Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ଝରକା ବାଟେ ପାନ ଛେପ ପକାଇବା ହେଲା କାଳ, ଟିକେ ଛିଟ୍‌କା ପଡ଼ିବାରୁ ଘରେ ପଶି ଗୁଳି ମାରିଦେଲା ଯୁବକ

2/11/2021 at 5:59 PM

ପାଟନା, ୦୨।୧୧: ପାନ ଛେପ ପାଇଁ ଗଲା ଜୀବନ । ଏପରି ଏକ ଘଟଣା ଦେଖିବାକୁ ମିଳିଛି ବାହାରର ସିୱାନ ଜିଲ୍ଲାରେ । ପାନ ଛେପ ପକାଇ ଦେବାରୁ ଜଣେ ଛୋଟ ବ୍ୟବସାୟୀଙ୍କ ଜୀବନ ଯାଇଛି । ଏ ଘଟଣା ରବିବାର ଘଟିଛି ।

ସୂଚନା ମୁତାବକ, ମୃତ ବ୍ୟବସାୟୀ ହେଉଛନ୍ତି ୨୭ ବର୍ଷୀୟ ଇସାନ୍‌ ମଲିକ୍‌ । ସେ ସରାଇ ପୋଲିସ୍ ଥାନା ଅଧିନରେ ଆସୁଥିବା ପୁରାନି କିଲ୍ଲା ପୋଖାର ଅଞ୍ଚଳରେ ଭଡ଼ାରେ ରହୁଥିଲେ । ଉକ୍ତ ଅଞ୍ଚଳରେ ସେ ବୁଲି ବୁଲି କପଡ଼ା ବ୍ୟବସାୟ କରିଥିଲେ । ଘଟଣା ଦିନ ରାତି ୮.୩୦ ସମୟରେ ସେ ରୋଷେଇ ଘରେ ଖାଦ୍ୟ ରାନ୍ଧୁଥିବା ବେଳେ ପାନ ଚୋବାଇ ଛେପ ଝରକା ବାଟେ ପକାଇ ଦେଇଥିଲେ । ସେହି ସମୟରେ ତଳ ରାସ୍ତା ଦେଇ ଯାଉଥିବା ଜଣେ ଯୁବକଙ୍କ ଦେହରେ କିଛି ଛିଟା ପଡ଼ିଥିଲା ।

ଏଥିରେ ଉତ୍‌କ୍ଷିପ୍ତ ହୋଇ ଯୁବକ ଜଣକ ଇସାନ୍‌ଙ୍କ ଘର କବାଟ ବାଡ଼େଇଥିଲେ । ଇସାନ୍‌ କବାଟ ଖୋଲିବା କ୍ଷଣି ତାଙ୍କ ଉପରକୁ ଗୁଳି ଚଳାଇଥିଲା ଯୁବକ । ଫଳରେ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।

ପୋଲିସ୍‌ ଦେଇଥିବା ସୂଚନା ଅନୁସାରେ, ଗୁଳି ମାରିଥିବା ଯୁବକ ହେଉଛି ୧୮ ବର୍ଷୀୟ ଗୋଲୁ ମିଆଁ । ସେ ଇସାନ୍‌ଙ୍କୁ ଗୁଳି ମାରିବା ପରେ ପାଳାୟନ କରିବାକୁ ଚେଷ୍ଟା କରିଥିଲା । ହେଲେ ପୋଲିସ୍‌ ତାକୁ କାବୁ କରିଛି । ସେ ଏକ ଦେଶୀ ବନ୍ଧୁକରେ ଗୁଳି ମାରିଥିବା ବେଳେ ଚଢ଼ାଉ ସତ୍ତ୍ୱେ ବି ପୋଲିସ୍‌ ସେହି ବନ୍ଧୁକକୁ ଜବତ କରି ପାରିନାହିଁ । ଅଭିଯୁକ୍ତକୁ ଗିରଫ କରି ପୋଲିସ୍‌ କୋର୍ଟରେ ହାଜର କରିବା ପରେ ତାକୁ ୧୪ ଦିନିଆ ହାଜତକୁ ପଠାଇ ଦିଆଯାଇଛି ।

   Related Posts