ବ୍ରହ୍ମପୁର, ୧୪|୦୬ : ଶନିବାର ଓ ରବିବାର ରାଜ୍ୟର ୧୧ଟି ଜିଲ୍ଲାରେ ସଟଡାଉନ୍ ଘୋଷଣା କରିଛନ୍ତି ସରକାର । ତେବେ କିଛି ଅମାନିଆ ସରକାରଙ୍କ ନିର୍ଦ୍ଦେଶକୁ ମାନୁ ନାହାଁନ୍ତି । କରୋନା ସଂକ୍ରମଣ ରୋକିବା ପାଇଁ ସରକାରୀ ଗାଇଡଲାଇନ୍କୁ ମଧ୍ୟ ପାଳନ କରୁନାହାଁନ୍ତି । ତେବେ ବ୍ରହ୍ମପୁର ସହରରେ ଆଜି ଜଣେ ଅମାନିଆଙ୍କୁ ଆଇନା ଦେଖାଇଛନ୍ତି ତହସିଲଦାର୍ ।
ସୂଚନାନୁସାରେ, ସଟଡାଉନ୍ ଥିବା ସତ୍ତ୍ୱେ ବ୍ରହ୍ମପୁର ସହରରେ ବୁଲୁଥିବା ଜଣେ ଅମାନିଆ ଗାଡି ଚାଳକଙ୍କୁ ତହସିଲଦାର ଅଟକାଇଥିଲେ । କଥା ହେଉଥିବା ସମୟରେ ଚାଳକ ଜଣଙ୍କ ରାସ୍ତାରେ ଛେପ ପକାଇଥିଲେ । ଏହା ଦେଖି ଚାଲକଙ୍କୁ ତାଗିଦ କରିବା ସହ ଛେପ ନିଜେ ଧୋଇବା ପାଇଁ କହିଥିଲେ ତହସିଲଦାର । ପରେ ଚାଳକଜଣଙ୍କ ପାଣି ଆଣି ରାସ୍ତାରେ ପକାଇଥିବା ଛେପ ନିଜେ ଧୋଇଥିଲେ ।