ମାଲକାନଗିରି ୨୨।୬: କରୋନା ଆକ୍ରାନ୍ତ ହୋଇ ପ୍ରାଣ ହରାଇଲେ ଆଉ ଜଣେ ମାଓନେତା । ଉତ୍ତର ତେଲେଙ୍ଗାନା ଏରିଆ କମିଟି ଚିଫ୍ ହରିଭୂଷଣ କରୋନା ଆକ୍ରାନ୍ତ ହେବା ପରେ ପ୍ରାଣ ହରାଇଥିବା ନେଇ ସୂଚନା ଦେଇଛନ୍ତି ବସ୍ତର ଆଇଜି ସୁନ୍ଦରରାଜ ପି ।
ଗତ ୧୦ ବର୍ଷ ଧରି ଛତିଶଗଡ ବିଜାପୁର ଜିଲ୍ଲା ସହ ତେଲେଙ୍ଗାନା ଅଞ୍ଚଳରେ ବେଶ ସକ୍ରିୟ ଥିଲେ ହରିଭୂଷଣ । ମାଓ ସଂଗଠନକୁ ମଜବୁତ କରିବାରେ ତାଙ୍କର ମୁଖ୍ୟ ଭୂମିକା ରହିଥିଲା । ବର୍ତ୍ତମାନ ବିଜାପୁର ଅଞ୍ଚଳରେ ୧୨ରୁ ଅଧିକ ମାଓବାଦୀ କରୋନା ଆକ୍ରାନ୍ତ ରହିଥିବା ଜଣାପଡିଛି । ସେମାନଙ୍କୁ ଆତ୍ମସମର୍ପଣ କରିବା ଲାଗି ଆହ୍ବାନ କରିଛନ୍ତି ଆଜି ସୁନ୍ଦରରାଜ ପି ।
