Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||
  • ଦାନା ବାନ୍ଧୁଛି ବାତ୍ୟା : ୫ରେ ଓଡିଶା-ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ !
  • ||
  • ସୋମବାରଠୁ ଶୀତ ଅଧିବେଶନ, ପ୍ରଥମ ଦିନରେ କୃଷି ବିଲ୍ ରବ୍ଦ ନେଇ ଆସିବ ପ୍ରସ୍ତାବ
  • ||

ମାଓ କ୍ୟାମ୍ପ୍ ଠାବ, ବିପୁଳ ପରିମାଣର ମାଓ ସାମଗ୍ରୀ ଜବତ

17/01/2020 at 2:31 PM

ମାଲକାନଗିରି।ଲମତାପୁଟ ୧୭।୧: ମାଲକାନଗିରି ଜିଲ୍ଲା ମୁଦୁଲିପଡା ଥାନା ଅନ୍ତର୍ଗତ ଗୟିଗୁଡା ଜଙ୍ଗଲରେ ଗତକାଲି ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ନେଇ ସୂଚନା ଦେଇଛନ୍ତି ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ସଫିନ ଅହମ୍ମଦ କେ । ନକ୍ସଲ ସଂଗଠନର ୨୨ ଜଣ ସଦସ୍ୟ ବଣ୍ଡା ଘାଟିରେ ଗତ ଏକ ସପ୍ତାହ ଧରି ମାଓ କ୍ୟାମ୍ପ କରିବା ସରକାରଙ୍କ ଉନ୍ନୟନମୂଳକ କାର୍ଯ୍ୟରେ ବାଧା ସୃଷ୍ଟି କରୁଥିଲା ।

ପୋଲିସର ଗୁଇନ୍ଦା ବିଭାଗକୁ ସୂଚନା ମିଳିବା ପରେ ମାଲକାନଗିରି ଏସପି ରିଷିକେଶ ଖିଲାରି ଓ ଏସଡିପିଓ ପ୍ରହଲ୍ଲାଦ ମୀନାଙ୍କ ନେତୃତ୍ବରେ ଡିଭିଏଫ, ଏସଓଜି ଓ ବିଏସଏଫର ମିଳିତ ଅପରେସନ ଆରମ୍ଭ କରାଯାଇଥିଲା ।  ସୁରକ୍ଷାକର୍ମୀଙ୍କୁ ଦେଖି ମାଓବାଦୀମାନେ ପ୍ରଥମେ ଗୁଳିଚାଳନା କରିଥିଲେ । ଜବାବରେ ଯବାନମାନେ ପାଲଟା ଆକ୍ରମଣ କରିଥିଲେ ।  ଯବାନଙ୍କ ଆଖିବୁଜା ଗୁଳିଚାଳନା ଯୋଗୁଁ  ମାଓବାଦୀମାନେ ଘଟଣାସ୍ଥଳ ଛାଡି ପଳାଇଥିଲେ ।

ଘଟଣାସ୍ଥଳରୁ ପୋଲିସ ମାଓବାଦୀଙ୍କ ୨୨ଟି କିଟ୍ ବ୍ୟାଗ୍ ସହ ବହୁ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛି । ସେଥିରେ ଏକେ୪୭ ବନ୍ଧୁକ ଗୁଳି, ଡିଟୋନିଟର, ଗନ୍ ପାଉଡର, ଗ୍ରେନେଡ୍, ଲ୍ୟାଣ୍ଡମାଇନ, ମୋବାଇଲ ଫୋନ ଓ ନକ୍ସଲ ପ୍ରଚାର ପତ୍ର ରହିଛି । ମାଏବାଦୀଙ୍କୁ ଧରିବା ଲାଗି ବଣ୍ଡା ଘାଟିରେ ବର୍ତ୍ତମାନ ସୁଦ୍ଧା କମ୍ବିଂ ଅପରେସନ ଚାଲିଥିବା ଡିଆଇଜି ସଫିନ ଅହମ୍ମଦ କେ କହିଛନ୍ତି ।

   Related Posts