Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ବ୍ୟବସାୟୀଙ୍କଠାରୁ ଆମ୍ବ ଲୁଟିନେଇଥିଲେ ଲୋକ, ଏବେ ତାଙ୍କ ଆକାଉଣ୍ଟକୁ ଛୁଟିଲା ଡୋନେସନର ସୁଅ

24/05/2020 at 2:45 PM

ନୂଆଦିଲ୍ଲୀ ୨୪।୫: ଦିଲ୍ଲୀର ଫୁଲ୍ ମିଆନ୍ ଓରଫ ଛୋଟେ କିଛି ଦିନ ତଳେ ତାଙ୍କ ଦୋକାନରୁ ଲୁଟ୍ ହୋଇଥିବା ଘଟଣାକୁ ନେଇ ଚର୍ଚ୍ଚାକୁ ଆସିଥିଲେ । ଏବେ ସେ ପୁଣି ଥରେ ଚର୍ଚ୍ଚାକୁ ଆସିଛନ୍ତି । ମାତ୍ର ଏଥର ଭଲ ଖବର ରହିଛି । ତିନି ଦିନ ପୂର୍ବେ ରାସ୍ତାରେ ଥିବା ତାଙ୍କ ଫଳ ଦୋକାନରୁ ଲୁଟ୍ ହୋଇଥିଲା । ଫଳରେ ତାଙ୍କର ୩୦,୦୦୦ ଟଙ୍କା କ୍ଷତି ହୋଇଥିଲା । କିନ୍ତୁ ଏହାପରେ ତାଙ୍କର କ୍ଷତି ପରିଶୋଧ ହୋଇଥିବା ଭଳି ଲାଗୁଛି ।

ଗଣମାଧ୍ୟମରେ ତାଙ୍କ ବିଷୟରେ ଖବର ଆସିବା ପରଠାରୁ ଦେଶର ବିଭିନ୍ନ ସ୍ଥାନରୁ ବହୁ ଲୋକ ତାଙ୍କୁ ସହାୟତା ପ୍ରଦାନ କରୁଛନ୍ତି । ଏକ ଗଣମାଧ୍ୟମ ତାଙ୍କ ବିଷୟରେ ଖବର ପ୍ରସାରଣ କରିବା ସହ ତାଙ୍କ ବ୍ୟାଙ୍କ ଖାତାର ବିବରଣୀ ସେୟାର କରିବାର ଗୋଟିଏ ଦିନ ପରେ ୧୦୦ରୁ ଅଧିକ ଲୋକ ତାଙ୍କ ଆକାଉଣ୍ଟକୁ ଟଙ୍କା ପଠାଇଛନ୍ତି । କେହି କେହି ୧୦୦-୨୦୦ ଟଙ୍କା ସହାୟତା ଦେଇଥିବା ବେଳେ କେତେକ ହଜାର ଟଙ୍କା ପର୍ଯ୍ୟନ୍ତ ସହାୟତା କରିଛନ୍ତି ।

ଏଭଳି ସହାୟତା ପାଇବା ପରେ ସେ ସଂପୃକ୍ତ ଗଣମାଧ୍ୟମକୁ ଧନ୍ୟବାଦ ଦେଇଥିଲେ । ଯେଉଁମାନେ ତାଙ୍କୁ ସାହାଯ୍ୟ କରିଛନ୍ତି ସେମାନଙ୍କୁ କୃତଜ୍ଞତା ଜଣାଇଛନ୍ତି । ସେ ଆହୁରି ମଧ୍ୟ କହିଥିଲେ ଯେ, ଯେଉଁମାନେ ତାଙ୍କର ଫଳ ଚୋରି କରିଛନ୍ତି ସେମାନେ ତ ଚୋରି କରିଛନ୍ତି କିନ୍ତୁ ସେ ଏତେ ଲୋକଙ୍କ ସାହାଯ୍ୟରେ ଅଭିଭୂତ ହୋଇପଡିଛନ୍ତି ।

ସୂଚନାଯୋଗ୍ୟ ଯେ, ଗତ ବୁଧବାର ଦିନ ଜଗତପୁରୀରେ ଯେଉଁଠାରେ ଛୋଟେ ଫଳ ବିକ୍ରି କରିଥାନ୍ତି । ସେଠାରେ କାହା ସହ ଝଗଡା ହେବା ପରେ ତାଙ୍କୁ ତାଙ୍କ ଫଳ ଟ୍ରଲିକୁ ସେଠାରୁ ହଟାଇବାକୁ ପଡିଥିଲା । ସେ ଯେତେବେଳେ ଫଳ ଟ୍ରଲି ଉପରେ ଆକ୍ରମଣ କରି ତାଙ୍କର ଫଳ ଛଡାଇ ନେଇଥିଲେ । ଲୋକମାନେ ହେଲମେଟରେ ଭର୍ତ୍ତି ଆମ୍ବ ନେଇ ଯାଉଥିଲେ । ଅଟୋ-ରିକ୍ସା ମଧ୍ୟ ଅଟକି ଯାଇ ତାଙ୍କ ଆମ୍ବ ଲୁଟ୍ କରିଥିଲେ । ଲୁଟ୍ ପାଇଁ ସେଠାରେ ବହୁତ ଲୋକ ଏକାଠି ହୋଇଥିଲେ । ଫଳରେ ସେଠାରେ ଜାମ ଲାଗିଯାଇଥିଲା । ଜଣେ ବ୍ୟକ୍ତି ଏହି ଘଟଣାର ଏକ ଭିଡିଓ ରେକର୍ଡିଂ କରି ଏହାକୁ ସୋସିଆଲ ମିଡିଆରେ ଛାଡିଥିଲେ । ଶୁକ୍ରବାର ଦିନ ଏକ ଗଣମାଧ୍ୟମ ଏହି ଖବର ପ୍ରସାରଣ କରିବା ପରେ ଅନେକ ଲୋକ ଛୋଟେ ବ୍ୟାଙ୍କ ଆକାଉଣ୍ଟର ତଥ୍ୟ ମାଗିଥିଲେ ।

   Related Posts