Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||

ସଡ଼କ ଦୁର୍ଘଟଣାରେ ପ୍ରସିଦ୍ଧ ଅନ୍ତର୍ଜାତୀୟ ମାର୍ଶାଲ୍ ଆର୍ଟ ଖେଳାଳୀ ଜୋବନପ୍ରୀତ ସିଂହଙ୍କ ପରଲୋକ

17/11/2020 at 1:30 PM

କପୁରଥଲା ୧୭/୧୧: ପଞ୍ଜାବର କପୁରଥଲାରେ ହୋଇଥିବା ଏକ ସଡ଼କ ଦୁର୍ଘଟଣାରେ ଅନ୍ତର୍ଜାତୀୟ ମାର୍ଶାଲ୍ ଆର୍ଟ ଖେଳାଳି ଜୋବନପ୍ରୀତ ସିଂହଙ୍କ ମୃତ୍ୟୁ ହୋଇଯାଇଛି। ତାଙ୍କୁ ମାତ୍ର ୧୫ବର୍ଷ ହୋଇଥିଲା। ୨ବର୍ଷ ତଳେ ସେ ମସ୍କୋରେ ଆୟୋଜିତ ୟୁନିଫାଇଡ ମାର୍ଶାଲ୍ ଆର୍ଟର ଓ୍ବାର୍ଲଡ ଚାମ୍ପିଅନଶିପରେ ରୌପ୍ୟ ପଦକ ଜିତିଥିଲେ। ଏହି ଦୁର୍ଘଟଣାରେ ତାଙ୍କ ବନ୍ଧୁଙ୍କର ମଧ୍ୟ ମୃତ୍ୟୁ ହୋଇଯାଇଛି।

ଅର୍ବାନ୍ ଏଷ୍ଟେଟ୍ ବାସିନ୍ଦା ରାଜବିନ୍ଦର ସିଂହ(୨୫) ଏବଂ ଗ୍ରୀନ୍ ଆଭେନ୍ୟୁ ର୍ବାସିନ୍ଦା ଜୋବନପ୍ରୀତ ସିଂହ(୧୫) ଦୁହେଁ ଭଲ ବନ୍ଧୁ ଥିଲେ। ରବିବାର ଜୋବନପ୍ରୀତ ସିଂହ ରାଜବିନ୍ଦର ସିଂହଙ୍କୁ ଭେଟିବାକୁ ଯାଇଥିଲେ। ରାତି ୧୧ଟାରେ ରାଜବିନ୍ଦର ଅର୍ବାନ୍ ଏଷ୍ଟେଟ୍ କଲୋନୀରୁ ଜୋବନପ୍ରୀତ ସିଂହଙ୍କୁ ତାଙ୍କ ଘର ଗ୍ରୀନ୍ ଆଭେନ୍ୟୁକୁ ଆକ୍ଟିଭାରେ ଛାଡ଼ିବାକୁ ଯାଉଥିଲେ।

ସେମାନେ ରାସ୍ତା ପାର କରୁଥିବାବେଳେ କପୁରଥଲାରୁ ଜଲନ୍ଧର ଯାଉଥିବା କାର୍ ଚାଳକ ଭାରସାମ୍ୟ ହରାଇ ଆକ୍ଟିଭାକୁ ଜୋରଦାର ଧକ୍କା ଦେଇଥିଲା। ଏହି ଦୁର୍ଘଟଣାରେ ରାଜବିନ୍ଦର ଏବଂ ଜୋଭନପ୍ରୀତ ଗୁରୁତର ଆହତ ହୋଇଥିଲେ। ହସ୍ପିଟାଲକୁ ପହଞ୍ଚିବା​‌ ପରେ ଡାକ୍ତର ଜୋବନପ୍ରୀତଙ୍କୁ ମୃତ ଘୋଷିତ କରିଥିଲେ। ଗୁରୁତର ରାଜବିନ୍ଦରଙ୍କୁ ପ୍ରାଥମିକ ଉପଚାର ପରେ ଜଲନ୍ଧର ରେଫର କରି ଦିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଥିଲା।

ଜୋବନପ୍ରୀତ ସିଂହଙ୍କ କୋଚ୍‌ କହିଛନ୍ତି ଯେ ଜୋବନପ୍ରୀତ ସିଂହ ମାର୍ଶଲ୍ ଆର୍ଟର ଜଣେ ପ୍ରତିଭାବାନ୍ ଅନ୍ତର୍ଜାତୀୟ ଖେଳାଳୀ ଥିଲେ। ସେ ପାଖାପାଖି ସାଢ଼େ ୩ବର୍ଷରୁ ମାର୍ଶଲ୍ ଆର୍ଟର ପ୍ରାକ୍ଟିସ୍ କରୁଛନ୍ତି। ଗ୍ରୀନ୍ ଆଭେନ୍ୟୁରେ ଜୋବନପ୍ରୀତ ସିଂହଙ୍କ ବାପା ଗୁରବଖସ୍ ସିଂହଙ୍କ ଜେନେରାଲ୍ ଷ୍ଟୋର୍ ରହିଛି। ପରିବାରରେ ଜୋବନଙ୍କ ମାଆ ବୀରପାଲ କୌର ଏବଂ ବଡ଼ ଭଉଣୀ ସଚଦୀପ କୌର। ସେ ଜୋବନଙ୍କ ଆକସ୍ମିକ ମୃତ୍ୟୁକୁ ନେଇ ଗଭୀର ଶୋକ ପ୍ରକାଶ କରିଛନ୍ତି।

କାର୍ ଚାଳକ କାର୍ ଛାଡ଼ି ଘଟଣାସ୍ଥଳରୁ ଫେରାର ହୋଇଯାଇଛି। ୨ଟି ଗାଡ଼ିକୁ ପୋଲିସ୍ ଜବତ କରିଛି। ରାଜବିନ୍ଦର ସିଂହଙ୍କ ବାପା ସତପାଲ ସିଂହଙ୍କ ବୟାନ ଆଧାରରେ ଅଭିଯୁକ୍ତ କାର ଚାଳକ ବିରୋଧରେ ମାମଲା ରୁଜୁ କରାଯାଇଛି।

   Related Posts