Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପେଟେଣ୍ଟ ମୁକ୍ତ ହେବ କରୋନା ଭ୍ୟାକସିନ୍‌ ! ଭାରତ ଏବଂ ଦକ୍ଷିଣ ଆଫ୍ରିକା ପ୍ରସ୍ତାବରେ ଆମେରିକାର ସମର୍ଥନ
  • ||
  • କୋଭିଡ୍‌ ସ୍ଥିତିକୁ ନେଇ ନବୀନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟରେ ସୁସ୍ଥ ହେଲେ ଆଉ ୬୮୫୪ କରୋନା ଆକ୍ରାନ୍ତ, ଖୋର୍ଦ୍ଧାରେ ହଜାରେ ଟପିଲା ଡିସ୍‌ଚାର୍ଜ
  • ||
  • ନୂଆଦିଲ୍ଲୀ : କରୋନାରେ ପୂର୍ବତନ ରଣଜୀ କ୍ରିକେଟରଙ୍କ ଦେହାନ୍ତ, ଆଇପିଏଲ୍ ଟିମ୍‌ରେ ହୋଇଥିଲେ ମନୋନୀତ
  • ||
  • ରାଇରଙ୍ଗପୁର : ନିଖୋଜ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
  • ||
  • ନବରଙ୍ଗପୁର : ଶାଗ ତୋଳିବା ହେଲା କାଳ, ବଜ୍ରପାତରେ ଚାଲିଗଲା ୨ ନାବାଳିକାଙ୍କ ଜୀବନ, ୨ ଆହତ
  • ||
  • ନୀଳଗିରି : ଗଛରେ ଝୁଲୁଛି ଅଜଣା ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା ସନ୍ଦେହ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୧୨୧ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୫୨୧ ପଜିଟିଭ୍
  • ||

ଛୁରୀ ମୁନରେ ବିବାହିତା ମହିଳାଙ୍କ ସହ ଦୁଷ୍କର୍ମ କଲା ପଡୋଶୀ; ପୋଲିସ ଅଭିଯୋଗ ନ ଶୁଣିବାରୁ ପୁଣି କଲା ଦୁଷ୍କର୍ମ

1/02/2019 at 5:17 PM

ନୋଏଡା ୧/୨ : ନୋଏଡାରେ ଜଣେ ବିବାହିତା ମହିଳାଙ୍କୁ ତାଙ୍କର ଜଣେ ପଡୋଶୀ ଦୁଷ୍କର୍ମ କରିଥିବା ଅଭିଯୋଗ ହୋଇଛି | ଜାନୁଆରୀ ୬ ତାରିଖ ଦିନ ଛୁରୀ ଦେଖାଇ ପଡୋଶୀ ବିବାହିତା ମହିଳାଙ୍କ ସହ ଦୁଷ୍କର୍ମ କରିଥିଲା | ଦୁଷ୍କର୍ମ ପରେ ପୀଡିତା ଅଭିଯୋଗ କରିବା ପାଇଁ ଥାନାକୁ ଯିବାରୁ ପୋଲିସ ପୀଡିତା ମହିଳାଙ୍କୁ ଗାଳିଗୁଲଜ କରି ବାହାର କରିଦେଇଥିଲା | ପୀଡିତାଙ୍କ ଅଭିଯୋଗ ପୋଲିସ ନ ଶୁଣିବାରୁ ଅଭିଯୁକ୍ତର ସାହସ ଆହୁରି ବଢି ଯାଇଥିଲା | ଏହାପରେ ଜାନୁଆରୀ ୨୧ ତାରିଖରେ ସେହି ଯୁବକ ପୁଣିଥରେ ମହିଳାଙ୍କୁ ଛୁରୀ ଦେଖାଇ ତାଙ୍କ ସହ ଦୁଷ୍କର୍ମ କରିଥିଲା |


ନୋଏଡା ସେକ୍ଟର -୪୫ ସଦରପୁର କଲୋନୀରେ ରୁହନ୍ତି ପୀଡିତା | ଦୁଷ୍କର୍ମ ପରେ ମହିଳା ଥାନାକୁ ଯାଇ ଏସଏସପିଙ୍କ ପାଖେ ଗୁହାରି କରିଥିଲେ | ଘଟଣାର ୧୫ ଦିନ ପରେ ପୋଲିସ ମାମଲା ରୁଜ୍ଜୁ କରିଥିଲା | ମାମଲା ରୁଜ୍ଜୁ କରି ପୋଲିସ ଅଭିଯୁକ୍ତକୁ ଧରିବା ପାଇଁ ଆଖପାଖ ଜାଗାରେ ଚଢ଼ାଉ କରିଥିଲା | କିନ୍ତୁ ଅଭିଯୁକ୍ତ ଫେରାର ହୋଇଯାଇଥିଲା | ତେବେ ପୋଲିସ ଅଭିଯୁକ୍ତକୁ ଖୋଜାଖୋଜି କରୁଛି |


