Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭୁବନେଶ୍ବରରେ ପହଞ୍ଚିଲା ଆଉ ୧ ଲକ୍ଷ ୪୯ ହଜାର ୭୬୦ ଡୋଜ୍ କୋଭାକ୍ସିନ୍ ଟିକା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୧୫୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ପାରାଦୀପ : ନକଲି ସାର୍ଟିଫିକେଟ୍ ରାକେଟ୍‌ର ପର୍ଦ୍ଦାଫାଶ : ମେଡିକାଲ୍ ସାର୍ଟିଫିକେଟ୍ ତିଆରି ଅଭିଯୋଗରେ ଯୁବକ ଗିରଫ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||
  • ପାଟଣା : ବିଷାକ୍ତ ଓ ଅପମିଶ୍ରିତ ମଦ ନେଲା ଜୀବନ ! ସ୍କୁଲ ବାରଣ୍ଡାର ବୃଦ୍ଧଙ୍କ ମୃତଦେହ ଠାବ
  • ||
  • ଚଣ୍ଡିଖୋଲ : ସ୍କୁଟିକୁ ଧକ୍କା ଦେଲା ଟ୍ରକ୍, ଯୁବତୀ ଗୁରୁତର
  • ||
  • ଚଣ୍ଡିଖୋଲ : ସ୍କୁଟିକୁ ଧକ୍କା ଦେଲା ଟ୍ରକ୍, ଯୁବତୀ ଗୁରୁତର
  • ||
  • ସିଙ୍ଘୁ ବର୍ଡରରୁ ଗିରଫ ହେଲା ସୁଟର, କୃଷକ ନେତାଙ୍କୁ ହତ୍ୟା କରିବା ପାଇଁ କରିଥିଲା ଯୋଜନା, ଦିଲ୍ଲୀ ପୋଲିସ ଉପରେ ଲଦିଲା ଦୋଷ
  • ||

ରଥଯାତ୍ରାକୁ ନେଇ ଭକ୍ତଙ୍କ ମନରେ ଅନେକ ପ୍ରଶ୍ନ: କେମିତି ଟଣା ହେବ କାଳିଆ ସାଆନ୍ତଙ୍କ ରଥ…

15/04/2020 at 10:20 PM

ପୁରୀ୧୫/୪: ମେ ୩ ତାରିଖ ପର୍ଯ୍ୟନ୍ତ ଲକ୍‌ ଡାଉନ ବଢ଼ିଛି। ତେବେ ଏହା ପରେ ଯେ ସ୍ଥିତି ସଂପୂର୍ଣ୍ଣ ରୂପେ ସୁଧୁରିଯାଇଥିବ ସେନେଇ କିଛି ସ୍ପଷ୍ଟ ସୂଚନା ନାହିଁ। ଯଦି ଚୀନର କଥାକୁ ବିଚାର କରାଯାଏ ତେବେ ଏବେସୁଦ୍ଧା ସେଠାରେ ସ୍ଥିତି ସ୍ବାଭାବିକ ହୋଇନାହିଁ। ଏସବୁକୁ ବିଚାର କଲେ ଏବର୍ଷ ରଥଯାତ୍ରା କେମିତି ହେବ ସେନେଇ ଚିନ୍ତା ହେବା ସ୍ବାଭାବିକ।

କରୋନା ଭାଇରସ ଯୋଗୁଁ ଭକ୍ତ ପାଇଁ ସିଂହଦ୍ବାର ହୋଇଗଲା ବନ୍ଦ। ଶ୍ରୀକ୍ଷେତ୍ରରୁ ଦୂରେଇ ରହିଛନ୍ତି ଭକ୍ତ । ହେଲେ ଏବେ ଚିନ୍ତାରେ ଭକ୍ତ, କେମିତି ହେବ ରଥୟାତ୍ରା । କେମିତି କାଳିଆ ସାଆନ୍ତଙ୍କ ହେବ ରଥ ଟଣା । ଜୁନ୍‌ ୨୩ ତାରିଖରେ ରଥଯାତ୍ରା ତିଥୀ ରହିଛି । ଏହା ପୂର୍ବରୁ ଜୁନ୍‌ ୫ ତାରିଖରେ ରହିଛି ସ୍ନାନ ଯାତ୍ରା । ବର୍ତ୍ତମାନର ସ୍ଥିତି ସୁଧୁରିଥିଲେ ବି ସଂକ୍ରମଣର ଭୟ ଯେ ସଂପୂର୍ଣ୍ଣ ଚାଲିଯାଇଥିବ ତାହା ଏବେଠାରୁ କହିବା ସହଜ ସାଧ୍ୟ ନୁହେଁ । ଯେହେତୁ ରଥଯାତ୍ରାରେ ୫ରୁ ୧୦ ଲକ୍ଷ ଭକ୍ତଙ୍କ ସମାଗମ ହୋଇଥାଏ, ତେଣୁ ଏତେ ସଂଖ୍ୟକ ଲୋକଙ୍କ ସମାଗମକୁ ଅନୁମତି ଦିଆଯାଇପାରିବ କି ? ଅବଶ୍ୟ ରାଜ୍ୟ ସରକାର ଏନେଇ ଚିନ୍ତା କରିବା ଆରମ୍ଭ କରିଛନ୍ତି କିନ୍ତୁ କୌଣସି ବିଧିବଦ୍ଧ ଆଲୋଚନା ଆରମ୍ଭ ହୋଇନାହିଁ।

