Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଓ କ୍ୟାମ୍ପ୍ ଠାବ, ବିପୁଳ ପରିମାଣର ବିସ୍ଫୋରକ ସହ ମାଓ ସାମଗ୍ରୀ ଜବତ

2/07/2020 at 11:50 AM

ଫୁଲବାଣୀ ୨।୭: ମାଓ କ୍ୟାମ୍ପ ଠାବ କଲା କନ୍ଧମାଳ ପୋଲିସ । ଏହାସହ ସେଠାରୁ ବିପୁଳ ପରିମାଣର ବିସ୍ଫୋରକ ଜବତ କରିଛି । ବିଶ୍ବସ୍ତ ସୂତ୍ରରୁ ଖବର ପାଇ ଏସପି ପ୍ରତୀକ୍ ସିଂଙ୍କ ନିର୍ଦ୍ଦେଶରେ ଏସଓଜିର ଏକ ଟିମ୍ ଫିରିଙ୍ଗିଆ ବ୍ଲକ୍ ସୁମେରୁବନ୍ଧ ପଞ୍ଚାୟତ ଅନ୍ତର୍ଗତ ଜଙ୍ଗଲରେ ଗତ ୨୯ ତାରିଖରେ କମ୍ବିଂ ଅପରେସନ କରିଥିଲେ ।

ଅପରେସନ ବେଳେ ଲଦାପଦର ସଂରକ୍ଷିତ ଜଙ୍ଗଲ ମଧ୍ୟରେ ଏକ ମାଓ କ୍ୟାମ୍ପକୁ ଠାବ କରିଥିଲେ । ପୋଲିସ ଆସୁଥିବା ସୂଚନା ପାଇ ମାଓବାଦୀମାନେ କ୍ୟାମ୍ପ୍ ଛାଡି ଫେରାର ହୋଇଯାଇଥିଲେ । ପୋଲିସ କ୍ୟାମ୍ପରୁ ୧୫ କେଜି ବିସ୍ଫୋରକ,  ଅନେକ ଡିଟୋନେଟର ସହ ବହୁତ ମାଓ ସାମଗ୍ରୀ, ପୋଷାକ, ମଲ୍ଟିମିଟର, ମାଓ ପତ୍ରିକା, ଲିଫଲେଟ୍ ଆଦି ପାଇ ଜବତ କରିଛି । ଉକ୍ତ କ୍ୟାମ୍ପରୁ ମହିଳା ମାଓବାଦୀଙ୍କ ସମେତ ୧୫ରୁ ୨୦ ମାଓବାଦୀ ଥିବାବେଳେ କ୍ୟାଡର ମାଓନେତା ଆକାଶ, ଦାସୁରୁ ପ୍ରମୁଖ ରହିଥିବା ପୋଲିସ ସନ୍ଦେହ କରୁଥିବା ଏସପି ଶ୍ରୀ ସିଂ କହିଛନ୍ତି ।

ଆଗକୁ ମାଓ ସହିଦ ସପ୍ତାହ ଥିବାବେଳେ ତା ପୂର୍ବରୁ ଜିଲ୍ଲାରେ କିଛି ବଡ ଧରଣର ହାମଲା କରିବାକୁ ମାଓବାଦୀମାନେ ଯୋଜନା କରୂଥିବା ସନ୍ଦେହ କରୁଛନ୍ତି ବୋଲି ଏସପି ଶ୍ରୀ ସିଂ କହିଛନ୍ତି।

   Related Posts