Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ଚୀନ୍‌ ବିବାଦ ନେଇ ମନମୋହନ ସିଂହଙ୍କ ବୟାନ, ଯବାନଙ୍କ ବଳିଦାନ ବ୍ୟର୍ଥ ନଯାଉ

22/06/2020 at 11:26 AM

ନୂଆଦିଲ୍ଲୀ ୨୨।୦୬:  ପୂର୍ବ ଲଦାଖର ଗଲଓ୍ୱାନ ଘାଟିରେ ହୋଇଥିବା ହିସାଂତ୍ମକ ଘଟଣାକୁ ନେଇ ଭାରତ-ଚୀନ୍‌ ମଧ୍ୟରେ ବିବାଦ ଦେଖାଦେଇଛି । ଯାହାଫଳରେ କି ସୀମାରେ ଉତ୍ତେଜନା ଓ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି । ତେବେ ଏହି ସମୟରେ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ବୟାନ ଆସିଛି । ମନମୋହନ ସିଂହ ନିଜ ବୟାନରେ କହିଛନ୍ତି ଯେ, ଭାରତ ସରକାରଙ୍କ ଉଚିତ ଜବାବ ଦେବାକୁ ପଡିବ । ଲଦାଖ ସୀମାରେ ସହିଦ ହୋଇଥିବା ବୀର ଯବାନଙ୍କୁ ଶ୍ରଦ୍ଧାଞ୍ଜଳୀ ଦେଇ କହିଛନ୍ତି । ଯବାନଙ୍କ ବଳିଦାନ ବ୍ୟର୍ଥ ନଯିବା ଦରକାର । ସରକାରଙ୍କୁ ଚୀନ୍‌ର ଧମକରେ ଡରିବା ଉଚିତ୍‌ ନୁହେଁ, ବରଂ ଚୀନ୍‌କୁ ଦୃଢ ଜବାବ ଦେବା ପାଇଁ ସମୟ ଆସିଯାଇଛି । ସରକାରଙ୍କ ପକ୍ଷରୁ କୌଣସି ପ୍ରକାର ବୟାନରେ ଦୁର୍ବଳ ବୋଲି ନହେବା ଉଚିତ୍‌ । ସମୟ ଆସିଯାଇଛି ପୁରା ରାଷ୍ଟ୍ର ଏକ ହୋଇ ଦୁଃସାହଶ ସହ ଜବାବ ଦେବା ଉଚିତ୍‌ ।  

ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଚୀନ୍‌ ସହିତ ଲାଗିରହିଥିବା ବିବାଦ ସମୟରେ ନିଜ ବୟାନ ଜାରି କରିଛନ୍ତି । ନିଜ ବୟାନରେ ମନମୋହନ କହିଛନ୍ତି ଯେ, ସରକାରଙ୍କୁ ଆଗ୍ରହ କରୁଛି  ଯେ, କୌଣସି ପ୍ରକାର ଭ୍ରମାତ୍ମକ ବୟାନ ଜାରି କରାନଯାଉ । କୁଟନୀତି ସ୍ତରରେ ଦୃଢ ମୁକାବିଲା କରିବା ଉଚିତ୍‌ । ବର୍ତ୍ତମାନ ଆମ ଦେଶ ଏକ କଠିନ୍‌ ପରିସ୍ଥିତିରେ ଛିଡା ହୋଇଛି । ଏହି ସମୟରେ ଆମେ ସରକାରଙ୍କୁ ଏତିକି ଅନୁରୋଧ କରୁଛି ଯେ, ସରକାର ଏପରି କୌଣସି ପଦକ୍ଷେପ ନଉଠାନ୍ତୁ, ଯେପରି ଭବିଷ୍ୟତରେ କିଛି ବି ଅସୁବିଧା ହେବନାହିଁ । ଦେଶର ପ୍ରଜାତନ୍ତ୍ର ର ଦାୟିତ୍ୱ ପ୍ରଧାନମନ୍ତ୍ରୀଙ୍କ ହାତରେ ରହିଛି । ପୂର୍ବ ପ୍ରଧାନମନ୍ତ୍ରୀ ଆହୁରୀ ମଧ୍ୟ କହିଛନ୍ତି ଯେ, ଚୀନ୍‌ ଅପ୍ରେଲ୍‌ ମାସରୁ ବର୍ତ୍ତମାନ ପର୍ଯ୍ୟନ୍ତ ଗଲଓ୍ୱାନ୍‌ ଘାଟି ଓ ପେଙ୍ଗାଙ୍ଗରେ ଅନେକ ଥର ଅନୁପ୍ରବେଶ କରିଚାଲିଛି । ଭାରତୀୟ ସୀମାରେ ନିଜର ଦାବି ଦେଖାଇଆସୁଛି । ଆମେ ଚୀନ୍‌ର କୌଣସି ଦାବି ଧମକକୁ ମାନିବା ନା ତା ସାମ୍ନାରେ ମୁଣ୍ଡ ନୁଆଇଁବା । ଏହାହିଁ ଚୀନ୍‌କୁ ଉଚିତ୍‌ ଜବାବ ଦିଆଯାଇପାରିବା ବୋଲି ମନମୋହନ କହିଛନ୍ତି ।

ସୂଚନାଯୋଗ୍ୟ ଯେ, ଗଲଓ୍ୱାନ ଘାଟିରେ ଚୀନ୍‌-ଭାରତ ସୈନ୍ୟ ମଧ୍ୟରେ ଗତକିଛି ଦିନ ତଳେ ହିସାଂତ୍ମକ ଘଟଣା ଘଟିଥିଲା । ଯେଉଁଥିରେ ଭାରତର ୨୦ଯବାନ ସହିଦ ହୋଇଥିବା ବେଳେ ଚୀନ୍‌ର ୪୦ରୁ ଅଧିକ ସୈନ୍ୟ ମୃତାହତ ହୋଇଥିବା ଖବର ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଚୀନ୍‌ ପକ୍ଷରୁ କେତେଜେଣ ସୈନ୍ୟ ମୃତ୍ୟୁବରଣ କରିଛନ୍ତି । ସେନେଇ କିଛି ସ୍ପଷ୍ଟ ସୂଚନା ଦିଆଯାଇନାହିଁ । ଏପଟେ ବିବାଦ ତୁଟାଇବା ପାଇଁ କୁଟନୈତିକ ଓ ଜେନେରାଲ ସ୍ତରରେ ଆଲୋଚନା ଜାରି ରହିଛି ।

   Related Posts