ଏସଏସପିଙ୍କ ନିର୍ଦେଶରେ ପୋଲିସ ଅଭିଯୁକ୍ତ ବିରୋଧରେ ଧାରା ୩୭୬, ୪୫୨, ୩୨୩, ୫୦୪, ୫୦୬ରେ ମାମଲା ରୁଜ୍ଜୁ କରିଛି | ପୋଲିସ ସୂଚନା ଅନୁଯାୟୀ, ମହିଳା ନିଜ ସ୍ୱାମୀ ଏବଂ ଛୁଆଙ୍କ ସହିତ ସଦରପୁର କଲୋନୀରେ ଏକ ଘର ଭଡା ନେଇ ରହୁଥିଲେ | ପୀଡିତା ମହିଳାଙ୍କ ସ୍ୱାମୀ ପେଣ୍ଟିଙ୍ଗ କରନ୍ତି | ସେ ପ୍ରାୟ ସବୁବେଳେ ବାହାରେ ରୁହନ୍ତି |


ସ୍ୱାମୀ ଘରେ ରହୁନଥିବାର ଫାଇଦା ଉଠାଇଥିଲେ ପଡୋଶୀରେ ରହୁଥିବା ଜଣେ ଯୁବକ ଜାନୁଆରୀ ୬ ତାରିଖରେ ମହିଳାଙ୍କ ଜବରଦସ୍ତ ଘରେ ପଶି ଯାଇଥିଲା | ଅଭିଯୁକ୍ତ ମହିଳାଙ୍କ ମୁହଁ ଓଢଣୀରେ ବାନ୍ଧିଦେଇଥିଲା | ଏହାପରେ ଛୁରୀ ବାହାର କରି ମହିଳାଙ୍କୁ ଧମକ ଦେଇ ତାଙ୍କ ସହ ଦୁଷ୍କର୍ମ କରିଥିଲା | ମହିଳା ବିରୋଧ କରିବାରୁ ଅଭିଯୁକ୍ତ ମହିଳାଙ୍କ ସ୍ୱାମୀ ଏବଂ ସନ୍ତାନଙ୍କୁ ଜୀବନରେ ମାରିଦେବାକୁ ଧମକ ଦେଇଥିଲା | ଏ ସମ୍ପର୍କରେ କାହାକୁ କହିଲେ ମଧ୍ୟ ସେ ମହିଳାଙ୍କ ପରିବାରକୁ ଶେଷ କରିଦେବା ବୋଲି ଧମକ ଦେଇଥିଲା |


ଏହାପରେ ମହିଳା ଥାନାରେ ଅଭିଯୋଗ କରିବାରୁ ପୋଲିସ ପୀଡିତାଙ୍କୁ ଗାଳିଗୁଲଜ କରିଥିଲା | ଏହାପରେ ଅଭିଯୁକ୍ତର ସାହସ ବଢିଯାଇଥିଲା ଓ ସେ ପୁଣି ଜାନୁଆରୀ ୨୧ ତାରିଖରେ ପୁଣି ଛୁରୀ ଦେଖାଇ ତାଙ୍କ ସହ ଦୁଷ୍କର୍ମ କରିଥିଲା | ଏହାପରେ ମହିଳା ପୁଣି ଥାନାକୁ ଯାଇଥିଲେ ଅଭିଯୋଗ କରିବ ପାଇଁ | କିନ୍ତୁ ପୋଲିସ ଏଥର ବି ତାଙ୍କ ଅଭିଯୋଗ ରଖିନଥିଲା |


ନିରାଶ ହୋଇ ଶେଷରେ ପୀଡିତା ଏବଂ ତାଙ୍କ ସ୍ୱାମୀ ଏସଏସପିଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଜଣାଇଥିଲେ | ଏସଏସପିଙ୍କ ନିର୍ଦ୍ଧେଶକ୍ରମେ ୩୯ ଥାନା ପୋଲିସ ମହିଳାଙ୍କ ଅଭିଯୋଗ ରଖି ମାମଲା ରୁଜ୍ଜୁ କରିଥିଲା | ପୋଲିସ ଅଭିଯୁକ୍ତକୁ ଖୋଜୁଛି |

   Related Posts