Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ମାଓବାଦୀଙ୍କ ୨୪ ଘଣ୍ଟିଆ ବନ୍ଦ ପାଳନ

25/06/2018 at 5:27 AM

ମାଓବାଦୀଙ୍କ ୨୪ ଘଣ୍ଟିଆ ବନ୍ଦ ପାଳନ । ଭାରତୀୟ କମ୍ୟୁନିଷ୍ଟ ପାର୍ଟି ଓଡିଶା ରାଜ୍ୟ କମିଟି ଓଡିଶା ଏବଂ ଛତିଶଗଡରେ ୨୪ ଘଣ୍ଟିଆ ବନ୍ଦ ଡାକରା ଦେଇଛି । ପୋଲିସର ଅପରେସନ ଗ୍ରୀନହଣ୍ଟକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଛି । ଓଡିଶା ତଥା ପୂର୍ବ ଛତିଶଗଡରେ ଏହି ସଂଗଠନ କାମ କରୁଥିବାବେଳେ ବନ୍ଦ ଡାକରାକୁ ସଫଳ କରିବାକୁ କନ୍ଧମାଳ ଜିଲ୍ଲାର ବିଭିନ୍ନ ସ୍ଥାନରେ ଲାଗିଛି ମାଓ ପୋଷ୍ଟର । ଫୁଲବାଣୀ ଗୋଛାପଡା ରାସ୍ତା କଟ୍ରିଙ୍ଗିଆରେ ଗଛ ପକାଇ ରାସ୍ତା ଅବରୋଧ କରିଛନ୍ତି ମାଓବାଦୀ । ବନ୍ଦ ଡାକରାକୁ ଆଖି ଆଗରେ ରଖି ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ବିଭିନ୍ନ ଜଙ୍ଗଲରେ କୁମ୍ବି କରୁଛନ୍ତି ସୁରକ୍ଷା କର୍ମୀ । ଏହା ସହିତ ରାଜ୍ୟର ବିଭିନ୍ନ ସୀମାରେ ସିଲ କରି ଗାଡ଼ିମୋଟର ଯାଞ୍ଚ କରୁଛନ୍ତି ସୁରକ୍ଷା କର୍ମୀ ।

ନବରଙ୍ଗପୁର ଜିଲ୍ଲା ଉମରକୋଟ ରାଇଘରରେ ମାଓବାଦୀମାନେ ପୋଷ୍ଟର ଲଗାଇଛନ୍ତି । ସହରରେ ନିର୍ମାଣାଧୀନ ଜଗନ୍ନାଥ ମନ୍ଦିର ରଥରେ ୩ଟି ପୋଷ୍ଟର ମାରିଛନ୍ତି ମାଓବାଦୀ । ମେନପୁର ଡିଭିଜନ ଏସବୁ ପୋଷ୍ଟର ଲଗାଇଛି । ଓଡିଶା-ଛତିଶଗଡ ବନ୍ଦ ଡାକରାକୁ ସଫଳ କରିବାକୁ ପୋଷ୍ଟରରେ ଆହ୍ବାନ ଦିଆଯାଇଛି । ସେପଟେ କଳାହାଣ୍ଡିର ୨ଟି ସ୍ଥାନରେ ମାଓବାଦୀଙ୍କ ରାସ୍ତା ଅବରୋଧ । ଭବାନିପାଟଣା ଥୁଆମୁଳରାମପୁର ରାସ୍ତା ଓ ଫୁଲିଘାଟି ଗୁଣପୁର ନିକଟରେ ଗଛକାଟି ରାସ୍ତା ଅବରୋଧ କରିଛନ୍ତି ମାଓବାଦୀ । ବଲାଙ୍ଗୀରରେ ମାଓବାଦୀ ଅଡିଓ ଟେପ ଜାରି କରିଛନ୍ତି । ମାଓଦମନ ଅଭିଯାନକୁ ବିରୋଧ କରି କରି ବରଗଡ-ବଲାଙ୍ଗୀର ମହାସମୁନ୍ଦ ଡିଭିଜନ ଅଡିଓ ଟେପ ଜାରି କରିଛି । ସେପଟେ ନୂଆପଡା-ପତୋରା ରାସ୍ତାରେ ମାଓପୋଷ୍ଟର ଦେଖିବାକୁ ମିଳିଛି ।

   Related Posts