Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

କାନ୍ଦୁଛି ଗର୍ବିତ ଜନ୍ମମାଟି ଖୋର୍ଦ୍ଧାର ଅଠରାଙ୍ଗ : ସହିଦଙ୍କ ଚିତାରେ ଦେଶ ପ୍ରେମର ଲେଲିହାନ ଶିଖା, ହେମନ୍ତ ଅମର ରହେ ଧ୍ବନିରେ ମୁଖରିତ

28/01/2019 at 6:52 PM

ଖୋର୍ଦ୍ଧା ୨୮|୧: ଶହୀଦ ହେମନ୍ତ ପଣ୍ଡାଙ୍କ ଶେଷ କୃତ୍ୟ ସଂପନ୍ନ । ବୀର ଯବାନଙ୍କୁ ଶେଷ ଅଶ୍ରୁଳ ବିଦାୟ ଦେଇଛନ୍ତି  ଖୋର୍ଦ୍ଧା ବେଗୁନିଆ ଅଠରାଙ୍ଗ ଗାଁ ବାସିନ୍ଦା । ଲଢ଼ୁଆ ପୁଅର ପାର୍ଥିବ ଶରୀର ଗାଁ ପରିକ୍ରମା କରିଥିଲା । ଏହାପରେ ଜନ୍ମମାଟି ଅଠରାଙ୍ଗ ଶ୍ମଶାନରେ ଜଳିଥିଲା ତାଙ୍କ ଚିତ୍ତା । ଶହୀଦ ଅମର ରହେ ଧ୍ବନିରେ କମ୍ପିଥିଲା ପୁରା ଗାଁ

କାନ୍ଦୁଛି ଜନ୍ମମାଟି  ଅଠରାଙ୍ଗ । କଫିନ ଉପରେ ଲୋଟି ପଡ଼ି ଲୁହ ଝରାଉଛନ୍ତି ପରିବାରବର୍ଗ । ବାରମ୍ବାର ଗୋଡ଼ଠୁ ମୁଣ୍ଡ ଯାଏଁ ଆଉଁସି ପକାଉଛନ୍ତି, ହଲାଉଛନ୍ତି । ହେଲେ ଲଢ଼ୁଆ ପୁଅ ହେମନ୍ତ ପଣ୍ଡା ଚିରନିଦ୍ରାରେ । ଶ୍ରୀନଗର ବାରମୂଳାରେ ଆତଙ୍କବାଦୀଙ୍କ ଗୁଳିରେ ପ୍ରାଣ ହରାଇଥିବା ବୀର ଯବାନଙ୍କ ପାର୍ଥିବ ଶରୀର ପୁରା ଗାଁ ବୁଲିଛି ।

ମାଟି ପୁଅର ମର ଶରୀରକୁ ଫୁଲରେ ପୋତି ପକାଇଛନ୍ତି ସମସ୍ତେ । ଏହାପରେ ଗାଁ ଶ୍ମଶାନରେ ପହଞ୍ଚିଥିଲା ଯବାନଙ୍କ ମୃତଦେହ । ସମସ୍ତଙ୍କ ଆଖିରେ ଲୁହ । ଛାତିରେ ଛାତିଏ କୋହ । ତାରି ଭିତରେ ସଂପର୍କୀୟ ଭାଇ ମୁଖାଗ୍ନି ଦେଇଥିଲେ । ଶହୀଦ ହେମନ୍ତ ଅମର ରହେ ଧ୍ବନିରେ କମ୍ପିଥିଲା ଶ୍ମଶାନ । ସ୍ଥାନୀୟ ବିଧାୟକ, ତହସିଲଦାର , ବିଡିଓଙ୍କ ଉପସ୍ଥିତିରେ ମାଟି ପୁଅକୁ ଅଶ୍ରୁଳ ବିଦାୟ ଦିଆଯାଇଛି ।

ତ୍ରିରଙ୍ଗା ପ୍ରତି ଦୁର୍ବଳତା ଯୋଗୁଁ ହେମନ୍ତ ଅଠରାଙ୍ଗରୁ ବାରମୂଳା ଯାଏଁ ଯାଇପାରିଥିଲେ । ଦେଶ ମାତୃକାର ସେବା କରିବାକୁ ଯେମିତି ସେ ପିଲାଟି ଦିନରୁ ପ୍ରତିଜ୍ଞାବଦ୍ଧ ଥିଲେ । ସେଥିପାଇଁ ତ ଆତଙ୍କବାଦୀଙ୍କ ଆଗରେ ମୁଣ୍ଡ ନୁଆଁଇନଥିଲେ  ।

ଦେଶ ଯେତେବେଳେ ସାଧାରଣତନ୍ତ୍ର ଦିବସ ପାଇଁ ଉତ୍ସବ ମୁଖର ଥିଲା, କର୍ତ୍ତବ୍ୟରତ ହେମନ୍ତ ସେତେବେଳେ ଟଳି ପଡ଼ିଥିଲେ ଆତଙ୍କୀର ଗୁଳିରେ । ଯେଉଁ ତ୍ରିରଙ୍ଗା ଟାଣିନେଇଥିଲା ସୁଦୂର ଶ୍ରୀନଗର, ସେଇ ତ୍ରିରଙ୍ଗା ଥିଲା ତାଙ୍କ ପାର୍ଥିବ ଶରୀର ଉପରେ । ଦେଶ ପାଇଁ ବଳିଦାନ ଦେଇଥିବା ହେମନ୍ତଙ୍କୁ ଝୁରୁଛି ଅଠରାଙ୍ଗ । ଏକମାତ୍ର ପୁଅକୁ ହରାଇଥିବାରୁ ପରିବାର ବି ଶୋକରେ । ହେଲେ ଶହୀଦ ହୋଇଯାଇଥିବାରୁ ସମସ୍ତେ ଗର୍ବିତ ।

   Related Posts