ଗୋଳାମୁଣ୍ଡା ୦୨।୦୮: କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ ଅନ୍ତର୍ଗତ ମାନଝରୀ ଗ୍ରାମ ପଞ୍ଚାୟତ ୧୯୬୭ ମସିହାରେରେ ଗଠନ ହୋଇଥିଲା । ସୂଚନାମତେ ଦୀର୍ଘ ଦିନ ବିତିଯାଇଛି ହେଲେ ଏପର୍ଯ୍ୟନ୍ତ ଗ୍ରାମ ପଞ୍ଚାୟତର ସରପଞ୍ଚ କିମ୍ବା ସମିତି ସଭ୍ୟ କେବେ ହେଲେ ଅନୂସୁଚିତ ଜାତରି ହୋଇନାହାନ୍ତି । ତୁମୁରା, ମାନଝରୀ, ଗ୍ରୀଣ୍ଡୋଳ ଓ ଡୁଡୁକେଲ ଗାଁକୁ ନେଇ ମାନଝରୀ ଗ୍ରାମ ପଞ୍ଚାୟତ ଗଠିତ ।
ଏହି ପଞ୍ଚାୟତ ଅଧିନରେ ଅନୂସୁଚିତ ଜାତିର ଜନସଂଖ୍ୟା ବେଶ୍ ଅଧିକ ରହିଥିବା ବେଳେ ନିଜର ସାମ୍ବିଧାନିକ ଅଧିକାର ପାଇଁ ଗ୍ରାମ ପଞ୍ଚାୟତ ନିର୍ବାଚନ ଲଢିବାରୁ ବଞ୍ଚିତ ହୋଇ ଆସୁଛୁ ବୋଲି ଅଭିଯୋଗ କରିଛନ୍ତି । ଆଗାମୀ ଦିନରେ ନିର୍ବାଚନର ସଂରକ୍ଷଣ ନୀତି ନିୟମ ଅନୁସାରେ ଅନୂସୁଚିତ ଜାତରି ସରପଞ୍ଚ କିମ୍ବା ସମିତି ସଭ୍ୟ ପଦବୀ ପାଇଁ ସରକାର ବିଜ୍ଞପ୍ତି ପ୍ରକାଶ କରିବା ପାଇଁ ଦାବି କରିଛନ୍ତି । ଏନେଇ ଗ୍ରାମପଞ୍ଚାୟତର ଲୋକେ ଏକ ନିଷ୍ପତି କରି ସମାଜସେବୀ ବିନ୍ଦୁ ମହାନନ୍ଦଙ୍କ ନେତୃତ୍ୱରେ ଭୁବନେଶ୍ୱର ଯାଇ ରାଜ୍ୟ ନିର୍ବାଚନ ଆୟୋଗରର ଡେପୁଟି ସଚିବଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ।
