Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||

ବିମାନ ତଳେ ଲୁଚି ଦିଲ୍ଲୀରୁ ଲଣ୍ଡନ ପଳାଇଲେ ଯୁବକ : ୬୫୦୦ କିମି ଯାତ୍ରା କଲାପରେ ମଧ୍ୟ ଥିଲେ ଜୀବନ୍ତ

7/07/2019 at 4:50 PM

ଗତ ସପ୍ତାହରେ ଲଣ୍ଡନରେ ଜଣେ ବ୍ୟକ୍ତିଙ୍କ ବଗିଚାରେ ଏକ ଶବ ବିମାନରୁ ଖସି ପଡିଥିଲା । ପାଖାପାଖି ୩୫୦୦ ଫୁଟ ଉଚ୍ଚରୁ ଶବଟି ତଳେ ପଡିଥିଲା । ଶବ ଏତେ କ୍ଷତବିକ୍ଷତ ହୋଇଯାଇଥିଲା ଯେ ସେ ପୁରୁଷ ନା ମହିଳା ତାହା ମଧ୍ୟ ଜଣାପଡ଼ିନଥିଲା । ଶବଟି ବରଫ ଭଳି ଦେଖାଯାଉଥିଲା । ସୂଚନା ଅନୁଯାୟୀ, ଉକ୍ତ ବ୍ୟକ୍ତି ଜଣକ ବିମାନର ଲ୍ୟଣ୍ଡିଙ୍ଗ ଗିଅର ଜାଗାରେ ଲୁଚି ଯାତ୍ରା କରୁଥିଲା । ଶବଟି କେନ୍ୟା ଏୟାରଲାଇନ୍ସ ବିମାନରୁ ପଡିଥିଲା । ବିମାନଟି କେନ୍ୟାରୁ ଲଣ୍ଡନ ଯାଉଥିଲା । ପୁଣି ଏହିଭଳି ଏକ ଘଟଣା ସାମ୍ନାକୁ ଆସିଛି । ଆଉ ଜଣେ ଯୁବକ ବିମାନରେ ଲୁଚି ଯାତ୍ରା କରିଥିବା ଘଟଣା ସାମ୍ନାକୁ ଆସିଛି । କିନ୍ତୁ ଏଠାରେ ଯୁବକ ଜଣକ ବଞ୍ଚି ଯାଇଛନ୍ତି ।  

ବିମାନ ତଳେ ଲୁଚି ଯାତ୍ରା କରୁଥିବା ସମୟରେ ଅନେକ ଲୋକଙ୍କ ମୃତ୍ୟୁ ହୋଇଥାଏ । ବହୁତ କମ ମାମଲାରେ କ୍ୱଚିତ କିଏ କିଏ ବ଼ଞ୍ଚି ଯାଇଥାନ୍ତି । ଏକ ରିପୋର୍ଟ ଅନୁଯାୟୀ, ଆଜିଠୁ ୨୩ ବର୍ଷ ପୁର୍ବରୁ ୧୯୯୬ ମସିହାରେ ପ୍ରଦୀପ ସୈନି ନାମକ ଜଣେ ଯୁବକ ଦିଲ୍ଲୀରୁ ଏହିଭଳି ଏକ ଯାତ୍ରା ଆରମ୍ଭ କରିଥିଲେ । କିନ୍ତୁ ସୌଭାଗ୍ୟବଶତ ପ୍ରଦୀପ ବଞ୍ଚି ଯାଇଥିଲେ । ସୋ ଲଣ୍ଡନରେ ଡ୍ରାଇଭର ଭାବେ କାମ କରନ୍ତି ।

ପ୍ରଦୀପ ବିମାନର ଲ୍ୟଣ୍ଡିଙ୍ଗ ଗିଅର ଲୁଚି ପାଖାପାଖି ୬୫୦୦ କିମି ଦୁର ଯାତ୍ରା କରିଥିଲେ ଏବଂ ସୁରକ୍ଷିତ ଭାବେ ପହଞ୍ଚି ଯାଇଥିଲେ । ବିମାନଟି ୪୦ ହଜାର ଫୁଟ୍ ଉଚ୍ଚରେ ଉଡିଥିଲା । ଏହି ଯାତ୍ରା ସମୟରେ ପ୍ରଦୀପ ମାଇନସ୍ ୬୦ ଡିଗ୍ରୀ ତାପମାତ୍ରାରେ ଯାତ୍ରା କରିଥ୍ଲା ।

କିନ୍ତୁ ପ୍ରଦୀପଙ୍କୁ ବର୍ତ୍ତମାନ ସେ ଯାତ୍ରା ସମ୍ପର୍କରେ କିଛି ମନେ ନାହିଁ । ଏହି ଯାତ୍ରା ସମୟରେ ପ୍ରଦୀପଙ୍କ ସହ ତାଙ୍କ ସାନ ଭାଇ ବିଜୟ ମଧ୍ୟ ଥିଲେ । କିନ୍ତୁ ବିମାନରୁ ପଡି ତାଙ୍କର ମୃତ୍ୟୁ ହୋଇଯାଇଥିଲା । ୫ ଦିନ ପରେ ଲଣ୍ଡନରୁ ହିଁ ତାଙ୍କ ଶବ ମିଳିଥିଲା ।

ଲଣ୍ଡନରେ ପହଞ୍ଚିବାବେଳେ ୨୨ ବର୍ଷ ବୟସ୍କ ପ୍ରଦୀପ ଚେତାଶୂନ୍ୟ ଅବସ୍ଥାରେ ଥିଲେ । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସେ ବହୁତ ଜଲଦି ଭଲ ହୋଇଯାଇଥିଲେ । ଯାହାକୁ ଦେଖି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ତାଙ୍କୁ ଲଣ୍ଡନରୁ ବାହାର କରିବାକୁ ପ୍ରସାଶନ ଚେଷ୍ଟା କରିଥିଲା । ଏହା ବିରୋଧରେ ପ୍ରଦୀପଙ୍କୁ ବହୁ ଦିନ ଧରି ଲଢିବାକୁ ପଡିଥିଲା । ଶେଷରେ କୋର୍ଟ ୨୦୧୪ ମସିହାରେ ତାଙ୍କୁ ଲଣ୍ଡନରେ ରହିବାକୁ ଅନୁମତି ଦେଇଥିଲେ । ଲଣ୍ଡନ ଯିବା ପୁର୍ବରୁ ସେ ପଞ୍ଜାବରେ କାର ମେକାନିକ ଭାବେ କାମ କରୁଥିଲେ ।

   Related Posts