ମାଲକାନଗିରି ୦୩।୦୪ : ନିର୍ବାଚନ ପୂର୍ବରୁ ମାଲକାନଗିରି ପୋଲିସକୁ ମିଳିଲା ବଡ ସଫଳତା । ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଦୟାଳତୂଙ୍ଗ ଜଙ୍ଗଲରୁ ଠାବ ହେଲା ବଡ ଧରଣର ମାଓ କ୍ୟାମ୍ପ୍ । ଏବେବି ଜଙ୍ଗଲରେ ସର୍ଚ୍ଚ ଅପରେସନ ଜାରି ରହିଛି ।
ବିଶେଷ ସୂତ୍ରରୁ ଖବର ପାଇ ଡିଭିଏଫ ବାହିନୀ ଦୟାଳତୂଙ୍ଗ ଜଙ୍ଗଲରେ କୁମ୍ବିଂ ଅପରେସନ କରୁଥିଲା । ଏହି ସମୟରେ ଜଙ୍ଗଲରେ ମାଓବାଦୀକୁ ଠାବ କରିଥିଲେ ସୁରକ୍ଷାକର୍ମୀ । ଯାହା ମଧ୍ୟରେ ରହିଛି ୧୯୦ଟି ଜିଲୋଟିନ ଷ୍ଟିକ୍ ଓ ୧୨ଟି ଆଇ.ଇ.ଡି ବା ଲ୍ୟାଣ୍ଡମାଇନ । ଆଗାମୀ ନିର୍ବାଚନରେ ମାଓବାଦୀ ମାନେ ମାଲକାନଗିରି ଜିଲ୍ଲାରେ ହିଂସା କାଣ୍ଡ ଘଟାଇ ଲାଗି ଏହି ସବୁ ବିସ୍ଫୋରକ ସାମଗ୍ରୀ ଠୁଳ କରିଥିଲେ ବୋଲି କହିଛନ୍ତି ମାଲକାନଗିରି ଏସପି ।