ରଥଯାତ୍ରାକୁ ନେଇ ଭକ୍ତମନରେ ଅନେକ ପ୍ରଶ୍ନ । ଆଶା ତ ଏୟା କରୁଛନ୍ତି ସବୁ ସ୍ଥିତି ସୁଧୁରିଯାଇଥିବ ଏବଂ କାଳିଆ ସାଆନ୍ତ ହସି ହସି ବଡ଼ଦାଣ୍ଡକୁ ଓହ୍ଲାଇବେ, ଭକ୍ତ ସମୁଦ୍ର ଭିତରେ ରଥାରୁଢ଼ ହୋଇ ନବ ଦିନାତ୍ମକ ଲୀଳାଖେଳା କରିବେ । ହେଲେ ଭକ୍ତ ମନରେ ଏ ଆଶଙ୍କା ବି ରହିଛି , ଯଦି ସ୍ଥିତି ନିୟନ୍ତ୍ରଣ ବାହାରେ ଥାଏ ତେବେ ରଥଯାତ୍ରା ବନ୍ଦ ହୋଇଯିବନି ତ?  ନା ଲୀଳାମୟ ଠାକୁର କିଛି ଅଲଗା ଲୀଳା କରିବେ।

ବର୍ତ୍ତମାନର ସ୍ଥିତିକୁ  ଦେଖି ଗବେଷକମାନେ କହିଛନ୍ତି ପୂର୍ବରୁ ଯେମିତି ହେଉ ବି ରଥଯାତ୍ରା ଅନୁଷ୍ଠିତ ହୋଇଛି, କେବେବି ବନ୍ଦ ହୋଇନାହିଁ । ତେଣୁ ଏଥର ମଧ୍ୟ ବନ୍ଦ ହେବନି । ତାହେଲେ ଏଭଳି କିଛି ବିକଳ୍ପ ଉପରେ ବିଚାର କରାଯାଇପାରେ। ରଥଯାତ୍ରା ହେବ କିନ୍ତୁ ଭକ୍ତମାନଙ୍କୁ ବାରଣ କରାଯିବ ।  କେବଳ ସୀମିତ ସଂଖ୍ୟକ ସେବାୟତ ଓ ସୁରକ୍ଷା କର୍ମୀ ସୋସିଆଲ ଡିଷ୍ଟାନ୍‌ସ ରଖି ରଥଟଣା କରିବେ ।

ପ୍ରତୀକାତ୍ମକ ଭାବେ କେବଳ ନୀତିରେ ସୀମିତ ରହିବ ରଥଯାତ୍ରା । ସ୍ନାନଯାତ୍ରା ହେବ ଏବଂ ଏହାପରେ ଶ୍ରୀମନ୍ଦିର ପରିସର ଭିତରେ ରଥଯାତ୍ରାନୀତି ଅନୁଷ୍ଠିତ ହେବ । ଚତୁର୍ଦ୍ଧା ମୂରତି ଅଣସର ମଣ୍ଡପରୁ ଭୋଗମଣ୍ଡପରେ ବିଜେ ହେବେ ଏବଂ ନିଳାଦ୍ରୀବିଜେ ଦିନ ମହାପ୍ରଭୂ ରତ୍ନସିଂହାସନକୁ ଫେରିବେ।   ପୂର୍ବରୁ କୁଆଡ଼େ ଏମିତି ହୋଇଥିବା ଗବେଷକମାନ କୁହନ୍ତି। ବଡ଼ ଦାଣ୍ଡରେ ରଥକାଠ ପହଞ୍ଚିସାରିଲାଣି । ଏପ୍ରିଲ ୨୩ ତାରିଖରେ ପବିତ୍ର ଅକ୍ଷୟ ତୃତୀୟରୁ ଆରମ୍ଭ ହେବ ରଥ ନିର୍ମାଣ କାର୍ଯ୍ୟ । ଏହା ମଧ୍ୟରେ ସମସ୍ତ ସ୍ଥିତିକୁ ଦେଖି ରାଜ୍ୟ ସରକାର ଗୁରୁତ୍ବୂପୂର୍ଣ୍ଣ ନିଷ୍ପତ୍ତି ନେବେ ନିଶ୍ଚୟ ।

   Related Posts