ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଜୁନ୍ ୨ରୁ +୨ ଖାତାଦେଖା ଆରମ୍ଭ, ଦୁଇଟି ପର୍ଯ୍ୟାୟରେ ହେବ ମୂଲ୍ୟାୟନ
  • ||
  • ଉଦଳା : ସଂପର୍କରେ ଲାଗିଲା ରକ୍ତର ଛିଟା, ଭାଇକୁ ପିଟି ପିଟି ହତ୍ୟା କଲା ଭାଇ
  • ||
  • ବାରଙ୍ଗ : ନନ୍ଦନକାନନରେ ଆଫ୍ରିକୀୟ ସିଂହ ମୃତ, ବିଷାକ୍ତ ସାପ ଦଂଶନ ସନ୍ଦେହ
  • ||
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୧୨ କୋଭିଡ୍ ପଜିଟିଭ୍
  • ||

ଫୁଲୁଛି ମହାନଦୀ : ବାଙ୍କୀ-ଡମପଡା ଅଞ୍ଚଳର ଶହଶହ ଏକର ଚାଷଜମି ଜଳମଗ୍ନ, ବିଭିନ୍ନ ସ୍ଥାନକୁ ଯୋଗାଯୋଗ ବିଚ୍ଛିନ୍ନ

30/08/2018 at 5:34 AM

ବାଙ୍କୀ  ୩୦|୮:  ବାଙ୍କୀ ବନ୍ୟା ପରିସ୍ଥିତି ସଂଗୀନ ହେବାରେ ଲାଗିଛି । ଗତକାଲି ମହାନଦୀରେ ବନ୍ୟାଜଳ ଆସିବାଯୋଗୁଁ  ଘୋଡ଼ବର ଗ୍ରାମ ନିକଟରେ ଥିବା ହୁଲୁହୁଳା ପୋଲ ଉପରେ ୨ଫୁଟର ବନ୍ୟାଜଳ ପ୍ରବାହିତ ହୋଇଥିଲା । ଫଳରେ ରତାଗଡ ଘୋଡ଼ବର ଯୋଗାଯୋଗ ହୋଇପାରିନଥିଲା । ହେଲେ ସନ୍ଧ୍ୟାରେ ପାଣି କମିଯିବାରୁ ଯାତାୟତ ସ୍ବାଭାବିକ ହୋଇଥିଲା । ଆଜି ସକାଳୁ ପୁଣି ମହାନଦୀର ଜଳସ୍ତର ବଢ଼ିବାରେ ଲାଗିଛି । ଫଳରେ ପୁଣି ହୁଲୁହୁଳା ପୋଲ ଉପରେ ଏବେ ୪ଫୁଟ ବନ୍ୟାଜଳ ପ୍ରବାହିତ ହେଉଛି ।  ରତାଗଡ ଘୋଡ଼ବର ଆଦି ୬ଟି ପଂଚାୟତର ଲୋକେ ଯାତାୟତ କରିବାରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ସେପଟେ ସିମିଳିପୁର ପଞ୍ଚାୟତ ନିକଟ କଇଁଆ ନାଳ ଉପରେ ୨ଫୁଟର ବନ୍ୟାଜଳ ପ୍ରବାହିତ ହେବା ଯୋଗୁଁ ବିଲିପଡା ଓ ସିମିଳିପୁର ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ଫଳରେ ଶହ ଶହ ଏକର ଧାନ ଜମି ଜଳମଗ୍ନ ହେବା ଯୋଗୁଁ ଏବେ ଚିନ୍ତାରେ  ପଡିଯାଇଛି ଚାଷୀ ।

ବାଙ୍କୀ ପ୍ରଶାସନ ବନ୍ୟାପ୍ଲାବିତ ଅଞ୍ଚଳ ବୁଲି ସ୍ଥିତି ଅନୁଧ୍ୟାନ କରିଛନ୍ତି । ଏମାନଙ୍କ ମଧ୍ୟରେ ବାଙ୍କୀର ଉପଜିଲ୍ଲାପାଳ ଅରୁଣ କୁମାର ବିଶ୍ବାଳ, ତହସିଲଦାର ପଦ୍ମ ଚରଣ ସାହୁ ବିଡ଼ିଓ ପ୍ରଭାତ କୁମାର ସାହୁ ପ୍ରମୁଖ ବନ୍ୟା ଅଞ୍ଚଳ ଅପରାହ୍ନରେ ବୁଲି ଦେଖିଛନ୍ତି । କୌଣସି ସ୍ଥାନରେ ରିଲିଫ୍ ଏପର୍ଯ୍ୟନ୍ତ ଦିଆଯାଇନାହିଁ । ପ୍ରଶାସନ ସଜାଗଥିବା ସହ ରିଲିଫ୍ ସାମଗ୍ରୀ ମହଜୁଦ ଥିବା ଦର୍ଶାଇଛନ୍ତି । ଆଗକୁ ପରିସ୍ଥିତି ଦେଖି  ରିଲିଫ୍ ଦେବାର ବ୍ୟବସ୍ଥା ରହିଛି ବୋଲି କହିଛନ୍ତି ବାଙ୍କୀ ଉପଜିଲ୍ଲାପାଳ । ଏବେସୁଧା ବାଙ୍କୀ ବ୍ଲକର ୬ଟି ପଂଚୟତ, ବାଙ୍କୀ ଡମପଡା ବ୍ଲକର ୯ ଟି ପଞ୍ଚାୟତର  ଚାଷ ଜମି ଜଳମଗ୍ନ ହୋଇଛି ।  ଆଗକୁ ଯଦି ଏଭଳି ଭାବରେ ବନ୍ୟାପଣି ମାଡିଚାଲେ ତେବେ ଆହୁରି ଅଧିକ ଚାଷ ଜମି କ୍ଷତିଗ୍ରସ୍ତ ହେବାର ସମ୍ଭାବନା ରହିଛି ।

   Related Posts