Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଆମେରିକା: କରୋନା ଲକ୍ଷଣ ନାହିଁ, କିନ୍ତୁ ହଠାତ ପ୍ରାଣ ହରାଉଛନ୍ତି ସୁସ୍ଥ ବ୍ୟକ୍ତି, ସତର୍କ କରାଇଲେ ଡାକ୍ତର

25/04/2020 at 5:42 PM

ନ୍ୟୁୟର୍କ, ୨୫|୦୪:  କରୋନା ଭାଇରସ ପାଇଁ ହଠାତ ସୁସ୍ଥଲୋକମାନେ ପ୍ରାଣ ହରାଇଛନ୍ତି । ଏନେଇ ଆମେରିକୀୟ ବୈଜ୍ଞାନିକମାନେ ଚେତାବନୀ ଦେଇଛନ୍ତି । ଏହାମଧ୍ୟରୁ ଏପରି ଅନେକ ଲୋକ ଅଛନ୍ତି ଯେଉଁମାନଙ୍କଠାରେ କୌଣସି ରୋଗର ଲକ୍ଷଣ ଦେଖିବାକୁ ମିଳୁନାହିଁ । କିନ୍ତୁ ହଠାତ ଷ୍ଟ୍ରୋକସ୍ ଆସି ସେମାନେ ପ୍ରାଣ ହରାଇଛନ୍ତି । ନ୍ୟୁୟର୍କରେ ଅନେକ ଲୋକ ନିଜନିଜ ଘରେ ପ୍ରାଣ ହରାଉଛନ୍ତି ।

ଓ୍ୱାଶିଂଟନ ପୋଷ୍ଟର ରିପୋର୍ଟ ଅନୁସାରେ, ଏମଏସବିଆଇ ହସ୍ପିଟାଲର ଡାକ୍ତର ଥମସ୍ ଆକ୍ସଲୀ କହିଛନ୍ତି ଯେ, ଜଣେ ଆକ୍ରାନ୍ତ କୌଣସି ମେଡିସିନ୍ ନେଉନଥିଲେ । ତାଙ୍କଠାରେ କୌଣସି ଲକ୍ଷଣ ଦେଖିବାକୁ ମିଳୁନଥିଲା । ଅନ୍ୟମାନଙ୍କ ଭଳି ସେ ମଧ୍ୟ ନିଜ ଘରେ ରହିଥିଲେ । ହଠାତ ସେ କଥା କହିବାରେ ଅସୁବିଧାର ସମ୍ମୁଖୀନ ହୋଇଥିଲେ । ଯାଂଚରେ ସେ ଷ୍ଟ୍ରୋକସର ଶିକାର ହୋଇଥିବା ଜଣାପଡିଥିଲା ।ତାଙ୍କ ମୁଣ୍ଡରେ ବହୁତ ବଡ ବ୍ଲକେଜ୍ ହୋଇଥିଲା । ଅଧିକ ଯାଂଚରେ ସେ କରୋନା ସଂକ୍ରମିତ ଥିବା ଜଣାପଡିଥିଲେ । ତାଙ୍କ ବୟସ ମାତ୍ର ୪୪ ରହିଥିଲା । ଏହି ଷ୍ଟ୍ରୋକସର ଶିକାର ହେଉଥିବା ବ୍ୟକ୍ତି ସାଧାରଣତଃ ୭୪ ବର୍ଷର ହୋଇଥାନ୍ତି । କିନ୍ତୁ କରୋନା ଭାଇରସ ପାଇଁ କମ ବୟସର ଲୋକ ଷ୍ଟ୍ରୋକସର ଶିକାର ହେଉଛନ୍ତି ।

ସେ ଆହୁରି କହିଛନ୍ତି ଯେ, ଆକ୍ରାନ୍ତଙ୍କ ମୁଣ୍ଡରୁ କ୍ଲଟ୍ ହଟାଇବା ପାଇଁ ପ୍ରକ୍ରିୟା ଆରମ୍ଭ କରାଯାଇଥିଲେ ମଧ୍ୟ ହଠାତ ନୂଆ ନୂଆ କ୍ଲଟ୍ ତିଆରି ହେଇଯାଇଥିଲା । ଆମେରିକାର ଅନେକ ହସ୍ପିଟାଲରେ ଏହି ଷ୍ଟ୍ରୋକସର ଶିକାର ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଅନେକ ଆକ୍ରାନ୍ତଙ୍କଠାରେ ସଂକ୍ରମଣର କୌଣସି ଲକ୍ଷଣ ଦେଖିବାକୁ ମିଳିନଥିଲା ।

ପୂର୍ବରୁ କରୋନା ଭାଇରସ ଶରୀର ଶ୍ୱାସତନ୍ତ୍ରକୁ ପ୍ରଭାବିତ କରୁଥିବା ଖବର ଆସିଥିଲା । କିନ୍ତୁ ନୂଆ ରିସର୍ଚ୍ଚରେ ଭାଇରସ ସମସ୍ତ ଅଙ୍ଗକୁ ପ୍ରଭାବିତ କରିପାରେ ବୋଲି ସୂଚନା ମିଳୁଛି । ଯାହାକୁ ଡାକ୍ତରମାନେ ମଧ୍ୟ ବୁଝିବା କଷ୍ଟକର ହୋଇପଡିଛି ।

   Related Posts