ଅନେକ ଇସ୍ତଫା ଦେବାକୁ ଯାଉଥିବା ମରିୟମ ସୂଚନା ଦେଇଛନ୍ତି । ସେ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ନେତୃତ୍ୱାଧୀନ ସରକାର ଦ୍ବାରା  କରାଯାଉଥିବା ଯେକୌଣସି ମାମଲାକୁ ଦଳର ସଦସ୍ୟମାନେ ଗ୍ରହଣ କରିବା ପାଇଁ ସାହସ ରଖନ୍ତୁ ।

ପିଏମଏଲ-ଏନ ଉପାଧ୍ୟକ୍ଷ ଇମ୍ରାନ ଖାନଙ୍କୁ ଦୁଇ ମିନିଟ ଲୋକଙ୍କ ସହ ମିଶିବା ପାଇଁ ଆହ୍ବାନ ଦେଇଛନ୍ତି । ତା ସହିତ ପାକିସ୍ତାନର ଜିଡିପି ଯେଉଁଭଳି ଭାବେ ଦିନକୁ ଦିନ ଖସି ଖସି ଯାଉଛି ସେଥିପ୍ରତି ମଧ୍ୟ ଧ୍ୟାନ ଦେବାକୁ କହିଛନ୍ତି । ହଜାର ହଜାର ବେକାରୀ ସୃଷ୍ଟି ହୋଇଛି, ଔଷଧ ଦାମ ଭାରି ମାତ୍ରାରେ ବୃଦ୍ଧି ପାଇଛି, ଲୋକମାନେ ଗହମ, ଚିନି ଓ ମଇଦା ଲୁଟ୍ କରିଛନ୍ତି । ମଙ୍ଗଳବାର ସହଯୋଗୀ ଦଳର ସଦସ୍ୟଙ୍କ ମଧ୍ୟରେ ଏକ ବୈଠକ ପୂର୍ବରୁ ମରିୟମ ଏହି ମନ୍ତବ୍ୟ ଦେଇଛନ୍ତି ।

ସେପଟେ ଗତ ସପ୍ତାହରେ ପ୍ରଧାନମନ୍ତ୍ରୀ ଇମ୍ରାନ ଖାନ, ପିଟିଆଇ ସରକାର ପାକିସ୍ତାନରେ ସରକାରୀ ବିରୋଧୀ ରାଲି ଆୟୋଜନ ପାଇଁ ପିଡିଏମକୁ ଅନୁମତି ପ୍ରଦାନ କରିବାର ସମ୍ଭାବନାକୁ ଏଡ଼ାଇ ଦେଇଥିଲେ । ଏହାର ପାଳନ ନକଲେ ସଂପୃକ୍ତ ଦଳ ବିରୋଧରେ ପୋଲିସ ମାମଲା ରୁଜୁ କରାଯିବ ବୋଲି ପ୍ରଧାନମନ୍ତ୍ରୀ  ଇମ୍ରାନ ଖାନ ଚେତାବନୀ ଦେଇଛନ୍ତି । ଏକ ଘରୋଇ ନ୍ୟୁଜ୍ ଚ୍ୟାନେଲକୁ ଦେଇଥିବା ଏକ ସାକ୍ଷାତକାରରେ ଇମ୍ରାନ ଖାନ କହିଛନ୍ତି ଯେ ବିରୋଧୀଙ୍କୁ ଜନ ସମାବେଶ ଆୟୋଜନ କରିବାକୁ ସରକାରଙ୍କ ଠାରୁ ଅନୁମତି ନେବାକୁ ପଡିବ । ଏହାର ଅମାନ୍ୟ କଲେ ସଂପୃକ୍ତ ଦଳର ନେତାଙ୍କ ଠାରୁ ଆରମ୍ଭ କରି ପ୍ରଚାର ଗାଡିର ପରିଚାଳକଙ୍କ ବିରୁଦ୍ଧରେ ମଧ୍ୟ କାର୍ଯ୍ୟାନୁଷ୍ଠାନ ନିଆଯିବ ।

   Related Posts