Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ସ୍ତ୍ରୀ ପର ପୁରୁଷ ସହ କଥା ହେବା ଦେଖି ରାଗିଗଲା ସ୍ୱାମୀ : ଗର୍ଭବତୀ ସ୍ତ୍ରୀକୁ ହତ୍ୟା କରି ଥାନାରେ କଲା ଆତ୍ମସମର୍ପଣ

12/05/2020 at 4:31 PM

ନୂଆଦିଲ୍ଲୀ ୧୨/୦୫ : ରାଗ ମଣିଷର ବ୍ରହ୍ମ ଚଣ୍ଡାଳ | ବେଳେବେଳେ ରାଗିଯାଇ ମଣିଷ ଏମିତି ଭୁଲ କରିଦିଏ ଯେଉଁଥିପାଇଁ ଟପାଖରେ ପଶ୍ଚାତାପ ଛଡା ଆଉ କିଛି ବାଟ ନଥାଏ | ରାଜଧାନୀ ଦିଲ୍ଲୀରେ ଘଟିଛି ବିଭତ୍ସ ହତ୍ୟାକାଣ୍ଡ | ୫ ମାସର ଗର୍ଭବତୀ ସ୍ତ୍ରୀ ଘରେ ନଥିବା ଦେଖି ସ୍ୱାମୀ କ୍ରୋଧରେ ପାଗଳ ହୋଇଯାଇଥିଲା | ସ୍ୱାମୀର ଏତେ ରାଗ ଯେ ସେ ତାର ହିତାହିତ ଜ୍ଞାନ ମଧ୍ୟ ଭୁଲିଗଲା | ରାଗରେ ଗର୍ଭବତୀ ସ୍ତ୍ରୀର ତଣ୍ଟି ଚିପି ହତ୍ୟା କରିଥିଲା | ହତ୍ୟା କରିବା ପରେ ନିଜେ ଥାନାରେ ଯାଇ ଆତ୍ମସମର୍ପଣ କରିଥିଲା | ମାମଲା ଦକ୍ଷିଣ ଦିଲ୍ଲୀର ଦକ୍ଷିଣପୁରୀ ଅଞ୍ଚଳର |

ହତ୍ୟାକାରୀ ସ୍ୱାମୀ ଅଟୋ ରିକ୍ସା ଚଳାଇ ପରିବାର ଚଳାଏ | ୩୩ ବର୍ଷ ବୟସ୍କ ବିଜୟ କୁମାର ରବିବାର ରାତିରେ ଆମ୍ବେଦକର ନଗର ଥାନାରେ ପହଞ୍ଚିଥିଲା ଏବଂ ନିଜେ ନିଜ ପତ୍ନୀକୁ ହତ୍ୟା କରିଥିବା ସ୍ୱୀକାର କରିଥିଲା | ଅଧିକାରୀଙ୍କ ସୂଚନା ଅନୁଯାୟୀ, ଶନିବାର ରାତିରେ ବିଜୟ କୁମାର ଘରକୁ ଫେରିବା ପରେ ସେ ନିଜ ସ୍ତ୍ରୀକୁ ଘରେ ପାଇନଥିଲା | ସ୍ତ୍ରୀ ଘରେ ନଥିବା ଜାଣି ସେ ତାଙ୍କୁ ଖୋଜିବାକୁ ଗଲା | ସେ ରହୁଥିବା କିଛି ଦୂରରେ ତାଙ୍କ ଶ୍ୱଶୁର ଘର ଅର୍ଥାତ ତାଙ୍କ ପତ୍ନୀଙ୍କ ମା ଘର ଥିଲା | କାଳେ ସେ ନିଜ ଘରକୁ ଯାଇଥିବେ ଭାବି ଶ୍ୱଶୁର ଘରକୁ ଖୋଜିବାକୁ ଗଲା | କିନ୍ତୁ ତାଙ୍କ ସ୍ତ୍ରୀ ସେଠାରେ ମଧ୍ୟ ନଥିଲେ | ଫେରିବା ସମୟରେ ଏକ ଗଳିରେ ତାଙ୍କ ପତ୍ନୀ ଜଣେ ପୁରୁଷ ସହ କଥା ହେଉଥିବା ସେ ଦେଖିବାକୁ ପାଇଲା | ପରା ପୁରୁଷ ସହ କଥା ହେଉଥିବା ଦେଖି ସେ ରାଗି ଯାଇଥିଲା | ଘଟଣାକୁ ନେଇ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ ନାନା ପାଟିତୁଣ୍ଡ ହେଲା | ଏତିକିବେଳେ ବିଜୟ କୁମାର ଉତକ୍ଷିପ୍ତ ହୋଇ ପତ୍ନୀର ତଣ୍ଟି ଚିପି ତାଙ୍କୁ ହତ୍ୟା କରିଥିଲା |

ଦକ୍ଷିଣ ଦିଲ୍ଲୀ ପୋଲିସ ଅଧିକାରୀ ଅତୁଲ କୁମାର ଠାକୁର କହିଛନ୍ତି ଯେ, ଅଭିଯୁକ୍ତ ସ୍ୱାମୀ ପ୍ରଥମେ ସ୍ତ୍ରୀ ସହ ଯୁକ୍ତିତର୍କ କରିଥିଲା ଏବଂ ପରେ ଏହା ଝଗଡାରେ ପରିଣତ ହୋଇଥିଲା | ଯାହାର ଶେଷ ପରିଣତି ହୋଇଥିଲା ହତ୍ୟା | ପୋଲିସ କହିଛନ୍ତି ଯେ, ଯେତେବେଳେ ପୋଲିସ ଘଟଣାସ୍ଥଳରେ ପହଞ୍ଚିଥିଲା ମହିଳାଙ୍କ ମୃତଦେହ ଘରର ବିଛଣା ଉପରେ ପଡିଥିଲା | ମହିଳାଙ୍କ ବେକରେ ତଣ୍ଟି ଚିପି ହତ୍ୟା କରିଥିବା ଚିହ୍ନ ଥିଲା | ବିଜୟ କୁମାର ନିଜେ ଆସି ଥାନାରେ ଆତ୍ମସମର୍ପଣ କରିବା ପରେ ତା ବିରୋଧରେ ହତ୍ୟା ମାମଲା ରୁଜ୍ଜୁ କରାଯାଇଛି |

   Related Posts