ବାଲିଗୁଡା ୧୮।୧୨: କନ୍ଧମାଳ ଜିଲ୍ଲା କୋଟଗଡ଼ ଥାନା ଅନ୍ତର୍ଗତ ଦୁର୍ଗାପାଙ୍ଗା ପଞ୍ଚାୟତର ଗେଟାବାଲି ଛକରେ ମାଓବାଦୀଙ୍କ ପୋଷ୍ଟର ଓ ବ୍ୟାନର ଲାଗିଥିବା ଦେଖିବାକୁ ମିଳିଛି । ବହୁ ଦିନର ବ୍ୟବଧାନ ପରେ ପୁଣି କୋଟଗଡ଼ ଥାନା ଅଞ୍ଚଳରେ ପୋଷ୍ଟର ଲଗାଇ ନିଜର ଉପସ୍ଥିତି ଜାହିର କରି କରିଛନ୍ତି ମାଓବାଦୀ । ସିପିଆଇ ମାଓବାଦୀ ବାଘୁନା ଡିଭିଜନ ପକ୍ଷରୁ ଏହି ପୋଷ୍ଟର ଓ ବ୍ୟାନର ଲଗାଯାଇଛି।

{"id":199284,"sizeSlug":"large"}

ପୋଷ୍ଟରରେ ନାଗରିକ ସଂଶୋଧନ ଆଇନକୁ ବିରୋଧ ଓ ସିଆରପିଏଫ ପୋଲିସର ଅପରେସନକୁ ବିରୋଧ କରାଯାଇଥିବା ପୋଷ୍ଟରରେ ଉଲ୍ଲେଖ ରହିଛି। କୋଟଗଡ଼ ବ୍ଲକରେ ବିଡିଓ ସ୍ଥାନୀୟ ଅଞ୍ଚଳର ହାତଗଣତି ଠିକାଦାରଙ୍କୁ ସୁବିଧା ସୁଯୋଗ ଯୋଗାଇ ଦେଇ ଆଦିବାସୀ ଓ ଦଳିତମାନଙ୍କୁ ଶୋଷଣ କରାଯାଉଛି। ଆଗାମୀ ଦିନରେ ଏହିଭଳି ଶୋଷଣ ଜାରି ରହିଲେ ପ୍ରଜାକୋର୍ଟରେ ଦଣ୍ଡ ଦେବାକୁ ଚେତାବନୀ ଦିଆଯାଇଛି।