ଅଯୋଧ୍ୟା, ୦୪|୦୮: ଅଯୋଧ୍ୟାରେ ବୁଧବାର ଶ୍ରୀରାମ ମନ୍ଦିର ପାଇଁ ଭୂମି ପୂଜନ ଉତ୍ସବ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମକୁ କିଛି ସ୍ୱତନ୍ତ୍ର ଅତିଥୀଙ୍କୁ ନିମନ୍ତ୍ରଣ କରାଯାଇଛି । ଏହି ଅତିଥୀଙ୍କ ମଧ୍ୟରେ ମହମ୍ମଦ ଶରୀଫ ନାମକ ଜଣେ ବ୍ୟକ୍ତି ରହିଛନ୍ତି । ଶରୀଫଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ ମଧ୍ୟ କରାଯାଇଛି ।
ଶରୀଫ ହେଉଛନ୍ତି ସେହି ବ୍ୟକ୍ତି ଯିଏ ଏବେସୁଦ୍ଧା ପ୍ରାୟ ୨୫ ହଜାରରୁ ଅଧିକ ଅଚିହ୍ନା ମୃତଦେହକୁ ସତ୍କାର କରିସାରିଛନ୍ତି । ସେ ସମ୍ପୂର୍ଣ୍ଣ ରୀତିନୀତିରେ ଅଚିହ୍ନା ମୃତଦେହକୁ ସତ୍କାର କରିଥାନ୍ତି ।
wp:html/wp:htmlAyodhya: Mohammad Sharif who is known for cremating over 25,000 unclaimed bodies has been invited for the foundation stone laying ceremony of the Ram Temple on August 5. He says,"If my health permits I will go." pic.twitter.com/HTWRZSgQSa
— ANI UP (@ANINewsUP) August 4, 2020
ଏବେ ଶରୀଫଙ୍କୁ ୮୦ ବର୍ଷ ହେଲାଣି । ତାଙ୍କର ୪ ପୁତ୍ରଙ୍କ ମଧ୍ୟରୁ ୨ଜଣ ପ୍ରାଣ ମଧ୍ୟ ହରାଇ ସାରିଛନ୍ତି । ୨ ପୁତ୍ରଙ୍କ ମଧ୍ୟରୁ ଜଣଙ୍କ ନାଁ ହେଉଥି ରଇସ୍ । ରଇସ୍ କୌଣସି କାମରେ ୨୮ବର୍ଷ ପୂର୍ବରୁ ସୁଲତାନପୁର ଯାଇଥିଲେ । ସେଠାରୁ ସେ ନିଖୋଜ ହୋଇଯାଇଥିଲେ । ସେହି ସମୟରେ ଅଯୋଧ୍ୟାରେ ବିବାଦୀୟ ବାବ୍ରି ଢାଞ୍ଚାକୁ ଭାଙ୍ଗି ଦିଆଯାଇଥିଲା । ଏହାପରେ ଦେଖାଦେଇଥିବା ସାମ୍ପ୍ରଦାୟିକ ଦଙ୍ଗାର ସେ ଶିକାର ହୋଇଥିବା କୁହାଯାଏ ।
ଏହି ଘଟଣା ପରେ ଶରୀଫଙ୍କ ଜୀବନର ମୋଡ ବଦଳିଯାଇଥିଲା । ସେ ଜିଲ୍ଲାରେ ସମସ୍ତ ଅଚିହ୍ନା ମୃତଦେହର ସତ୍କାର ଦାୟିତ୍ୱ ନେଇଥିଲେ । ଅଭାବ ଅନଟନରେ ଗତି କରୁଥିଲେ ମଧ୍ୟ ସେ ଏହି ମହାନ କାର୍ଯ୍ୟ ଜାରି ରଖିଥିଲେ । ପରେ ଲୋକମାନେ ଏହି କାମ ପାଇଁ ତାଙ୍କୁ କିଛି ମାତ୍ରାରେ ଆର୍ଥିକ ସାହାଯ୍ୟ କରିଥିଲେ ।
ମହମ୍ମଦ ଶରୀଫ କହିଛନ୍ତି ଯେ, ସେ ହିନ୍ଦୁ ଓ ମୁସଲିମଙ୍କ ମଧ୍ୟରେ ବିଭେଦ ଦେଖନ୍ତି ନାହିଁ । ତେଣୁ ରାମ ମନ୍ଦିରର ଭୂମି ପୂଜନ ଉତ୍ସବରେ ସାମିଲ ହେବାରେ କୌଣସି ଅସୁବିଧା ନାହିଁ । ପ୍ରଧାନମନ୍ତ୍ରୀ ମୋଦୀ ତାଙ୍କ ଭଳି ଜଣେ ବ୍ୟକ୍ତିଙ୍କୁ ପଦ୍ମଶ୍ରୀରେ ସମ୍ମାନିତ କରିଥିଲେ, ଯାହା ବହୁତ ବଡ ସମ୍ମାନ । ଏବେ ମୋଦୀ ଅଯୋଧ୍ୟା ଆସୁଛନ୍ତି । ମୋଦୀଙ୍କ ସହ ସାକ୍ଷାତ କରିବାକୁ ମଧ୍ୟ ତାଙ୍କର ଅଭିଳାଶ ରହିଥିବା ସେ ପ୍ରକାଶ କରିଛନ୍ତି ।