ଦିଲ୍ଲୀ୨/୩: ଦିଲ୍ଲୀ ଦଙ୍ଗାରେ ଅନେକ ପ୍ରବାସୀ ଓଡ଼ିଆ ପରିବାର ନିଜ ଜୀବିକା ହରାଇଛନ୍ତି । ଭଜନପୁରା ଅଞ୍ଚଳ ହେଉ କି ଜାଫରାବାଦ କିମ୍ବା ମୌଜାବାଦ ଅଞ୍ଚଳରେ ଅନେକ ପରିବାର ବାସହରା ମଧ୍ୟ ହୋଇଛନ୍ତି । ଦଙ୍ଗା ପ୍ରଭାବିତଙ୍କ ମଧ୍ୟରେ ଓଡ଼ିଆ ପରିବାରଙ୍କୁ ସହାୟତାର ହାତ ବଢ଼ାଇଛି ଓଡ଼ିଶା ସରକାରଙ୍କ 'ମୋ ପରିବାର' ଯୋଜନା । ଏହି ଯୋଜନା ଅନ୍ତର୍ଗତ ଦଙ୍ଗା ପ୍ରଭାବିତ ଅଞ୍ଚଳରେ କ୍ଷତିଗ୍ରସ୍ତ ହୋଇଥିବା ପ୍ରବାସୀ ଓଡ଼ିଆଙ୍କୁ କ୍ଷତିପୂରଣ ଦିଆଯାଇଛି ।
ଏଥିପାଇଁ କେନ୍ଦ୍ରାପଡ଼ା ରାଜନଗର ବିଧାୟକ ଧ୍ରୁବ ସାହୁ ଦିଲ୍ଲୀ ଭଜନପୁରା ହଜୁରିଖାସ୍ ଅଞ୍ଚଳ ପରିଦର୍ଶନ କରିବା ସହ କ୍ଷତିଗ୍ରସ୍ତ ଲୋକଙ୍କ ସହ ଆଲୋଚନା କରିଛନ୍ତି । ପ୍ରାୟ ୫୦ଟି ପରିବାରକୁ ସହାୟତାର ହାତ ବଢ଼ାଇଛନ୍ତି ରାଜ୍ୟ ସରକାର। ୧୫ ଦିନର ରାସନ୍, ଚାଉଳ, ବେଡ୍ ସିଟ୍ ଦଙ୍ଗା ପ୍ରଭାବିତ ପ୍ରବାସୀ ଓଡ଼ିଆଙ୍କୁ ଦିଆଯାଇଛି । ବି.ଏସ୍.ଏଫ୍.ରେ କାମ କରୁଥିବା ଯବାନ, ଯାହାଙ୍କ ଘର ଏହି ଦଙ୍ଗାରେ ପୋଡ଼ିଯାଇଛି ତାଙ୍କୁ ମଧ୍ୟ ସାହାଯ୍ୟ କରିଛନ୍ତି ଓଡ଼ିଶା ସରକାର।
