Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଚର୍ଚ୍ଚିତ ଖବର : ଆତ୍ମସମର୍ପଣ କରିବେ ମାଓନେତା ଗଣପତି , ତାଙ୍କୁ ଧରାଇବାକୁ ଅଛି ୪ କୋଟିର ପୁରସ୍କାର

2/09/2020 at 9:55 AM

ନୂଆଦିଲ୍ଲୀ ୦୨।୦୯: ଆତ୍ମସମର୍ପଣ କରିପାରନ୍ତି ଟପ୍ ମାଓ ନେତା ଗଣପତି । ସି.ପି.ଆଇ. ସେଣ୍ଟ୍ରାଲ୍ କମିଟି ସଦସ୍ୟ ମୁପାଲ୍ଲା ଲକ୍ଷ୍ମଣ ରାଓ ଓରଫ୍ ଗଣପତି ଆତ୍ମସମର୍ପଣ କରିବା ନେଇ ଚିନ୍ତା କରୁଥିବା ତେଲେଙ୍ଗାନା ଗୁଇନ୍ଦା ସଂସ୍ଥା ନିକଟକୁ ସୂଚନା ଆସିଛି । 

ବି.ଏସ୍.ସି ବି.ଇଡି  ପରେ ଗଣପତି ମାଓ ସଂଗଠନରେ  ସାମିଲ ହୋଇଥିଲେ ।  ପ୍ରାୟ ୩୦ ବର୍ଷ ସେ  ମାଓ କାର୍ଯ୍ୟକଳାପରେ ସକ୍ରିୟ ରହିଥିଲେ । ୨୦୧୮ରୁ ମାଓ ଇଷ୍ଟ ସଂଗଠନର ମହାସଚିବ ପଦରୁ ଇସ୍ତଫା ଦେଇଥିଲେ । ସେବେଠାରୁ ସେ ସକ୍ରିୟ ମାଓ କାର୍ଯ୍ୟକଳାପରୁ ଦୂରେଇ ରହିଛନ୍ତି ।  ୭୪ ବର୍ଷିୟ ଗଣପତିଙ୍କ ସ୍ବାସ୍ଥ୍ୟାବସ୍ଥା ଏବେ ଭଲ ନାହିଁ ।  ତେଣୁ ସେ ଆତ୍ମସମର୍ପଣ କରିବା ନେଇ ତାଙ୍କର ଜଣେ ପ୍ରତିନିଧିଙ୍କ ମାଧ୍ୟମରେ ଖବର ଦେଇଛନ୍ତି । ତେବେ ଏଥିପାଇଁ ସେ ତାଙ୍କର ଚିକିତ୍ସାର ସର୍ତ୍ତ ରଖିଥିବା ଜଣାଯାଇଛି । ଏନେଇ ସେ କେନ୍ଦ୍ର ନିକଟକୁ ବି ସୂଚନା ଦେଇଛନ୍ତି । ଏପରିକି ତାଙ୍କୁ ଧରାଇବାକୁ ୪କୋଟିର ପୁରସ୍କାର ରହିଛି ।

ମାଓବାଦୀମାନେ ତେଲେଙ୍ଗାନାରେ ଆତ୍ମସମର୍ପଣ କରିବାକୁ କୁଣ୍ଠା ପ୍ରକାଶ କରୁଛନ୍ତି । କାରଣ ସେମାନେ ଭୟ କରୁଛନ୍ତି ପୋଲିସ ସେମାନଙ୍କୁ ଏନକାଉଣ୍ଟର୍ କରିଦେଇପାରେ । ଏବେ ସେ ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ସହିତ ଯୋଗାଯୋଗ କରୁଥିବା ସୂଚନା ମଳିଛି । ତେଣୁ ଦୁଇ ତିନି ଦିନ ମଧ୍ୟରେ ଏନେଇ କିଛି ଠୋସ ନିଷ୍ପତ୍ତି ସାମ୍ନାକୁ ଆସିପାରେ ।

   Related Posts