ନୂଆଦିଲ୍ଲୀ ୨୧।୦୬: ସାରାବିଶ୍ୱରେ କରୋନା ମହାମାରୀର ରୂପ ନେଇସାରିଛି । ଯାହାର ପ୍ରଭାବରେ ଏବେ ଚାରିଆଡେ ଦେଖାଦେଉଛି । ଭାରତରେ ମଧ୍ୟ କରୋନା ଧୀରେ ଧୀରେ କାୟା ମେଲାଇବାରେ ଲାଗିଛି । ଭାରତରେ ବର୍ତ୍ତମାନ ପର୍ଯ୍ୟନ୍ତ ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୪ଲକ୍ଷ ପାର ହୋଇସାରିଥିବା ବେଳେ ୧୩ହଜାରରୁ ଅଧିକ ଲୋକ ମୃତ୍ୟୁବରଣ କରିସାରିଛନ୍ତି । ଏହିଭଳି ମହାମାରୀରୁ ଲୋକଙ୍କ ବଞ୍ଚାଇବାରେ ପ୍ରମୁଖ ଯୋଦ୍ଧା ପାଲଟିଛନ୍ତି ଡାକ୍ତର ଓ ନର୍ସ । କିନ୍ତୁ କରୋନାର କରାଳ ରୂପରୁ ଏମାନେ ବି ବର୍ତ୍ତିଯାଇନାହାନ୍ତି । ଦେଶର ଅଧିକାଂଶ ଡାକ୍ତର ଓ ନର୍ସମାନେ ଏବେ କରୋନାରେ ଆକ୍ରାନ୍ତ ହେଉଛନ୍ତି । କାହିଁକି ନା ଏମାନେ ସିଧାସଳଖ କୋଭିଡ୍‌ ଆକ୍ରାନ୍ତଙ୍କ ସଂସ୍ପର୍ଶରେ ଆସୁଥିବାରୁ ଏମାନେ ମଧ୍ୟ କରୋନା ଆକ୍ରାନ୍ତ ହେଉଛନ୍ତି । ଦେଶରେ ଅନେକ ରାଜ୍ୟରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିଚାଲିଛି । ଖାସ୍‌ କରି ଦିଲ୍ଲୀରେ ମଧ୍ୟ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି ।

ନିକଟରେ ହୋଇଥିବା ଏକ ଅଧ୍ୟୟନ ଅନୁଯାୟୀ, ଗତ ୩ ମାସରେ ଦିଲ୍ଲୀର ପ୍ରମୁଖ ଡାକ୍ତରଖାନାରେ ୧୨ହଜାରରୁ ଅଧିକ ଡାକ୍ତର ଏବଂ ନର୍ସଙ୍କୁ କରୋନା ପଜିଟିଭ୍ ଥିବାର ରିପୋର୍ଟ ଆସିଛି । ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ ୟୁନାଇଟେଡ୍ ନର୍ସ ଆସୋସିଏସନ୍ ଦ୍ୱାରା ଏହି ସଂଖ୍ୟା ସଂଗ୍ରହ କରାଯାଇଛି । ସେହିପରି ଦିଲ୍ଲୀ ଏକ ହସ୍ପିଟାଲର କର୍ତ୍ତୃପକ୍ଷ କହିଛନ୍ତି ଯେ, କରୋନା ରୋଗୀଙ୍କ ଚିକିତ୍ସା କରୁଥିବା ଏହି ଯୋଦ୍ଧାମାନେ ଏବେ ସଂକ୍ରମିତ ହେବାରେ ଲାଗିଛନ୍ତି । କରୋନା ପରୀକ୍ଷା ସମୟରେ ଅଧିକାଂଶ ରୋଗୀଙ୍କ ରିପୋର୍ଟ ପଜିଟିଭ୍ ଆସୁଥିବା ଜଣାପଡିଛି ।  ସେହିପରି ଦିଲ୍ଲୀର ଗଙ୍ଗା ରାମ ମେଡିକାଲ କର୍ତ୍ତୃପକ୍ଷଙ୍କୁ ଅନୁଯାୟୀ, ତାଙ୍କର ୩୦୦ରୁ ଅଧିକ କର୍ମଚାରୀ କୋଭିଡ୍‌ରେ ଆକ୍ରାନ୍ତ ହୋଇଛନ୍ତି ।

ସ୍ୱାସ୍ଥ୍ୟ ମନ୍ତ୍ରଣାଳୟର ପରାମର୍ଶଦାତା କହିଛନ୍ତି, “ଅଧିକ ବିପଦ ଥିବା ଡାକ୍ତର, ନର୍ସିଂ ଅଫିସର ଏବଂ ଅନ୍ୟ ସ୍ୱାସ୍ଥ୍ୟ କର୍ମଚାରୀଙ୍କ ପାଇଁ କ୍ୟାରେଣ୍ଟାଇନ ଅବଧି କେବଳ ଏକ ସପ୍ତାହ ପାଇଁ ରଖାଯାଇଛି । ଦିଲ୍ଲୀର ଅନେକ ଡାକ୍ତର ଓ ନର୍ସଙ୍କୁ କରୋନା ଭାଇରସ୍ ସଂକ୍ରମିତ ହେବା କାରଣରୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଛି ।

ଦୁର୍ଭାଗ୍ୟର ବିଷୟ କେବଳ ଦିଲ୍ଲୀରେ ନୁହେଁ। ସାରା ଦେଶରେ ତଥା ବିଶ୍ୱର ଅନେକ ସ୍ଥାନରେ ସ୍ୱାସ୍ଥ୍ୟ ସେବା ଯୋଗାଇଦେଉଥିବା କର୍ମଚାରୀମାନେ କରୋନା ଯୋଗୁଁ ବିପଦରେ ପଡୁଛନ୍ତି । ଅନେକ ସ୍ୱାସ୍ଥ୍ୟକର୍ମୀଙ୍କୁ ରିପୋର୍ଟ ପଜିଟିଭ୍ ଆସିଛି । କେତେକ ଏପରିକି ଏହାର ସମ୍ମୁଖୀନ ହୋଇଛନ୍ତି । ଯଦିଓ ଏହା ସେମାନଙ୍କୁ ସେମାନଙ୍କର କର୍ତ୍ତବ୍ୟ ଥାଏ, ତେବେ ସେହି କର୍ତ୍ତବ୍ୟ ହିଁ ସେମାନଙ୍କୁ ସଂକ୍ରମିତ କରିଥାଏ ।