ମାଲକାନଗିରି ୨୯|୧: ମାଲକାନଗିରିରେ ମାଓବାଦୀମାନେ ଲଙ୍କାକାଣ୍ଡ ଘଟାଇଛନ୍ତି । ଯାତ୍ରୀବାହୀ ବସରେ ନିଆଁ ଲଗାଇ ଦେଇଛନ୍ତି ମାଓବାଦୀ । ଏବେ ଲାଲ୍ ସଂଗଠନ ପ୍ରତିବାଦ ସପ୍ତାହ ପାଳନ କରୁଥିବା ବେଳେ ପଞ୍ଚମ ଦିନରେ ସ୍ଥିତି ଜାହିର କରିଛନ୍ତି ମାଓବାଦୀ । ମାଥିଲି ଥାନା ମହୁପଦର ଗାଁରେ ଘରୋଇ ବସ୍ ପୋଡିଦେଇଛନ୍ତି ।
{"id":79290}ସୂଚନା ଅନୁସାରେ ୪୦ରୁ ୫୦ ମାଓବାଦୀ ଘଟଣାସ୍ଥଳରେ ପହଞ୍ଚି ବସ୍ କର୍ମଚାରୀଙ୍କୁ ମାଡ଼ ମାରିବା ପରେ ବସ୍ ରୁ ଯାତ୍ରୀମାନଙ୍କୁ ଓହ୍ଲାଇ ଦେଇଥିଲେ । ଯାତ୍ରାମାନଙ୍କୁ ଓହ୍ଲାଇବା ପରେ ବସରେ ନିଆଁ ଲଗାଇ ଦେଇଥିଲେ ମାଓବାଦୀ । ତେବେ ଦରଭା ନକ୍ସଲ ଡିଭିଜନ ଏହି ହିଂସାକାଣ୍ଡ ଘଟାଇଥିବା ସୂଚନା ମିଳିଛି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ସୁରକ୍ଷାକର୍ମୀ କୁମ୍ବିଂ ଅପରେସନ ଜୋରଦାର କରିଛନ୍ତି ।