Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆମେରିକାର ପ୍ରଥମ ମହିଳା ଉପରାଷ୍ଟ୍ରପତି ହେଲେ କମଳା ହ୍ୟାରିସ୍
  • ||
  • ଆମେରିକାର ୪୬ ତମ ରାଷ୍ଟ୍ରପତି ଭାବେ ଶପଥ ନେଲେ ଜୋ ବାଇଡେନ୍‌
  • ||
  • ଆମେରିକାର ଉପ ରାଷ୍ଟ୍ରପତି ଭାବେ ଶପଥ ନେଲେ କମଳା ହ୍ୟାରିସ୍‌
  • ||
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||

କାର୍ ଉପରେ ଓଲଟି ପଡିଲା ମାର୍ବଲ୍ ବୋଝେଇ ଟ୍ରକ, ଘଟଣାସ୍ଥଳରେ ୬ଜଣଙ୍କ ମୃତ୍ୟୁ : ମୃତଦେହ ବାହାର କରିବାକୁ ଡକାଗଲା ଜେସିବି

23/07/2020 at 11:57 AM

ଫତେହାବାଦ ୨୩/୦୭ : ରାଜସ୍ଥାନ ନାଗୋରରେ ମାର୍ବଲ ଭର୍ତ୍ତି ଏକ ଟ୍ରକ କାର ଉପରେ ଓଲଟି ପଡିଲା | ଦୁର୍ଘଟଣାରେ କାରରେ ଥିବା ୬ଜଣଙ୍କ ମୃତ୍ୟୁ ହୋଇଛି | କାରରେ ଥିବା ସମସ୍ତେ ହରିୟାଣାର ବୋଲି ଜଣାପଡିଛି | ୫ ଜଣ ଫତେହାବାଦ ଜିଲ୍ଲାର ଏବଂ ଆଉ ଜଣେ ହିସାରର ଥିଲେ | ପୋଲିସ ସମସ୍ତ ମୃତଦେହକୁ ଜବତ କରି ବ୍ୟବଛେଦ ପାଇଁ ହସ୍ପିଟାଲକୁ ପଠାଇଛି | ପୋଲିସ ସୂଚନା ଅନୁଯାୟୀ, ମୃତକଙ୍କ ମଧ୍ୟରେ ଦୁଇଜଣ ଭାଇ ଥିଲେ | ଗାଈଗୋଠକୁ ବଞ୍ଚାଇବାକୁ ଯାଇ ଦୁର୍ଘଟଣା ଘଟିଥିବା କୁହାଯାଉଛି | ଗାଈଗୋଠକୁ ବଞ୍ଚାଇବାକୁ ଯାଇ ଟ୍ରକ କାର ଆଡକୁ ମାଡି ଆସିଥିଲା ଓ କାରକୁ ଧକ୍କା ଦେଇଥିଲା | ଧକ୍କା ହେବାରୁ କାର ଚାଳକ କାରକୁ ରାସ୍ତାରୁ ଓହ୍ଲାଇଥିଲେ ଯେଉଁଠାରେ ମାଟି ଓଦା ଥିଲା | ମାଟି ଓଦା ଥିବାରୁ କାର ମାଟିରେ ଧସି ଯାଇଥିଲା | ଏତିକି ଟ୍ରକ ବାଲାନ୍ସ ହରାଇ କାର ଉପରେ ଓଲଟି ପଡିଥିଲା |

ମୃତକମାନେ ହେଲେ ରାମସ୍ୱରୂପ, ବିନୋଦ, ରାଜବିର, ରାଧେଶ୍ୟାମ ଓ ଅନ୍ୟ ଦୁଇଜଣ | ସମସ୍ତ ମୃତକଙ୍କ ବୟସ ୩୫ ରୁ ୪୦ ବର୍ଷ ଥିଲା | ପୋଲିସ କହିବାନୁଯାୟୀ କାରରେ ଥିବା ସମସ୍ତେ ନିଜ ଗାଁକୁ ଯାଉଥିଲେ | ସମସ୍ତେ ବୁଧବାର ୧୨ଟା ସମୟରେ ହରିୟାଣାରୁ ଯୋଧପୁର ବୁଲିବାକୁ ଯାଉଛନ୍ତି ବୋଲି କହି ଘରୁ ବାହାରିଥିଲେ | କିନ୍ତୁ ପ୍ରକୃତି ବୋଧେ ଆଉ କିଛି ମଂଜୁର ଥିଲା | ବୁଲିବାକୁ ବାହାରି ଏମାନେ ଆଉ ଘରକୁ ଫେରିଲେନି |

୧୮ ଚକିଆ ଟ୍ରକରେ ପାଖାପାଖି ୩୫ ଟନରୁ ଅଧିକ ମାର୍ବଲ ଓ ଟାଇଲ୍ସ ବୋଝେଇଥିଲା | ଓଜନ ଏତେ ଅଧିକ ଥିଲା ଯେ କାର ଉପରେ ଓଲଟି ପଡିବାରୁ କାର ସମ୍ପୂର୍ଣ ଚେପା ହୋଇଯାଇଛି | କାରରୁ ମୃତଦେହ ବାହାର କରିବାକୁ ବହୁତ ଅସୁବିଧା ହୋଇଥିଲା | ମୃତକଙ୍କ ଶବ ବାହାର କରିବାକୁ ଜେସିବି ଡାକିବାକୁ ପଡିଥିଲା | ଘଟଣାସ୍ଥଳରେ ହିଁ ସମସ୍ତ ୬ ଜଣଙ୍କର ମୃତ୍ୟୁ ହୋଇଯାଇଥିଲା | ପୋଲିସ ମୃତଦେହ ଜବତ କରି ସେମାନଙ୍କ ପରିବାର ଲୋକଙ୍କୁ ସୂଚିତ କରିଛି |

   Related Posts