Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ଆଳୁ ୪୫କୁ ପିଆଜ ୭୫, ଡାଲି-ତେଲ କଥା ନକହିବା ଭଲ : ଉତ୍ପାଦନ ବୃଦ୍ଧି ନହେଲେ ଜାରି ରହିବ ସଙ୍କଟ

4/11/2020 at 6:37 PM

ଭୁବନେଶ୍ବର ୪/୧୧: ବୋଝ ଉପରେ ନଳିତା ବିଡ଼ା। ଆଳୁ ୪୫କୁ ପିଆଜ ୭୫। କରୋନା କାଳରେ ପରିବାର ଆକାଶ ଛୁଆଁ ଦର ଲୋକଙ୍କ ମେରୁଦଣ୍ଡ ଭାଙ୍ଗିପକାଇଛି। ଏକ କିଲୋ ବଦଳରେ ଅଢ଼େଇଶ ନେଇ ଘରକୁ ଫେରୁଛନ୍ତି ଗ୍ରାହକ। ନିତ୍ୟ ବ୍ୟବହାର୍ଯ୍ୟ ପନି ପରିବାର ଦରଦାମ ବୃଦ୍ଧି ପାଇଁ ପରିବାର ଚଳାଇବା ବି ମୁସ୍‌କିଲ ହୋଇପଡ଼ିଛି। କେବଳ ଆଳୁ, ପିଆଜ ନୁହେଁ ବରଂ ଡାଲି, ତେଲ , ରେଟ୍‌ ଉପରମୁହାଁ। ପଖାଳ କଂସା ପାଇଁ ପିଆଜ ଟିକେ ଯୋଗାଡ଼ ପାଇଁ ଆଉ ସାହାସ ଜୁଟାଇପାରୁନି ଗରିବ ପରିବାରଟିଏ । ସେପଟେ ଧର୍ମମାସ କାର୍ତ୍ତିକରେ ଆମିଷ ବର୍ଜନ କରିଥିବା ଲୋକେ ପରିବା ଦର ଦେଖି ଛାନିଆ । ମାର୍କେଟ୍‌ରେ କୌଣସି ପରିବା ୫୦ଟଙ୍କା ତଳକୁ ନାହିଁ । ଏଭଳି ପରିସ୍ଥିତିରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ବେଳେ କୁମ୍ଭକର୍ଣ୍ଣ ନିଦ୍ରାରେ ରାଜ୍ୟ ଯୋଗାଣ ବିଭାଗ । ବିଭାଗର ନିୟନ୍ତ୍ରଣ ନଥିବାରୁ ମନଇଚ୍ଛା ଦର କଷୁଛନ୍ତି ବେପାରୀ ।

ଯେତେବେଳେ ଏସବୁ ସାମଗ୍ରୀ ପାଇଁ ଅନ୍ୟ ରାଜ୍ୟ ଉପରେ ଆମ ରାଜ୍ୟ ଓଡ଼ିଶା ନିର୍ଭରଶୀଳ ସେତେବେଳେ ପ୍ରତିବର୍ଷ ଆମକୁ ଏମିତି ଦରବୃଦ୍ଧିର ସାମ୍ନା କରିବାକୁ ହେଉଛି । ପଶ୍ଚିମବଙ୍ଗ ଓ ଆନ୍ଧ୍ରପ୍ରଦେଶରୁ ଆଳୁ, ମହାରାଷ୍ଟ୍ର , କର୍ଣ୍ଣାଟକ, ମଧ୍ୟ ପ୍ରଦେଶ ଭଳି ରାଜ୍ୟରୁ ପିଆଜ ଆସିଲେ ଯାଇ ଆମେ ଖାଉଛନ୍ତି । ଏମିତିରେ ସେସବୁ ରାଜ୍ୟରେ ଚାଷ ପ୍ରଭାବିତ ହେଲେ ଆମ ରାଜ୍ୟରେ ଦର ବଢ଼ିବା ସ୍ବଭାବିକ ବୋଲି ରାଜ୍ୟ ବ୍ୟବସାୟୀ ସଂଘ ସମ୍ପାଦକ ସୁଧାକର ପଣ୍ଡା କହିଛନ୍ତି।

 ।  ପ୍ରତିବର୍ଷ ଏଭଳି ପରିସ୍ଥିତି ସୃଷ୍ଟି ହେଉଥିଲେ ମଧ୍ୟ ରାଜ୍ୟ ସରକାର ଏହାକୁ ନେଇ ଏପର୍ଯ୍ୟନ୍ତ ସ୍ଥାୟୀ ସମାଧାନର ବାଟ ବାହାର କରିବାରେ ବିଫଳ ହୋଇଛନ୍ତି । ଅତ୍ୟାବଶ୍ୟକ ସାମଗ୍ରୀର ଅହେତୁକ ଦରବୃଦ୍ଧି ପ୍ରତିବାଦରେ କଟକରେ ଆଜି ବିକ୍ଷୋଭ କରିଛନ୍ତି କଂଗ୍ରେସ ଆଉ ଏସୟୁସିଆଇ ।

ଅନ୍ୟପଟେ ସଆୁବେଳେ ଅନ୍ୟ ଉପରେ ନିର୍ଭର କଲେ ବେଳେ ବେଳେ ଉପାସ ରହିବାକୁ ମଧ୍ୟ ପଡ଼ିପାରେ । ଏକଥାକୁ ବୋଧହୁଏ ରାଜ୍ୟ ସରକାର ଏପର୍ଯ୍ୟନ୍ତ ବୁଝିନାହାନ୍ତି । ରାଜ୍ୟବାସୀଙ୍କ ଆବଶ୍ୟକତା ପୂରଣ ପାଇଁ ଆମ ରାଜ୍ୟରେ କିଭଳି ଆଳୁ ପିଆଜ ଉତ୍ପାଦନକୁ ବୃଦ୍ଧି କରାଯାଇପାରିବ, କିଭଳି ଏହାର ସଂରକ୍ଷଣ କରାଯାଇପାରିବ ସେଥି ପ୍ରତି ସରକାର ଗୁରୁତ୍ବ ନଦେଲେ ପ୍ରତିବର୍ଷ ଆମକୁ ଏଭଳି ସମସ୍ୟାର ସାମ୍ନା କରିବାକୁ ପଡ଼ିବ ବୋଲି ସାଧାରଣରେ ଚର୍ଚ୍ଚା ହେଉଛି ।

   Related Posts