Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜିବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ପ୍ରେମ ପାଇଁ ଚୋରି : ୧୫ଦିନ ମଧ୍ୟରେ ୧୨ଟି ବାଇକ୍ ଚୋରି କଲା ଯୁବକ, ଚୋରା ବାଇକ୍ ବିକି ଗାର୍ଲଫ୍ରେଣ୍ଡକୁ କରାଉଥିଲା ଖୁସି

22/07/2020 at 10:56 AM

ନୂଆଦିଲ୍ଲୀ ୨୨/୭: ଗୋଟିଏ ପଟେ ଦିଲ୍ଲୀ ସମେତ ପୂରା ଦେଶ କରୋନା ସଙ୍କଟ ଭୋଗୁଥିବାବେଳେ ଅନ୍ୟପଟେ ଲୋକ ନିଜ ପ୍ରେମିକାଙ୍କୁ ଖୁସି କରିବା ପାଇଁ ଜୋରସୋରରେ ଚୋରି କରିବାକୁ ପଛାଉ ନାହାନ୍ତି। ଦିଲ୍ଲୀରେ ଜଣେ ବ୍ୟକ୍ତି ନିଜ ପ୍ରେମିକା ପାଇଁ ୧୨ଟି ବାଇକ୍ ଚୋରି କରିଛି।

ଘଟଣାଟି ହେଉଛି ପୂର୍ବ ଦିଲ୍ଲୀର ପଟପଡ଼ଗଞ୍ଜ ଅଞ୍ଚଳର। ଜଣେ ବ୍ୟକ୍ତି ନିଜ ପ୍ରେମିକାକୁ ବୁଲାଇବା ଚକ୍କରରେ ଚୋର ହୋଇ ଯାଇଛି ଏବଂ ମାତ୍ର ୧୫ଦିନ ମଧ୍ୟରେ ଗୋଟିଏ କିମ୍ବା ଦୁଇଟି ନୁହେଁ ବରଂ ୧୨ଟି ବାଇକ୍ ଚୋରି କରିଛି। ପୋଲିସ୍ ସମସ୍ତ ବାଇକ୍ ଜବତ କରିଛି ଏବଂ ଏହି ମାମଲାରେ ୩ଜଣ ଅଭିଯୁକ୍ତଙ୍କୁ ଗିରଫ କରିଛି।

ପୂର୍ବ ଦିଲ୍ଲୀର ପଟପଡ଼ଗଞ୍ଜ ପୋଲିସ୍ ଏପରି ଚୋରକୁ ଧରିଛି ଯିଏ ନିଜ ପ୍ରେମିକାକୁ ଚୋରି ବାଇକରେ ବୁଲାଉଥିଲା ଏବଂ ପରେ ସେହି ବାଇକକୁ ବିକ୍ରି କରି ଅନ୍ୟ ବାଇକ୍ ଚୋରି କରି ସେଥିରେ ବୁଲାଉଥିଲା।

 ବାଇକ୍ ଚୋର ପ୍ରଦୀପ ନିଜ ଗାର୍ଲଫ୍ରେଣ୍ଡକୁ ଖୁସି କରିବା ପାଇଁ ମାତ୍ର ୧୫ଦିନ ମଧ୍ୟରେ ୧୨ଟି ବାଇକ୍ ଚୋରି କରିଥିଲା। ଚୋରି କଥା ସେତେବେଳେ ଜଣା ପଡ଼ିଥିଲା ଯେତେବେଳେ ଗାଜିପୁର ପାକେଟରେ ଚେକିଂ ସମୟରେ ଧରା ପଡ଼ିଥିବା ପ୍ରଦୀପକୁ ଗାଡ଼ିର କାଗଜପତ୍ର ମଗାଯାଇଥିଲା କିନ୍ତୁ ସେ ପେପର ଦେଖାଇବା ପରିବର୍ତେ ପୋଲିସକୁ ନିଜ କଥାରେ ପଥଭ୍ରଷ୍ଟ କରିବାକୁ ଉଦ୍ୟମ କରିଥିଲା।

ପୋଲିସ ଅଧିକ ପଚରାଉଚୁରା କରିବାରୁ ଘଟଣା ଜଣା ପଡ଼ିଥିଲା। ପ୍ରଦୀପ ନିଜ ପ୍ରେମିକାକୁ ଖୁସି କରିବା ପାଇଁ ପ୍ରତିଦିନ ମଣ୍ଡାବଳୀ,ମଧୁ ବିହାର ଏବଂ ଗାଜିପୁର ଅଞ୍ଚଳରୁ ବାଇକ୍ ଚୋରି କରୁଥିଲା ଏବଂ ନିଜ ପ୍ରେମିକାକୁ ନୂଆ ବାଇକରେ ବୁଲାଇ ତାକୁ ଖୁସି କରୁଥିଲା।

ବାଇକ୍ ବ୍ୟବହାର କରିବା ପରେ ସେହି ବାଇକକୁ ବିକି ଦେଉଥିଲା ଏବଂ ସେଥିରୁ ମିଳୁଥିବା ଟଙ୍କାରେ ନିଜ ପ୍ରେମିକାକୁ ନେଇ ମଲରେ ଶପିଂ କରାଉଥିଲା ଏବଂ ପାର୍ଟି ମଧ୍ୟ କରୁଥିଲା।

ପରେ ସବୁ କଥା ଜଣା ପଡ଼ିବା ପରେ ଚୋରି ହୋଇଥିବା ୧୦ଟି ବାଇକ ସହ ସବୁ ଅଭିଯୁକ୍ତଙ୍କୁ ଗିରଫ କରାଯାଇଥିଲା ଯେଉଁମାନେ ଏହି ଘଟଣାରେ ସମ୍ପୃକ୍ତ ଥିଲେ।

   Related Posts