ନବରଙ୍ଗପୁର ୧୧/୧୧: ଘରୋଇ କଳିରୁ ଜଳ ଭଣ୍ଡାରକୁ ଡେଇଁ ପଡି ନବ ବିବାହିତ ଯୁବତୀଙ୍କ ଆତ୍ମହତ୍ୟା ଅଭିଯୋଗ ହୋଇଛି । ନବରଙ୍ଗପୁର ଜିଲ୍ଲାର ଇନ୍ଦ୍ରାବତୀ ସ୍ଥିତ କପୁର ଡ୍ୟାମକୁ ଡେଇଁ ପଡି ଜୟନ୍ତୀ ହରିଜନ(୧୮) ଆତ୍ମହତ୍ୟା କରିଛନ୍ତି ।
{"id":182379}ସେ ଇନ୍ଦ୍ରାବତୀ କଲେଜରେ ଯୁକ୍ତ ଦୁଇ ପ୍ରଥମ ବର୍ଷର ଛାତ୍ରୀ ଥିଲେ l ସେହି ସମୟରେ ଅର୍ଥାତ, ପ୍ରାୟ ଆଠ ମାସ ତଳେ ସେ ଡୁମୁରିଗୁଡା ଗ୍ରାମର ଭୁବନ ହରିଜନ ନାମକ ଯୁବକଙ୍କୁ ପ୍ରେମ ବିବାହ କରିଥିଲେ l ତେବେ ଶାଶୁ ଘର ଲୋକଙ୍କ ସହ ଗଣ୍ଡଗୋଳ ହେବାରୁ ସେ କପୁର ଡ୍ୟାମକୁ ଡେଇଁ ଆଜି ସକାଳେ ଆତ୍ମହତ୍ୟା କରିଛନ୍ତି ।
{"id":182380}ଖବର ପାଇ ଇନ୍ଦ୍ରାବତୀ ପୋଲିସ ଘଟଣା ସ୍ଥଳରେ ପହଞ୍ଚି ଜଳ ଭଣ୍ଡାରରେ ଖୋଜାଖୋଜି କରିବା ପାଇଁ ଅଗ୍ନିଶମ ବିଭାଗର ମଧ୍ୟ ସାହାଯ୍ୟ ନେଇଛି l ବର୍ତମାନ ଖୋଜାଖୋଜି କରିବା ପରେ ଶବ ଉଦ୍ଧାର ହୋଇଛି । ପ୍ରାଥମିକ ତଦନ୍ତ ପରେ ଶାଶୁ, ନଣନ୍ଦ ଓ ସ୍ବାମୀଙ୍କ ସହ ଗଣ୍ଡଗୋଳ ହୋଇ ଆତ୍ମହତ୍ୟା କରିଥିବା ଜଣାପଡିଛି । ଗତକାଲି ଘରର ଲୋକଙ୍କ ସହ ଗଣ୍ଡଗୋଳ ହେବା ପରେ ସେ ବେଡାପଦ ସ୍ଥିତ ବାପଘରକୁ ଚାଲି ଆସିଥିଲେ । ସକାଳେ ସେ ଚାଲି ଆସିବା ପରେ ସ୍ବାମୀ ତାଙ୍କ ବିନା କିଭଳି ବଂଚିବେ ବୋଲି ହୃଦୟଙ୍ଗମ କରି ପୁଣି ସ୍ବାମୀ ଙ୍କ ପାଖକୁ ଆସିଥିଲେ ତେବେ ଘରକୁ ଆସିବା ପରେ ସ୍ବାମୀ ,ଶାଶୁ ଓ ନଣନ୍ଦଙ୍କ ସହ ପୁନର୍ବାର ଗଣ୍ଡଗୋଳ ହେବାରୁ ଇନ୍ଦ୍ରାବତୀ କଲେଜକୁ ଯିବି ବୋଲି କହି କଲେଜ ଡ୍ରେସ ପିନ୍ଧି ବାହାରି ଆସିଥିଲେ ଓ ଏହାପରେ କପୁର ଡ୍ୟାମକୁ ଡେଇଁ ଆତ୍ମ ହତ୍ୟା କରିଥିଲେ l ଏନେଇ ଜୟନ୍ତୀର ଭଉଣୀ ଛବି ହରିଜନ ତାଙ୍କ ଶାଶୁ ଘରର ଲୋକଙ୍କ ଯୋଗୁଁ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି l ପୋଲିସ ଏହାର ତଦନ୍ତ କରୁଛି l