ନୂଆଦିଲ୍ଲୀ, ୩୦|୦୮: କାର୍ କିଣିବା ପ୍ରାୟ ସମସ୍ତଙ୍କର ସ୍ୱପ୍ନ ରହିଥାଏ । କିନ୍ତୁ ଅନେକ ବ୍ୟକ୍ତି ଅର୍ଥାଭାବ ଯୋଗୁଁ କାର୍ କିଣିପାରନ୍ତି ନାହିଁ । ଏବେ କିନ୍ତୁ ମାରୁତି ସୁଜୁକି ପକ୍ଷରୁ ଏକ ଆକର୍ଷଣୀୟ ଅଫର୍ ପ୍ରଦାନ କରାଯାଇଛି । ଏଥିରେ ଆପଣ କାର୍ ନକିଣି ମଧ୍ୟ କାର୍ ମାଲିକ ହୋଇପାରିବେ ।
ମାରୁତି ସୁଜୁକି ସବସ୍କ୍ରାଇବ୍ ନାମରେ ଏକ ପ୍ରୋଗ୍ରାମ ଆରମ୍ଭ କରିଛି । ଏଥିରେ ନୂଆ ସ୍ୱିଫ୍ଟ, ଡିଜାୟାର, ବ୍ରିଜା, ବଲେନୋ, ସିୟାଜ ଓ ଏକ୍ସଏଲ୬ ଆଦି କାରକୁ ୧୨, ୧୮, ୨୪, ୩୦, ୩୬ କିମ୍ବା ୪୨ ମାସ ପାଇଁ ଘରକୁ ନେଇପାରିବେ । କମ୍ପାନୀ ତରଫରୁ ଗ୍ରାହକଙ୍କୁ କାର୍ ଓ ଅବଦ୍ଧି ଚୟନ କରିବାର ସ୍ୱାଧିନତା ମିଳିବ । ଅର୍ଥାତ ଆପଣ ନିଜ ଇଚ୍ଛାରେ କାରକୁ ଘରକୁ ନେଇପାରିବେ ।
ଏହି ଅଫରରେ ଗ୍ରାହକଙ୍କୁ କୌଣସି ମେଣ୍ଟେନାନ୍ସ ଓ ଇନ୍ସୁରାନ୍ସ ଅର୍ଥ ଦେବାକୁ ପଡିବ ନାହିଁ । ଏପରିକି ଡାଉନ ପେମେଣ୍ଟର ମଧ୍ୟ ଆବଶ୍ୟକତା ନାହିଁ । କେବଳ କାର୍ ବାବଦରେ ମାସିକ ଭଡା ଦେବାକୁ ପଡିବ । ସବସ୍କ୍ରିପସନ୍ ଅଫର୍ ସମ୍ପୂର୍ଣ୍ଣ ହେବା ପୂର୍ବରୁ ଗ୍ରାହକଙ୍କୁ ବାୟବ୍ୟାକ୍ ସୁବିଧା ମଧ୍ୟ ମିଳିପାରିବ ।
ଯଦି ଆପଣ ଏହି ସୁବିଧାର ଲାଭ ଉଠାଇବାକୁ ଚାହୁଁଛନ୍ତି ତେବେ ନିକଟସ୍ଥ ଡିଲରଙ୍କ ପାଖକୁ ଯିବାକୁ ପଡିବ । ନଚେତ୍ www.marutisuzuki.com/ subscribe ଓ୍ୱେବସାଇଟରେ ଫର୍ମ୍ ସବମିଟ୍ କରିବାକୁ ପଡିବ । ଏହି ଫର୍ମରେ ମୋବାଇଲ ନମ୍ବର ସହ ଅନେକ ତଥ୍ୟ ଦେବାକୁ ପଡିବ । ଏହାପରେ କମ୍ପାନୀ ଆପଣଙ୍କ ସହ ସମ୍ପର୍କ ପ୍ରତିଷ୍ଠା କରିବ । ଏବେ କିନ୍ତୁ ଏହି ସୁବିଧା କେବଳ ବେଙ୍ଗାଲୁରୁ, ପୁଣେ, ହାଇଦ୍ରାବାଦ ଓ ଗୁରଗାଓଁରେ ପ୍ରଦାନ କରାଯାଉଛି ।