Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

କଲେଜରେ ପ୍ରେମ କରି ଝିଅ ହେଲା ଗର୍ଭବତୀ ; ସହି ପାରିଲାନି ବାପା, ସମ୍ପର୍କୀୟଙ୍କ ସହ ମିଶି କଲା ହତ୍ୟା

28/11/2018 at 5:09 PM

ନୂଆଦିଲ୍ଲୀ ୨୮|୧୧:  ବିବାହ ପୂର୍ବରୁ ଗର୍ଭବତୀ ହେବା କାରଣରୁ ନିଜ ଝିଅର ତଣ୍ଟି ଚିପି ହତ୍ୟା କରିଦେଲେ ବାପା । ଏଭଳି ଅଭାବନୀୟ ଘଟଣା ଘଟିଛି ମହାରାଷ୍ଟ୍ରର ଜାଲନା ଜିଲ୍ଲାରେ ଭୋକରଦନ ଗାଁରେ । ଯୁବତୀଙ୍କ ବାପା ତାଙ୍କର ସଂପର୍କୀୟଙ୍କ ସାହାଯ୍ୟରେ ନିଜ ଝିଅକୁ ହତ୍ୟା କରିଛି । ଏହି ମାମଲାରେ ପୋଲିସ ମୃତ ଯୁବତୀଙ୍କ ବାପା ସମାଧାନ ଡୁକରେଙ୍କ  ସହ ତାଙ୍କର ୪ଜଣ ସଂପର୍କୀୟଙ୍କୁ ଗିରଫ କରିଛି ।

ସୂଚନା ଅନୁସାରେ ଜାଲନା ଜିଲ୍ଲାର ଭୋକରଦନରେ ରାସ୍ତା ଉପରେ ୨୦ବର୍ଷୀୟ ଯୁବତୀଙ୍କ ମୃତଦେହ କିଛି ଦିନ ପୂର୍ବରୁ ମିଳିଥିଲା । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଥିଲା । ଏହାପରେ ପୋଲିସ ହତ୍ୟା ଘଟଣାର ତଦନ୍ତ ଆରମ୍ଭ କରିଥିଲା । ତଦନ୍ତ ସମୟରେ ଏଭଳି ଏକ ସୂଚନା ମିଳିଥିଲା ଯାହା ପୋଲିସକୁ ଆଶ୍ଚର୍ଯ୍ୟ କରିଥିଲା ।

ସୂଚନାଯୋଗ୍ୟ ଯେ, ଯୁବତୀ ଜଣକ ପୁଣେର ଏକ କଲେଜରେ ପାଠ ପଢୁଥିଲେ । କଲେଜରେ ଜଣେ ଯୁବକଙ୍କ ସହ ତାଙ୍କର ପରିଚୟ ହୋଇଥିଲା । ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢିଉଠିଥିଲା । ଉଭୟଙ୍କ ମଧ୍ୟରେ ପ୍ରେମ ସଂପର୍କ ବହୁତ ନିବିଡ ହୋଇଯାଇଥିଲା । ଯାହା ଫଳରେ କିଛି ଦିନ ପରେ ଯୁବତୀ ଜଣଙ୍କ ଗର୍ଭବତୀ ହୋଇଥିଲେ । ଯେତେବେଳେ ଏ କଥା ଯୁବତୀଙ୍କ ବାପା ଜାଣିଥିଲେ ସେ ଏହାକୁ ଗ୍ରହଣ କରିପାରିନଥିଲେ । ଫଳରେ ନିଜ ଝିଅକୁ ହତ୍ୟା କରିବାର ସେ ଯୋଜନା କରିଥିଲେ । ନିଜର କିଛି ସଂପର୍କୀୟମାନଙ୍କ ସହ ମିଶି ତାଙ୍କୁ ହତ୍ୟା ମଧ୍ୟ କରିଥିଲେ ।

ଘଟଣାରେ ପୋଲିସ ଯୁବତୀଙ୍କ ବାପା ଏବଂ ତାଙ୍କର ୪ଜଣ ସଂପର୍କୀୟଙ୍କୁ ଗିରଫ କରିଥିଲା । ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିଲା ।ଜାମିନ ନମିଳିବାରୁ ସେମାନଙ୍କୁ ବିଚାର ଭିଭାଗୀୟ ହେପାଜତକୁ ପଠାଇଦିଆଯାଇଛି।

   Related Posts